483.99
+0.93
563.46
+1.42
8.32
+0.02
+2
Եղանակը Երևանում
Հայ
Հայ ռեժիսորները խոշոր պայմանագրեր են ստորագրել Կաննի կինոշուկայում
23:47
08 Հունիսի 2011

Կաննի փառատոնի շրջանակներում կինոշուկայում միջազգային կինոընկերությունների հետ հայ ռեժիսորները մի քանի շահավետ պայմանագրեր են ստորագրել, հայտնեց ՀՀ ազգային կինոկենտրոնի տնօրեն Գևորգ Գևորգյանը։

«Մենք կինոշուկային մասնակցում ենք արդեն երրորդ տարին՝ առաջին տարում մենք ներկա էինք հյուրի կարգավիճակում, երկրորդի ժամանակ իրավիճակն էինք ուսումնասիրում, իսկ ահա այժմ արդեն ֆիլմերի շնորհանդեսներ, արտերկրի պրոդյուսերների հետ հայ ռեժիսորների հանդիպումներ ենք կազմակերպել և շահավետ պայմանագրեր ենք ստորագրել»,- չորեքշաբթի մամուլի ասուլիսի ժամանակ ասաց Գևորգյանը։

Ըստ նրա, հայկական կինոարտադրության պատմության մեջ առաջին անգամ համաձայնագիր է ստորագրվել «INSOMNIA WS» ֆրանսիական ընկերության հետ։ Պայմանագրի համաձայն, առաջիկա հինգ տարիների ընթացքում հայ ռեժիսոր Հովհաննես Գալստյանի «Խճճված զուգահեռներ» ֆիլմը կցուցադրվի 40 երկրում՝ իրենց պետական լեզվով։

Գևորգյանն ավելացրեց, որ «Barandov» չեխական ստուդիան նույնպես հետաքրքրություն է ցուցաբերել հայկական կինոարտադրության հանդեպ և պատրաստակամություն է հայտնել ֆինանսավորելու հայկական ֆիլմերը, ինչպես նաև կազմակերպել դրանց վարձույթն իրենց երկրի տարածքում։
«Interfilm production» ուկրաինական կինոստուդիայի հրավերով, ՀՀ ազգային կինոկենտրոնը կմասնակցի «Փարաջանով. գեղեցիկի սիրահարը» անվանումով մեծ կինոռեժիսոր Սերգեյ Փարաջանովի մասին ֆիլմի ստեղծման աշխատանքին։

Գևորգյանը նաև նշեց, որ հանդիպումների և քննարկումների արդյունքում մի շարք ֆիլմերի շնորհանդեսի մասին համաձայնագիր է ձեռք բերվել, մասնավորապես՝ Մոսկովյան միջազգային կինոփառատոնի կինոշուկայում ռուսական կողմը Հայաստանին անվճար տաղավար կտրամադրի իր արտադրանքը ցուցադրելու համար։

Ըստ Գևորգյանի, «Բելառուս ֆիլմ» ստուդիան, որի բյուջեն շուրջ 10 մլն եվրո է կազմում, նույնպես ցանկություն է հայտնել համագործակցելու հայ գործընկերների հետ։ «Շուտով նրանց հետ պայմանագիր կկնքվի։ Նրանք իրենց վրա կվերցնեն ֆիլմերի հնչյունավորման, բազմացման ծախսերը և շատ այլ նախագծեր»,- հայտնեց նա։

Ազգային կինոկենտրոնի ղեկավարն ընդգծեց, որ Հայաստան պես փոքր կինոբյուջե ունեցող երկրների համար ներկայությունը Կաննի կինոշուկայում հնարավորություն է տալիս կինոարտադրության ոլորտում նոր գործընկերներ գտնել և աշխարհում առաջ տանել հայկական կինոարտադրությունը։

«Ազգային կինոկենտրոնը պետության աջակցությամբ փորձում է  բոլոր հնարավոր պայմանները ստեղծել մեր ռեժիսորների և պրոդյուսերների համար, որպեսզի շփվեն իրենց արտասահմանցի գործընկերների հետ, ընդօրինակեն նրանց փորձն ու պայմանագրեր կնքենք»,- ասաց նա։

Կաննի կինոշուկայի հայկական պատվիրակության կազմում են եղել ռեժիսոր-– պրոդյուսերներ Հովհաննես Գալստյանն ու Արամ Սուքիասյանը, ռեժիսորներ Արամ Շահբազյանը, Վրեժ Քասունին։
Այս տարի Կաննի 64-րդ կինոփառատոնն անցկացվել է մայիսի 11-22-ը։ -0-

Loading...
Թեմատիկ նյութեր
Բաժնի այլ նյութեր
01:10
28 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
21:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
20:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
02:48
27 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
19:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
23:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
18:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
05:00
18 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
23:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
21:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
18:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
05:05
14 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։