10-ամյա Սառա Աբրահամյանը ցնցել է հիանալի ելույթով «Ձայնը. երեխաներ» շոուի ժյուրիին (ՎԻԴԵՈ)

ԵՐԵՎԱՆ, 17 մարտի. /Նովոստի–Արմենիա/. 10–ամյա Սառա Աբրահամյանը` Սուխումիից, նախօրեին հիանալի ելույթ է ունեցել ՌԴ Առաջին ալիքով հեռարձակվող «Ձայնը. երեխաներ» շոուի 5–րդ սեզոնի վերջին «Կույր լսումներում»։

Աղջնակը կատարել է Պոլինա Գագարինայի «Դրամա այլևս չկա» երգը, որի համար Գագարինան արժանացել է «Ոսկե գրամոֆոն» մրցանակին։

Սառայի կողմը շրջվեցին Վալերի Մելաձեն ու Բաստան։

«Այո, զարմանալի ձայն, զարմանալի, կատարյալ է։ Հիանալի է», – նշել է Մելաձեն։

Սառան ընտրել է Վալերի Մելաձեին, ով այդպիսով ավարտեց իր թիմի ձևավորումը։

Ռուսաստանի Առաջին ալիքով հեռարձակվող «Ձայնը. Երեխաներ» նախագծին մասնակցում են 7–14 տարեկան տաղանդավոր պատանի կատարողներ, որոնք լուրջ քասթինգ են անցել։ Նախագծի մարզիչներն են Վալերի Մելաձեն, Պելագեան և Բաստան։–0–