486.21
-0.98
517.62
-1.72
8.15
+0.04
-9
Եղանակը Երևանում
Հայ
Հայտնի երաժիշտ Վենգերովին ոգևորել է Հայաստանում ՅՈՒՆԻՍԵՖ-ի Մանկական նվագախմբի ստեղծման փաստը
17:09
21 Փետրվարի 2011

Ականավոր ժամանակակից ջութակահար և դիրիժոր Մաքսիմ Վենգերովը Երևանում հայտարարեց, թե  հպարտություն է զգում այն հանգամանքից, որ Հայաստանում է ձևավորվել ՅՈՒՆԻՍԵՖ-ի առաջին  Մանկական կամերային լարային նվագախումբը։

Մանկական կամերային նվագախումբը ստեղծվել է Հայաստանում 2010 թվականին ՅՈՒՆԻՍԵՖ-ի և «ԱրմենՏել» ընկերության (Beeline) աջակցությամբ Երեխաների իրավունքների կոնվենցիայի 20-ամյակի կապակցությամբ։
«ՅՈՒՆԻՍԵՖ-ի այս հիանալի նվագախումբը բաղկացած է Հայաստանի աստղերից։ Դա Հայաստանի հպարտությունն է, ձեր հպարտությունը, և ես նույնպես արդեն հպարտ եմ, որ Հայաստանում այդպիսի տաղանդավոր երեխաներ կան։ Օրերս ես նրանց հետ փորձ եմ անցկացրել։ Սքանչելի երեխաներ են։ Նրանք շատ աշխատասեր են»,- երկուշաբթի ասաց Վենգերովը հայ լրագրողներին ՅՈՒՆԻՍԵՖ-ի Մանկական լարային նվագախմբի հետ վարպետության դասերի մեկնարկից առաջ։

Երաժիշտն ասաց, որ Հայաստան է եկել Մանկական կամերային և Պետական երիտասարդական նվագախմբերի դիրիժոր Սերգեյ Սմբատյանի հրավերով և ընդգծեց, որ հետագայում մտադիր է շարունակել համագործակցությունն այդ նվագախմբերի հետ։

Վենգերովը վարպետության դասեր անցկացրեց նվագախմբի հետ որպես դիրիժոր։ Դասի շրջանակներում պատանի երաժիշտները նրա գլխավորությամբ նվագեցին արգենտինացի հայտնի կոմպոզիտոր Աստոր Պիացոլայի «Տանգոն»։
Գովելով պատանի երաժիշտներին աշխատասիրության համար՝ դիրիժորը վառ գույներով նկարագրեց տանգոյի էությունը, որը կանանց հետ արգենտինացիների ծանոթության հիմնական ձևն է։

Այնուհետև Վենգերովն անձամբ պարային մի քանի պա ցուցադրեց իր ընկերուհի Օլգայի հետ։
Երևանի Կոմիտասի անվան պետական կոնսերվատորիայի դահլիճներից մեկում անցկացված վարպետության դասի ողջ մթնոլորտը լցված էր երաժշտության նկատմամբ սիրով և իսկական արգենտինյան տանգոյի ոգով։
Մաքսիմ Վենգերովն առաջին անգամ համերգով հանդես կգա Երևանում փետրվարի 22-ին Հայաստանի Պետական երիտասարդական նվագախմբի ուղեկցությամբ։ Ծրագրում կհնչեն Ռիմսկի Կորսակովի և Սիբելիուսի ստեղծագործությունները։

Մաքսիմ Վենգերովը ժամանակակից առավել դինամիկ և բազմակողմանի երաժիշտներից է։ Աշխարհահռչակ ջութակահար լինելով՝ նա բազմիցս ելույթ է ունեցել համաշխարհային բեմերում հայտնի դիրիժորների ղեկավարությամբ և համագործակցել լավագույն երաժիշտների և նվագախմբերի հետ։
Վենգերովը միջազգային մի շարք երաժշտական մրցանակների դափնեկիր է, հեղինակավոր պարգևների մրցանակակիր, որոնց թվում են՝ երկու Grammy, չորս Gramophone Award UK, չորս Edison Award, երկու Echo Klassik Award, Amadeus Prize Best Recording, Brit Award, Prix de la Nouvelle,  Academie du Disque  Victoires de la Musique,  Siena Prize of the Accademia Musicale,  երկու Diapason d’Or,  RTL d’OR, Grand Prix Des Discophiles, Ritmo.
Նրա մասնակցությամբ նկարահանվել են բազմաթիվ երաժշտական ֆիլմեր։
1997 թվականից Վենգերովը ՅՈՒՆԻՍԵՖ-ի հանձնակատար է։ -0-

Loading...
Թեմատիկ նյութեր
Բաժնի այլ նյութեր
13:59
20 Հունվարի 2017
«Ավրորա»–ն գեղարվեստական մրցույթ է հայտարարում
«Ավրորա» մարդասիրական նախաձեռնությունը հայտարարում է գեղարվեստական մրցույթ 7-14 տարեկան երեխաների և պատանիների համար:
12:21
20 Հունվարի 2017
«Ռուսական էստրադայի կայսրուհին» ելույթ կունենա Երևանում
«Ռուսական էստրադայի կայսրուհի» Իրինա Ալեգրովան հանդես կգա համերգով Երևանում:
13:50
19 Հունվարի 2017
Ամենաճանաչված հայ աստղերի ցուցակը գլխավորել է Քիմ Քարդաշյանը
«Ավրորա» մարդասիրական նախաձեռնության կողմից իրականացված հանրային կարծիքի հետազոտության արդյունքներով ամենաճանաչված հայ աստղերի ցուցակը գլխավորել է Քիմ Քարդաշյանը:
20:51
18 Հունվարի 2017
Ռոման Պոլանսկին դարձել է «Սեզար» ֆրանսիական կինոմրցանակի նախագահը
Ռեժիսոր Ռոման Պոլանսկին դարձել է «Սեզար» 42–րդ ֆրանսիական կինոմրցանակի նախագահը։
16:04
17 Հունվարի 2017
Այվազովսկու 200–ամյակին նվիրված ծավալուն ցուցահանդես կկայանա Երևանում
Աշխարհահռչակ ծովանկարիչ Իվան (Հովհաննես) Այվազովսկու ծննդյան 200–ամյակին նվիրված ցուցահանդես կկայանա Երևանում։
14:36
16 Հունվարի 2017
Համացանցում հայտնվել է «Կյանք ու կռիվ 2» ֆիլմի պաշտոնական թիզերը (ՏԵՍԱՆՅՈՒԹ)
«Կյանք ու կռիվ 2» ֆիլմի պաշտոնական թիզերն արդեն հայտնվել է համացանցում։
18:13
13 Հունվարի 2017
Ուկրաինական «X ֆակտոր 7» շոուի հաղթող Սևակ Խանաղյանը հայրենակիցներից նման աջակցություն չէր ակնկալում
Ուկրաինական «Х ֆակտոր 7» հեռուստաշոուի հաղթող Սևակ Խանաղյանը խոստովանել է, որ հայրենակիցներից նման ռեզոնանսային աջակցություն չէր սպասում:
15:19
13 Հունվարի 2017
Երևանցի փոքրիկ Մոցարտն ապշեցնում է իր վիրտուոզ նվագով և տաղանդով (ՏԵՍԱՆՅՈՒԹ)
Երկրորդ դասարանի աշակերտ Գառնիկ Մսրյանը Երևանից, ում անվանում են հայ Մոցարտ, ապշեցնում է իր երաժշտական տաղանդով:
11:20
13 Հունվարի 2017
Պատանի արցախցի Միշա Գրիգորյանը երգել է Ագուտինի հետ (ՏԵՍԱՆՅՈՒԹ)
Պատանի արցախցի Միքայել Գրիգորյանը զուգերգով ելույթ է ունեցել ռուս երգիչ Լեոնիդ Ագուտինի հետ։
16:13
11 Հունվարի 2017
Հայտնի է «Կյանք ու կռիվ» ֆիլմի երկրորդ մասի պրեմիերայի մոտավոր ամսաթիվը
Հայտնի է դարձել «Կյանք ու կռիվ 2. 25 տարի անց» ֆիլմի` էկրաններ բարձրանալու մոտավոր ամսաթիվը:

20:27
10 Հունվարի 2017
Արամեն համերգ կտա Կրեմլի համերգասրահում
Հայտնի երգիչ Արամեն համերգ կտա Մոսկվայում` Կրեմլի պետական համերգասրահում։
14:43
10 Հունվարի 2017
Կայացել է «Կյանք ու կռիվ 2» ֆիլմի տեսահոլովակի պրեմիերան (ՏԵՍԱՆՅՈՒԹ)
Կայացել է «Կյանք ու կռիվ 2` 25 տարի անց» ֆիլմի տեսահոլովակի պրեմիերան: