478.82
+0.2
557.59
+7.08
8.14
+0.04
+22
Եղանակը Երևանում
Հայ
«Կարեն Շահգալդյանը հրավիրում է ընկերներին» արվեստի փառատոնի բացումը տեղի կունենա սեպտեմբերի 20-ին
14:52
17 Սեպտեմբերի 2008

ԵՐԵՎԱՆ, 17 սեպտեմբերի. /Նովոստի-Արմենիա/. «Կարեն Շահգալդյանը հրավիրում է ընկերներին» արվեստի երրորդ միջազգային փառատոնը կկայանա Հայաստանում և Լեռնային Ղարաբաղում ընթացիկ տարվա սեպտեմբերի 20-ից հոկտեմբերի 8-ը, հայտնեց փառատոնի գեղարվեստական ղեկավար, ջութակահար Կարեն Շահգալդյանը։

«Փառատոնն արդեն ավանդական է դառնում։ Միջոցառման գլխավոր նպատակն է ընդգրկել հնարավորինս մեծ թվով տարածաշրջաններ, որտեղ կանցկացվի դասական երաժշտության համերգաշար»,- չորեքշաբթի Երևանում տեղեկացրեց Շահգալդյանը «Նովոստի» միջազգային մամուլի կենտրոնում։

Համերգները տեղի կունենան Հայաստանի վեց մարզերում, ինչպես նաև Ղարաբաղի մայրաքաղաքում՝ Ստեփանակերտում։ «Մարզերում մեծ հետաքրքրություն է նկատվում դասական երաժշտության նկատմամբ»,- հավելեց նա։

Փառատոնի շրջանակներում, բացի մարզերից, միջոցառումներ կանցկացվեն նաև Երևանում՝ Կոմիտասի անվան կամերային երաժշտության տանը և Հայկական պետական ֆիլհարմոնիայի «Արամ Խաչատրյան» համերգասրահում։

Միաժամանակ Շահգալդյանը նշեց, որ փառատոնի մասնակիցները ռուս երաժիշտներ են, այդ թվում՝ Ելենա Ռևիչը (ջութակ), Բորիս Անդրիանովը (թավջութակ), Մաքսիմ Նովիկովը (ալտ), Քսենիա Բաշմետը (դաշնամուր), Քսենիա Ակեյնիկովան (ջութակ) և Իլյա Ներշտեյնը (ջութակ)։  Նրա խոսքերով, փառատոնի մասնակիցներից շատերն առաջին անգամ կլինեն Հայաստանում։

Փառատոնի ամենահետաքրքիր մասը կլինի անսովոր «Արվեստի երեկոն», որը կմիավորի լուսանկարչությունը, նկարչությունը, պոեզիան, երաժշտությունն ու թատերական արվեստը։ «Դա յուրահատուկ խուլիգանական բոհեմական երեկո կլինի»,- ասաց Շահգալդյանը։

Փառատոնի գեղարվեստական ղեկավարի խոսքերով, երեկոյի մասնակիցներին կներկայացվեն հայ լուսանկարիչ Վիգեն Մնոյանի աշխատանքները։ «Ի՞նչ է ցանկանում կինը» խորագրով ցուցադրությունում ընդգրկված են հայտնի հայուհիների, ինչպես նաև սովորական անցորդների լուսադիմանկարները։

«Երեկոյի ընթացքում հանդիաստեսին պոետիկ ելույթներով կներկայանան գրականագետներ, գրողներ»,- հավելեց նա։

Բացի այդ, նախատեսված է մնջախաղի թատրոնի ելույթը, այցելուների համար հնչելու է ջազ։ Գեղարվեստական ղեկավարը հավելեց, որ երեկոյի մասնակիցների ցանկությամբ նկարիչները կարող են նկարել նրանց դիմանկարները։

Արվեստի փառատոնը կավարտվի համերգով, որին կմասնակցի «Սերենադ» կամերային նվագախումբը՝ Էդուարդ Թոփչյանի գլխավորությամբ։

Իր հերթին փառատոնի հովանավոր ՎՏԲ-Հայաստան Բանկի մամուլի ծառայության ղեկավար Ալեքսանդր Ավետիսյանը հավելեց, որ բանկն արդեն երկու տարի աջակցություն է ցուցաբերում փառատոնի անցկացմանը։

«Մենք ավանդաբար գնահատում ենք բարձր արվեստը։ Այս փառատոնը հոգեպես հարազատ և թանկ է մեզ, քանի որ նրա ղեկավարը հետաքրքիր նախագծեր ներկայացնող վիրտուոզ ջութակահար է»,- նշեց Ավետիսյանը։

Միաժամանակ նա նշեց փառատոնի միտումներից մեկը՝ ժանրային առումով նրա սահմանների ընդլայնումը։ «Փառատոնը չի սահմանափակվում դասական երաժշտությամբ, այլ ներկայացնում է հասարակությանը նաև այլ ժանրեր։ Բացի այդ, փառատոնն իր մեջ բարեգործական առաքելություն է պարունակում, քանի որ անցնում է բաց ռեժիմով»,- ասաց նա։

«Նովոստի-Արմենիա» միջազգային լրատվական գործակալությունը հանդիսանում է «Կարեն Շահգալդյանը հրավիրում է ընկերներին» երրորդ միջազգային փառատոնի ինֆորմացիոն հովանավորը։ -0-

Loading...
Թեմատիկ նյութեր
Բաժնի այլ նյութեր
12:50
23 Հուլիսի 2017
‹‹Ծիրանի ծառ›› երգը՝ Արամ MP3-ի նորովի մեկնաբանությամբ (ՎԻԴԵՈ)
Համացանցում է հայտնվել Արամ MP3-ի նորովի մեկնաբանությամբ ‹‹Ծիրանի ծառ›› ժողովրդական երգը:
12:59
19 Հուլիսի 2017
Ռեժիսոր Անդրեյ Կոնչալովսկին «Օսկարը» համեմատել է McDonald's–ի հետ
Ռեժիսոր Անդրեյ Կոնչալովսկին «Օսկարը» համեմատել  է McDonald's–ի հետ և առաջարկել է դրա դեմ պատժամիջոցներ ներդնել ՌԴ–ի կողմից։
19:33
18 Հուլիսի 2017
«Մանկական Եվրատեսիլ-2017»-ին Հայաստանը կներկայացնի Միշան. (ՎԻԴԵՈ)
Միշան «Արցախի ձայներ» խմբի սան է, ով իր «Փոքրիկ Ղարաբաղցի» երգով հասցրել է գրավել մարդկանց սրտերը:
16:46
18 Հուլիսի 2017
15–րդ դարի Հրաշափառ Ավետարանը համալրել է Մատենադարանի հավաքածուն (ՖՈՏՈ)
Ձեռագրի հրաշագործ հատկությունների մասին գիտեին շրջանի բոլոր բնակիչները, այդ թվում` հարևան գյուղում ապրած իր նախնիները։
11:00
16 Հուլիսի 2017
Հայտնի են «Ոսկե ծիրան 2017» կինոփառատոնի հաղթողները (ՖՈՏՈ)
«Ոսկե» և «արծաթե» ծիրանների, ինչպես նաև «Ոսկե ծիրան» XIV միջազգային կինոփառատոնի այլ պատվավոր մրցանակների հանձնման հանդիսավոր արարողությունը տեղի է ունեցել շաբաթ օրը Երևանում։
11:25
15 Հուլիսի 2017
Հայաստանը ներկայացնող Էրիկը` միջազգային երաժշտական մրցույթի մրցանակակիր (ՎԻԴԵՈ)
Հայաստանցի 12-ամյա Էրիկ Մկրտչյանը մասնակցել է «Վիտեբսկ 2017» միջազգային մանկական երաժշտական մրցույթին:
11:19
14 Հուլիսի 2017
«Ոսկե ծիրանը»` բարձր ճաշակի և մարդասիրության գաղափարների կրող
Նախօրեին Հայաստանի նախագահը հանդիպել է «Ոսկե ծիրան» 14–րդ միջազգային կինոփառատոնի պատվավոր հյուրերի հետ։  
16:26
13 Հուլիսի 2017
Երևանի և նրա հանճարեղ երաժիշտների մասին բացառիկ ֆիլմի պրեմիերա` մայրաքաղաքում
Տատյանա Դանիլյանցի վավերագրական-երաժշտական ֆիլմի հայաստանյան պրեմիերան տեղի կունենա հուլիսի 14-ին:
18:58
11 Հուլիսի 2017
Հայաստանը միջազգային մակարդակի ռոք–փառատոն է կազմակերպում
Epic Air Rock Fest 2017–ը կդառնա ռոք–երաժշտության ամենամյա փառատոն, որին կմասնակցեն տարբեր երկրների հայտնի երաժիշտներ։
13:23
10 Հուլիսի 2017
Կինեմատոգրաֆի տոն. Երևանում մեկնարկեց «Ոսկե ծիրան» կինոփառատոնը (ՖՈՏՈ)
Երևանում կիրակի տեղի ունեցավ «Ոսկե ծիրան»  Երևանի 14-րդ միջազգային կինոփառատոնի բացման արարողությունը։
10:15
10 Հուլիսի 2017
Երևանում նոր աստղեր «վառվեցին» «Ոսկե ծիրանի» մեկնարկի շրջանակում
Հայկական կինոյի երեք հռչակավոր գործիչների աստղերը «վառվեցին» կիրակի Երևանում «Ոսկե ծիրան» միջազգային 14–րդ կինոփառատոնի բացման շրջանակում։
14:10
09 Հուլիսի 2017
Նոր «Նինո»-ն` Իվետա Մուկուչյանից ու Արամ MP3-ից (ՎԻԴԵՈ)
Ներկայացվել է «Dashterov» նախագծի ևս մի երգ: