481.5
+0.15
565.52
-0.45
8.39
-0.01
+13
Եղանակը Երևանում
Հայ
«Որոգայթ». հայտնվելը հեշտ է, դուրս գալը` անհնար
13:27
21 Նոյեմբերի 2015
ԵՐԵՎԱՆ, 21 նոյեմբերի. /Նովոստի–Արմենիա/. Հինգշաբթի երեկոյան Երևանում տեղի ունեցավ «Որոգայթ» քրեական դրամայի պրեմիերան։  

Ֆիլմի բեմադրող ռեժիսորը Ռոման Մուշեղյանն է։ Ֆիլմում հանդես են եկել հայտնի դերասաններ Հարություն Մովսիսյանը, Արթուր Դարբինյանը, Սոս Ջանիբեկյանը, Գրիշա Աղախանյանը, Սաթենիկ Հախնազարյանը, Ելենա Բորիսենկոն, Սարգիս Գրիգորյանը և ուրիշներ։ Ֆիլմը նկարահանվել է 2010 թ.–ին Հայաստանում հայտնի համանուն սերիալի մոտիվներով։

премьера фильма "Западня"

Ֆիլմի գործողությունները ծավալվում են զուգահեռաբար երկու ժամանակահատվածներում` 1980 և 2015 թթ.–ին։ Երիտասարդ տաղանդավոր նկարիչ և բռնցքամարտիկ Հովիկը դատապարտվում է չորս տարվա ազատազրկման խուլիգանների հետ վեճի պատճառով, որոնցից մեկը ազդեցիկ մարդու որդի է։ Արդյունքում կորցնելով սիրած աղջկան և պատրանքները` ֆիլմի հերոսը, հայտնվելով ազատության մեջ, կրկին բախվում է դժվարին ընտրության հետ։ Այս անգամ, պաշտպանելով ընկերոջը, նա դառնում է մարդասպան։

Այնուհետև գործողությունները տեղափոխվում են մեր օրեր։ Հայաստանի քրեական աշխարհի կնքահայրը, որը, թվում  է, թե ամեն ինչ ունի` երջանիկ լինելու համար, իրականում շատ միայնակ է և դժբախտ։

премьера фильма "Западня"

Չնայած, որ ֆիլմը փոքր–ինչ ձգձգված է, ստեղծողներին չի կարելի մեղադրել էֆեկտային տեսարանների և դրայվի բացակայության մեջ։ Ֆիլմում ներկայացված է մաֆիայի մասին պատմող կինոնկարների ողջ ներկապնակը` գողական «սխոդկաներ», փոխհրաձգություններ, պայթյուններ և այլն։

Այդուհանդերձ, ֆիլմի` գլխավոր հերոսի համար համեմատաբար երջանիկ ավարտն այն փաստի ապացույցն է, որ «Որոգայթ» ֆիլմի ստեղծողների ուղերձն այն է, որ հույսը չի կարող մահանալ, իսկ հերոսը, չնայած բարդ հանգամանքներին, որոնցում նա ակամայից հայտնվում է և որոնց հետևանքները փոխում են նրա կյանքը,  փորձում է հավատարիմ մնալ իր սկզբունքներին։

Ինչպես նշեց «Որոգայթ» ֆիլմի գլխավոր դերակատար Հարություն Մովսիսյանը, հեշտ չէ կերտել քրեական հեղինակության կերպարը։  

премьера фильма "Западня"

«Դժվար է խաղալ քրեական հեղինակության դեր, որն ունի բազմաթիվ դրական գծեր։ Սակայն ես, որպես դերասան, հուսով եմ` բավականին ճկուն եմ եղել», – ասաց նա։

Ֆիլմի բեմադրող ռեժիսոր Ռոման Մուշեղյանը կոչ արեց չփնտրել ֆիլմի հերոսների իրական նախատիպեր, ինչպես նաև զուգահեռներ չանցկացնել իրականում գոյություն ունեցող մարդկանց և իրավիճակների հետ։ Նա կարծում է, որ ֆիլմն ունի նաև դիդակտիկ նշանակություն։ Մասնավորապես, ֆիլմն անդրադառնում է հայրենասիրության թեմային։  Ներկայացում է, թե ինչպես կարելի է խուսափել բարդ իրավիճակներից։

««Որոգայթ» ֆիլմը հայկական քրեական դրամա է, որում ներկայացված է Հայաստանի նորագույն պատմությունը։ Եթե խոսենք ավելի կոնկրետ, ապա ֆիլմը պատմում է մի մարդու մասին, ով, հանգամանքներից ելնելով, հայտնվում է որոգայթում և փորձում ազատվել այնտեղից», –ասաց նա։

премьера фильма "Западня"

Ինչ վերաբերում է համաշխարհային նմանատիպ ֆիլմերի հետ «Որոգայթը» համեմատելուն, ապա, նրա խոսքով, Հոլիվուդում, օրինակ, այս թեմայով նկարահանված շատ ֆիլմեր կան, սակայն «Որոգայթը» զուտ հայկական պատմություն է։

Նրա խոսքով` ֆիլմի բյուջեն կազմել է ավելի քան 400 հազար դոլար։ Նախատեսվում է վարձույթ կազմակերպել Երևանում, Գյումրիում և Մոսկվայում։

Ֆիլմը, անխոս, կարժանանա բազմաթիվ քննադատությունների, ստեղծողներին կարող են մեղադրել ինչպես ճաշակի բացակայության, այնպես էլ սյուժեի  անճշմարտացիության մեջ։ Այդուհանդերձ, համաշխարհային փորձը ցույց է տալիս, որ հասարակ մարդկանց միշտ հետաքրքրել է քրեական աշխարհը։ Նման ֆիլմերը հնարավորություն են տալիս գոնե մի ակնթարթ նայել իրենց համար օտար աշխարհին։ Ինչ վերաբերում է լիամետրաժ գեղարվեստական ֆիլմի որակին, ապա այստեղ, ինչպես ասվում է, ով ավելի լավ կարող է նկարահանել, թող անի դա...Ամեն դեպքում, պետք է որոշի հանդիսատեսը։–0–


Loading...
Թեմատիկ նյութեր
Բաժնի այլ նյութեր
21:00
17 Հոկտեմբերի 2017
Հայ արտիստները մրցանակների են արժանացել «Звезда Крыма» միջազգային մրցույթ-փառատոնում
Ղրիմում անցկացվել է «Звезда Крыма» միջազգային մրցույթ-փառատոնը, որին մեծ հաջողությամբ մասնակցել են նաև հայ արտիստները:
15:31
16 Հոկտեմբերի 2017
Հայկական ֆիլմը հավակնում է «Օսկարի»
Ֆիլմը ներառվել է «Լավագույն օտարալեզու ֆիլմ» անվանակարգում։
13:38
15 Հոկտեմբերի 2017
Տաղանդավոր Միշել Մստոյանը «Ձայն»-ի թիմերից մեկը (ՎԻԴԵՈ)
Հայազգի Միշել Մստոյանը ելույթ է ունեցել ռուսական առաջին ալիքով հեռարձակվող «Ձայն» վոկալի շոուի 6-րդ եթերաշրջանի կույր լսումներում:
10:30
14 Հոկտեմբերի 2017
Արամ MP3–ը պարային հիթ է ներկայացրել (ՎԻԴԵՈ)
Արամ MP3–ը ներկայացրել է «Սկսում ենք» պարային հիթը։
21:05
13 Հոկտեմբերի 2017
Հայ երգչի հիանալի ձայնը ստիպել է Գրադսկուն անմիջապես շրջվել «Ձայնը» շոուի ժամանակ (ՎՒԴԵՈ)
Հայ երգիչ Զաալի Սարգսյանի հիանալի ձայնը ստիպել է «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։
20:43
13 Հոկտեմբերի 2017
Հայկական ալիքը հասավ Իսրայել. հայտնվել է Super Saqo–ի և Սպիտակցի Հայկոյի երգի cover տարբերակը (ՎԻԴԵՈ)
Super Saqo–ի և Հայկ Ղևոնդյանի (Սպիտակցի Հայկո) «Մի գնա» երգն ընդլայնում է աշխարհագրությունը։  
11:37
13 Հոկտեմբերի 2017
Սիրուշոն ներկայացրել է «Huh-Hah» երգի գունեղ տեսահոլովակը (ՎԻԴԵՈ)
Հայտնի երգչուհի Սիրուշոն Facebook –ի իր էջում հրապարակել է «Huh-Hah» երգի տեսահոլովակը։
18:34
12 Հոկտեմբերի 2017
Հայաստանի 103 արժեքավոր գտածո կցուցադրվի Իրանում
Թեհրանի ազգային թանգարանում կբացվի Հայաստանի արժեքավոր գտածոների ցուցահանդես:
15:15
12 Հոկտեմբերի 2017
Անսպասելի և հաճելի. Ջոն Մալկովիչը Երևանում Նարեկացի է ընթերցել (ՖՈՏՈ)
Հոլիվուդի լեգենդ Ջոն Մալկովիչը նախօրեին անակնկալ էր պատրաստել երևանյան հանդիսատեսի համար։
21:23
11 Հոկտեմբերի 2017
Ջոն Մալկովիչը խոստացած անակնկալը կմատուցի Երևանում (ՖՈՏՈ)
Խաչատրյանի միջազգային փառատոնի հանդիսավոր բացումը կայացավ Երևանում։
20:55
11 Հոկտեմբերի 2017
Մարկուս Միլեր, Գոնսալո Ռուբալկաբա կամ մեծ աստղաբույլ Yerevan Jazz Fest 2017–ում (ՖՈՏՈ)
Yerevan Jazz Fest 2017 ամենամյա փառատոնը կանցկացվի հոկտեմբերի 26–ից նոյեմբերի 3–ը։
13:28
11 Հոկտեմբերի 2017
Հայոց ցեղասպանության մասին պատմող նոր ֆիլմը, հնարավոր է, «Օսկարի» առաջադրվի
Ամերիկյան նոր «Ժխտման ճարտարապետները»  վավերագրական ֆիլմն անցել է «Օսկար» մրցանակի որակավորման փուլը։