Երևանը ջազ է լսում. վիրտուոզ Ռուբալկաբան և համերգ Կասկադում (ՖՈՏՈ, ՎԻԴԵՈ)
21:41
30 Ապրիլի 2019
ԵՐԵՎԱՆ, 30 ապրիլի./Նովոստի–Արմենիա/. Այսօր` ապրիլի 30–ին, աշխարհը նշում է Ջազի միջազգային օրը, որը սկսել են նշել 2012թ.–ից։ Խորհրդանշական է, որ Երևանը, որը 1970–ականներից համարվում էր ԽՍՀՄ ջազի մայրաքաղաքը, 2012թ.–ից միացել է տոնակատարությանը։
Ամեն տարի երևանցիներն ու մայրաքաղաքի հյուրերն այդ օրը ստանում են բացառիկ հնարավորություն ունկնդրելու և տեսնելու համաշխարհային մեծության ջազային երգչի կամ երգչուհու։ Այս տարին ևս բացառություն չէր։ Երևանում հայտնի ջազմեններ Էրիկո Հարլենդի և Մեթյու Բուերի հետ ելույթ ունեցավ Գրեմմի քառակի դափնեկիր Գոնսալո Ռուբալկաբան։
Կուբացի դաշնակահար և կոմպոզիտոր Գոնսալո Ռուբալկաբան համարվում է ջազի աշխարհի հանրաճանաչ գործիչներից մեկը։ Նա իսկական տոնի վերածեց երևանցի ունկնդիրների օրը։
Մարդաշատ էր նաև Կասկադում, որտեղ ջազի տոնը նշում էին բաց երկնքի տակ։ Բազմաթիվ հայազգի ջազմեններ կատարում էին հայ և օտարերկրացի կոմպոզիտորների ստեղծագործությունները։
Առաջին անգամ Ջազի միջազգային օրը (International Jazz Day) նշվել է 2012թ.–ին։ Օրացույցում նոր տոնի ներմուծման և ապրիլի 30–ին այն նշելու մասին ՅՈւՆԵՍԿՕ–ի գլխավոր համաժողովը հայտարարել է 2011թ.–ի նոյեմբերին։–0–
Սպենդիարյանի անվան oպերայի և բալետի ազգային ակադեմիական թատրոնում կկայանա «Նռան գույնը» հայ–ֆրանսիական պարային ներկայացումը՝ նվիրված Սերգեյ Փարաջանովի 100-ամյակին
«Նռան գույնը» պարային ներկայացման հայաստանյան պրեմիերան տեղի կունենա 2024 թվականի մարտին՝ Ա. Սպենդիարյանի անվան օպերայի և բալետի ազգային ակադեմիական թատրոնում
Ի նշանավորումն Սերգեյ Փարաջանովի 100-ամյակի, Երևանի կոնյակի գործարանի ARARAT թանգարանն իր ժամանակավոր ցուցադրությունների սրահում բացում է «Սերգեյ Փարաջանով․ Չընդհատված թռիչք» ցուցադրությունը