485.74
+0.58
561.81
-1.12
8.27
+0.04
+10
Եղանակը Երևանում
Հայ
Երևանի տիկնիկային թատրոնը երկու ներկայացում կներկայացնի միջազգային փառատոներում
16:23
21 Հունվարի 2011

Երևանի Թումանյանի անվան պետական տիկնիկային թատրոնի Նարինե Գրիգորյանի «Թռիչք քաղաքի վրա» մոնոներկայացումը և ռեժիսոր Զարուհի Անտոնյանի «Երկնքից ընկած հեքիաթ» ներկայացումն այս տարի կներկայացվեն միջազգային թատերական փառատոներում, ասաց թատրոնի տնօրեն Ռուբեն Բաբայանը:

«Մի քանի հրավերներ կան Ռուսաստանից, Սերբիայից, Թուրքիայից, Թուրքմենստանից, և մենք այն տեղը կընտրենք, որտեղ դեռ չենք եղել և որտեղ առավել հեղինակային փառատոներ են անցկացվում»,-ուրբաթ լրագրողներին ասաց Բաբայանը:

Թատրոնի տնօրենը նաև նշեց, որ այս տարի որոշում է կայացվել Նարինե Գրիգորյանի «Թռիչք քաղաքի վրա» մոնոներկայացումն ուղարկել 2011թ.-ի մարտի 27-ից ապրիլի 14-ը Մոսկվայում անցկացվող «Ոսկե դիմակ» ազգային թատերական փառատոնի «Դիմակ Պլյուս» արտասահմանյան թատրոնների մրցույթից դուրս ծրագրին:

«Երկնքից ընկած հեքիաթը» երկրորդ ներկայացման ունեցած հաջողություններից բացի, Բաբայանը նշեց, որ ներկայացումը սեպտեմբերի 2-9-ը Պլովդիվում (Լեհաստան) Կամերային ներկայացումների միջազգային փառատոնի նախագահական մրցանակ ստացավ, ինչպես նաև ցուցադրվեց Մոսկվայի «Ոսկե դիմակ» փառատոնի «Դիմակ Պլյուս» ծրագրի շրջանակներում:

Բացի այդ, ներկայացումը երկու մրցանակ ստացավ՝ որպես լավագույն ռեժիսորական դեբյուտ և «Պետրուշկա Վելիկի» տիկնիկային թատրոնի միջազգային V-րդ փառատոնի լավագույն ներկայացում: Վերջինն անցկացվեց անցած տարվա սեպտեմբերի 14-17-ը Եկատերինբուրգում:

Թատրոնի այս տարվա ծրագրերի մասին պատմելիս՝ թատրոնի տնօրենը տեղեկացրեց, որ հունվարի 26-ին տեղի կունենա «Թևավորը» ներկայացման պրեմիերան՝ Գաբրիել Գարսիա Մարկեսի «Վիթխարի թևերով շատ ծեր մարդը» ստեղծագործության հիման վրա, ինչպես նաև ծրագրվում է «Շունն ու կատուն» ներկայացման բեմադրությունը՝ Հովհաննես Թումանյանի համանուն հեքիաթի հիման վրա՝ հեքիաթի 100-ամյակի առթիվ:

Բացի այդ, թատրոնը բեմ կվերադարձնի ռեժիսոր Տիգրան Զահալյանի «Թզուկի երգը» ներկայացումը, որի բեմադրությամբ կզբաղվի նրա դուստր Մարգարիտա Զահալյանը: Բացի դրանից, ինչպես նշեց թատրոնի տնօրենը, տվյալ պահին աշխատանքներ են տարվում Լյուիս Քերոլի հեքիաթի մոտիվներով բեմադրված «Ալիսան հրաշքների աշխարհում» ներկայացման վրա:

Թումանյանի պետական տիկնիկային թատրոնը հիմնադրվել է 1935թ.-ին: Թատրոնի ընթացիկ ծրագրացանկում ներկայացումներ են ներառված թե երեխաների, թե մեծահասակների համար: -0-

Loading...
Թեմատիկ նյութեր
Բաժնի այլ նյութեր
13:37
03 Նոյեմբերի 2017
Արամ MP3-ը և Սևակ Խանաղյանը` մեկ բեմում
Երևանում տեղի կունենա Արամ MP3-ի  և Սևակ Խանաղյանի համերգը։
17:10
27 Հոկտեմբերի 2017
Դերասան Ալեքսանդր Խաչատրյանը ճանաչվել է լավագույնը Scandinavian International Film Festival–ում (ՖՈՏՈ)
Ալեքսանդր Խաչատրյանը, ով նկարահանվել է Ջիվան Ավետիսյանի «Վերջին բնակիչը» ֆիլմում, ճանաչվել է լավագույն դերասանը:
13:56
27 Հոկտեմբերի 2017
«Դեպի Եվրատեսիլ»-ի նոր եթերաշրջանը՝ Հանրայինի եթերում. հայտերի ընդունման մեկնարկը տրված է
Հանրայինը հայտարարում է «Դեպի Եվրատեսիլ» նախագծի նոր եթերաշրջանի մասնակիցների հայտերի ընդունումը:
12:58
27 Հոկտեմբերի 2017
Հայոց ցեղասպանության մասին Ջո Բերլինգերի ֆիլմը հաղթել է Լոս Անջելեսի կինոփառատոնում (ՎԻԴԵՈ)
«Ոչնչացնելու մտադրություն» ֆիլմը պատմում է Օսմանյան կայսրությունում 102 տարի առաջ տեղի ունեցած դեպքերի մասին։
18:48
26 Հոկտեմբերի 2017
Գրեմմիի կրկնակի մրցանակակիրը հետաձգել է համերգային շրջագայությունը Yerevan Jazz Fest 2017–ի համար
Միլերը հետաձգել է իր համերգային շրջագայությունը, որպեսզի մասնակցի Yerevan Jazz Fest 2017 փառատոնին։
11:00
22 Հոկտեմբերի 2017
Դիանա Շալժիյանը ռուսական «Գոլոս» նախագծում գերել է Ագուտնին և անցել հաջորդ փուլ (ՎԻԴԵՈ)
Ռուսաստանի Առաջին ալիքով հեռարձակվող «Գոլոս» շոուի  6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
15:49
20 Հոկտեմբերի 2017
Սերժ Թանկյանը ցնցված է հայ երաժիշտների կողմից նրա հեղինակած «Օրկա» սիմֆոնիայի կատարմամբ (ՖՈՏՈ, ՎԻԴԵՈ)
Չորս մասից բաղկացած մեծակտավ երաժշտական այս գործում Թանկյանը մտորում է մարդասիրության մասին։
10:37
20 Հոկտեմբերի 2017
Հայտնի ջազմեն Գարի Քյոսայանը հանդես կգա յուրօրինակ համերգով
Տեղի կունենա կոմպոզիտոր, ջազային դաշնակահար և երգեհոնահար Գարի Քյոսայանի հոբելյանական համերգը
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
15:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
13:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
10:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։