484.75
-0.5
571.76
+2.32
8.19
+0.01
+6
Եղանակը Երևանում
Հայ
Ջազի գերաստղ Ալ Ջերոն մեկ համերգ կունենա Երևանում
19:32
21 Հոկտեմբերի 2008

Ջազի գերաստղ, երգիչ Ալ Ջերոն երեքշաբթի համերգ կտա Սպենդիարյանի անվան օպերայի և բալետի ազգային ակադեմիական թատրոնի բեմին «Հայկական ջազը 70 տարեկան է» նախագծի շրջանակներում։

Երևանցի հանդիսատեսին երգիչը կմատուցի «Love Songs» կոչվող երաժշտական ծրագիրը։

«Երաժշտությունն ինձ համար աշխատանք է և սիրելի զբաղմունք։ Դա իմ երջանկությունն է, որն ինձ ստեղծագործելու ուժ է տալիս, ինչպես նաև երիտասարդության ճողփյուն»,- մամուլի ասուլիսի ժամանակ ասաց Ջերոն Երևանում ։  

Երգիչը լրագրողներին պատմեց, որ շատ է սիրում լայն լսարանի առջև հանդես գալ։ «Լսել իմ կատարումերի ձայնագրությունը նշանակում է լսել ընդամենը իմ մի փոքր մասը։ Ավելի մոտիկից ծանոթանալու համար անհրաժեշտ է տեսնել ինձ, շփվել ինձ հետ»,-  ասաց նա։

Ջերոն նաև հավելեց, որ լսարանի առջև հանդես է գալիս 4 տարեկանից։ «Ես ինքս հաճույք եմ ստանում համերգներից, որոնց ժամանակ բոլորն ինձ հետ երգում են։ Ես ուրախ եմ հանդես գալ նրանց առաջ, ովքեր ինձ լսում են»,- ասաց երգիչը։ 

Պատասխանելով լրագրողի այն հարցին, թե հնարավոր է արդյոք համագործակցություն հայ երաժիշտների հետ, երգիչը չբացառեց նման հնարավորությունը։

«Այն թաղամասում, որտեղ ես ապրում եմ, փոքր ռեստորան կա։ Շաբաթվա մեջ երկու-երեք անգամ այնտեղ հայկական երաժշտություն են նվագում, և այն ինձ դուր է գալիս»,- նշեց նա։  

Նա լրագրողներին պատմեց նաև, որ հոգեբանի իր կրթությունը կյանքում և աշխատանքում իրեն շատ է օգնել։

«Չորս տարի ես իմ մասնագիտությամբ եմ աշխատել։ Կարծում եմ, որ մարդկանց օգնելը Աստծո յուրօրինակ աշխատանքն է։ Հոգեբանությունն օգնեց ինձ ավելի զգայուն դառնալ հետագա մասնագիտության մեջ»,- ասաց նա։

Խոսելով կյանքում իր ամենամեծ նվաճման մասին՝ երգիչը մատնանշեց իր ընտանիքը, չէ որ նրա խոսքերով երաժշտի կյանքը շատ բարդ է։

«Իմ նվաճումն այն է, որ կինս մինչ օրս կողքիս է։ Դա լուրջ նվաճում է»,- ասաց նա՝ ավելացնելով, որ ինքը 25-ամյա որդի ունի։  

Ջազմենը 5 Գրեմիների մրցանակակիր է։  

«Ես շատ եմ սիրում այդ մրցանակները, դրանք իմ գործընկերներն են»,- ասաց նա։ Հայ լրագրողների հետ հանդիպման ընթացքում երգիչը նաև խոսեց իր անհանգստությունների մասին, որ վերջին շրջանում երաժշտությունը չարաշահում են։  

«Կարելի է ասել, որ մարդիկ ծանրաբեռնված են երաժշտությամբ։ Այն արդեն հնչում է վերելակում, ինքնաթիռում, և մարդիկ սկսել են անլուրջ վերաբերվել դրան»,- կարծում է երգիչը։

Ահա այդ պատճառով էլ երգիչը սիրում է «լռություն լսել» և դասական երաժշտություն։

«Ես կդադարեմ երգել ու ստեղծագործել միայն այն դեպքում, եթե երաժշտությունն աշխարհին այլևս պետք չլինի, սակայն այդ դեպքում ես միևնույնն է էլի կերգեմ, թեկուզ լոգարանում»,- ավարտեց երգիչը։

Ալ Ջերոն սկսել է երգել 4 տարեկանից եղբայրների հետ միասին և կատարել է մենակատարի պարտիաները իր հայրենի Միլուոկի (Վիսկոնսին նահանգ) քաղաքի տեղական համերգների ժամանակ։ Ջերոյի կայացումը որպես երգիչ տեղի է ունեցել Սան Ֆրանցիսկոյում, որտեղ նա սկսել է երգել մի փոքր ջազ-ակումբի եռյակի կազմում՝ Ջորջ Դուքի գլխավորությամբ։

1977 թ.-ին երգիչը դուրս է եկել իր առաջին համաշխարհային շրջագայությանը «Look To The Rainbow» ալբոմը գովազդելու նպատակով։ Իր ելույթներում երգիչն օգտագործում է տարբեր երաժշտական ոճերի՝ ջազի, ռիթմ-ընդ-բլյուզի, ինչպես նաև փոփ երաժշտության միաձուլումներ։

Երեք տասնամյակի ընթացքում Ջերոն ավելի քան 20 ալբոմ է ձայնագրել։ --0--

Loading...
Թեմատիկ նյութեր
Բաժնի այլ նյութեր
20:07
11 Դեկտեմբերի 2017
Spice Girls-ի նախկին մենակատարը երգել և խոսել է հայերեն (ՎԻԴԵՈ)
Spice Girls-ի նախկին մենակատար Մել Բի–ն երգել և խոսել է հայերեն։
20:42
07 Դեկտեմբերի 2017
Տիգրան Համասյանն արխիվային բացառիկ տեսագրություն է հրապարակել (ՎԻԴԵՈ)
Աշխարհահռչակ հայ դաշնակահար, ջազմեն և կոմպոզիտոր Տիգրան Համասյանը ներկայացրել է An Ancient Observer վերջին ալբոմի «Leninagone» կոմպոզիցիայի նոր տեսահոլովակը։
00:41
05 Դեկտեմբերի 2017
Կոնսերվատորիայի Գյումրու մասնաճյուղը տոնեց 20-ամյա հոբելյանը (ՖՈՏՈ)
Դեկտեմբերի 2-ին լրացավ Երևանի Կոմիտասի անվան պետական կոնսերվատորիայի Գյումրու մասնաճյուղի հիմնադրման 20 տարին:
14:19
04 Դեկտեմբերի 2017
Հայ փոքրիկները հիացրել են «Կապույտ թռչուն» ռուսական մրցույթի ժյուրիի անդամներին ու հանդիսատեսին (ՎԻԴԵՈ)
Հայ փոքրիկները պարզապես հիացրել են «Կապույտ թռչուն»  համառուսական մրցույթի ժյուրիի անդամներին ու հանդիսատեսին։
14:43
03 Դեկտեմբերի 2017
Էմոցիաներ պարահրապարակում. Հայ պատանի զույգն անցել է «Ты супер! Танцы» շոուի կիսաեզրափակիչ (ՎԻԴԵՈ)
17-ամյա Դավիթ Այվազյանը և 15-ամյա Աստղիկ Մխիթարյանը հաջողությամբ ելույթ ունեցան «Ты супер! Танцы» շոուի քառորդ եզրափակչում:
19:08
29 Նոյեմբերի 2017
«Խոստումը» ֆիլմի սաունդթրեքը հավակնում է Grammy-2018–ին
«Խոստումը» (The Promise) ֆիլմի սաունդթրեքը հավակնում է Grammy-2018–ին:
17:42
29 Նոյեմբերի 2017
Աբրահամ Ռուսսոն խոսել է արցախյան բարբառով (ՎԻԴԵՈ)
Instagram սոցցանցի օգտատերը իր էջում տեսանյութ է հրապարակել, որում երգիչը փորձում է նրա հետևից բառեր արտահայտություններ ասել ղարաբաղյան բարբառով։
16:03
29 Նոյեմբերի 2017
Տիգրան Մանսուրյանի «Ռեքվիեմ»–ն առաջադրվել է «Grammy 2018»–ի միանգամից երկու անվանակարգերում
Grammy–ի է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:
20:04
28 Նոյեմբերի 2017
Կոնստանտին Օրբելյանն ու Դմիտրի Խվորոստովսկին` «Grammy 2018»–ի հավակնորդներ
Կոնստանտին Օրբելյանն ու Դմիտրի Խվորոստովսկին առաջադրվել են Grammy–ի։
14:15
28 Նոյեմբերի 2017
Մալթայի ֆիլհարմոնիկ նվագախումբը հանդես կգա Սերգեյ Սմբատյանի ղեկավարությամբ
Համերգը կկայանա Մալթայի մայրաքաղաք Վալետայի Սուրբ Գևորգի հրապարակում։
21:59
26 Նոյեմբերի 2017
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում, հաղթեց Ռուսաստանը (ՎԻԴԵՈ)
Հայաստանը զբաղեցրեց 6–րդ տեղը «Մանկական Եվրատեսիլ 2017»–ում։
12:59
25 Նոյեմբերի 2017
Միշել Մստոյանը հուզել է հանդիսատեսին էթնիկ երգի կատարմամբ (ՎԻԴԵՈ)
Միշել Մստոյանը «Ձայնը» շոուի «Նոկաուտներ» փուլում կատարել է «Լաց մի եղիր» եզդիական ժողովրդական երգերի երաժշտական միքս: