537.15
7.44
480.03
+22
Եղանակը Երևանում
Հայ

Երևանի «Ոսկե ծիրան» 16-րդ միջազգային կինոփառատոնին ներկայացվել է ավելի քան 740 ֆիլմ

12:55
11 Մայիսի 2019

ԵՐԵՎԱՆ, 11 մայիսի./Նովոստի–Արմենիա/. Երևանի  «Ոսկե Ծիրան» 16-րդ միջազգային կինոփառատոնն այս տարի կանցկացվի հուլիսի 7-14-ը: Միջազգային կինոփառատոնն աշխարհի տարբեր երկրներից ստացել է ավելի քան 740 ֆիլմեր, ինչպես նաև ընտրվել են մի շարք կինոնկարներ աշխարհի հեղինակավոր կինոփառատոններից: Այս մասին մայիսի 10-ին հրավիրված մամուլի ասուլիսում տեղեկացրեց փառատոնի տնօրեն Հասմիկ Հովհաննիսյանը:

«Eventival կայքի միջոցով ստացել ենք 740 ֆիլմ, ընտրվել են նաև ֆիլմեր Ռոտերդամի, Բեռլինի և այլ միջազգային կինոփառատոններից: Այնպես որ՝ հանձնաժողովն այս պահին դիտարկում է ավելի քան 740 կինոնկար: Փառատոնն ունենալու է միջազգային լիամետրաժ (որը ներառում է խաղարկային և վավերագրական ֆիլմեր), ինչպես նաև կարճամետրաժ ֆիլմերի տարածաշրջանային մրցույթներ, իսկ արտամրցութային ծրագիրը ներառելու է տարածաշրջանային համայնապատկեր մրցույթը: Մնացած ծրագրերը ոչ մրցութային են, դրանք են՝ Երևանյան պրեմիերաներ, Հետահայաց ցուցադրություններ, Հարգանքի տուրք: Ընդ որում՝ նշեմ, որ Երևանյան պրեմիերաներ ծրագիրը ներառելու է նաև հայկական ֆիլմեր»,-իր խոսքում նշեց Հասմիկ Հովհաննիսյանը: Նա նաև տեղեկացրեց, որ փառատոնային մի շարք ծրագրերի հայտեր այս պահին բաց են, և հնարավորություն կա մասնակցելու դրանց:

Հասմիկ Հովհաննիսյանն առանձնահատուկ շեշտեց, որ այս տարի հիմնական շեշտը դրվելու է նաև կրթական ծրագրերի իրականացմանը: Մասնավորապես՝ փառատոնի շրջանակում իրականացվելու է դեբյուտային նախագծերի զարգացման դասընթաց, դասավանդողներ կլինեն մասնագետներ նաև այլ երկրներից:

«Ոսկե ծիրան»-ի տնօրենը լրատվամիջոցներին ներկայացրեց փառատոնի նոր լոգոն՝ տարբերանշանը, որն արտահայտում է փառատոնի նոր կազմի ինքնատիպ մոտեցումը 16-րդ տարին անցկացվող իրադարձությանը:

Տարբերանշանի հեղինակը՝ դիզայներ Վիլյամ Կարապետյանը, լրատվամիջոցների ներկայացուցիչներին տեղեկացրեց, որ այն մինիմալիստական է, ներկայացնում է հայերեն «Ծ» տառը, և այդ տառի միջոցով ինքը փորձել է ստանալ փառատոնի խորհրդանիշ համարվող ծիրանը:

Մամուլի ասուլիսի ընթացքում անդրադարձ կատարվեց նաև GAIFF Pro ծրագրին: Հիշեցնենք, որ ծրագրի շրջանակում կազմակերպվում են վարպետության դասեր և փիթչինգ ելույթներ, ֆիլմի/սցենարի զարգացման աշխատարաններ, տարածաշրջանի՝ Հայաստանի, Ադրբեջանի, Վրաստանի, Իրանի և Թուրքիայի կինոռեժիսորների համար նախատեսված կինոնախագծերի և աշխատանքային փուլում գտնվող ֆիլմերի շուկաներ` բացելով ֆինանսավորման և համագործակցության նոր հեռանկարներ տեղի կինոգործիչների համար:

Մասնավորապես՝ GAIFF Pro ծրագրերի ղեկավար Սոնա Կարապողոսյանը ներկաներին տեղեկացրեց, որ ծրագրի շրջանակում փառատոնի օրերին կանցկացվեն տարատեսակ դասընթացներ, կլինի նաև նախագծերի շուկա: Արդեն իսկ ստացվել են 27 զարգացման, ինչպես նաև 5 աշխատանքային փուլում գտնվող նախագծերի հայտեր: GAIFF Pro-ին մասնակցության հայտեր ուղարկելու վերջնաժամկետը մայիսի 19-ն է:–0–

Թեմատիկ նյութեր
Բաժնի այլ նյութեր
14:40
23 Մայիսի 2019
Հրապարակվել է Տիմատիի` Հայաստանում նկարահանված տեսահոլովակը (ՎԻԴԵՈ)
Հրապարակվել է Տիմատիի` Հայաստանում նկարահանված տեսահոլովակը:
21:02
22 Մայիսի 2019
Թիմատին Հայաստանի ֆանտաստիկ կադրերով նոր տեսահոլովակի թիզերն է հրապարակել (ՎԻԴԵՈ)
Ռուսաստանցի հայտնի ռեփեր Թիմատին իր Instagram-ում Հայաստանում նկարահանված ֆանտաստիկ կադրերով նոր տեսահոլովակի հատված է հրապարակել։
15:47
21 Մայիսի 2019
Ընթերցանության առաջին մանկապատանեկան առցանց մրցույթի արդյունքներն են ամփոփվել Երևանում (ՖՈՏՈ)
Երևանի Հ.Թումանյանի անվան տիկնիկային թատրոնում նախօրեին կայացել է Ընթերցանության առաջին համահայկական մանկապատանեկան առցանց փառատոն–մրցույթի հաղթողների պարգևատրման արարողությունը։
10:16
21 Մայիսի 2019
Սերժ Թանկյանը կատարել է «Գահերի խաղը» 8–րդ եթերաշրջանի սաունդթրեքը (ՎԻԴԵՈ)
Սերժ Թանկյանն իր Instagram–ում հրապարակել է «Գահերի խաղը» եզրափակիչ, 8–րդ եթերաշրջանի սաունդթրեքը։
13:55
19 Մայիսի 2019
«Եվրատեսիլ 2019»–ում հաղթեց Նիդերլանդների ներկայացուցիչը (ՎԻԴԵՈ)
«Եվրատեսիլ 2019» երգի միջազգային մրցույթի հաղթողն է դարձել Նիդերլանդների ներկայացուցիչ Դանքան Լոուրենսը` Arcade երգով։
01:10
17 Մայիսի 2019
Srbuk–ը չանցավ «Եվրատեսիլ 2019»–ի եզրափակիչ
Srbuk–ը չանցավ «Եվրատեսիլ 2019»–ի եզրափակիչ:
23:09
16 Մայիսի 2019
Srbuk–ը փայլուն ելույթ ունեցավ «Եվրատեսիլ 2019»–ի կիսաեզրափակչում (ՎԻԴԵՈ)
Srbuk–ն իր ելույթով պարզապես ցնցեց «Եվրատեսիլ 2019»–ի հանդիսատեսին։
16:37
16 Մայիսի 2019
ՌԴ Առաջին ալիքը չեղարկել է «Ձայնը. երեխաներ» շոուի արդյունքները
ՌԴ Առաջին ալիքը չեղարկել է «Ձայնը. երեխաներ» սկանդալային շոուի արդյունքները:
18:52
15 Մայիսի 2019
Հայկական Քոչարին ցնցել է Պեկինի մշակութային փառատոնում (ՎԻԴԵՈ)
Պեկինի օլիմպիական մարզադաշտը ցնծությամբ ընդունեց հայկական Քոչարին:
11:10
13 Մայիսի 2019
Սրբուկը փայլել է «համարձակ» կոստյումով «Եվրատեսիլ 2019»–ի բացմանը (ՖՈՏՈ, ՎԻԴԵՈ)
Սրբուկը փայլել է «համարձակ» կոստյումով «Եվրատեսիլ 2019»–ի բացմանը:
20:02
06 Մայիսի 2019
«Եվրատեսիլ 2019»–ում Հայաստանը ներկայացնող Սրբուկն առաջին փորձն է անցկացրել եվրատեսիլյան բեմում (ՎԻԴԵՈ)
«Եվրատեսիլ 2019»–ում Հայաստանը ներկայացնող Սրբուկն առաջին փորձն է անցկացրել եվրատեսիլյան բեմում:
13:28
06 Մայիսի 2019
Գարնանային Երևանը. ո՞ւր գնալ, որպեսզի զգալ քաղաքի շարժը
«Նովոստի-Արմենիա» գործակալությունը պատմում է այն միջոցառումների մասին, որոնք կարող են հետաքրքիր լինել մայրաքաղաքի բնաիչների համար: