«Օսկար»-ը նոր անվանակարգ կունենա

ԵՐԵՎԱՆ, 9 օգոստոսի. /Նովոստի–Արմենիա/. Կինոարվեստի ամերիկյան ակադեմիայի ամենամյա «Օսկար» մրցանակաբաշխության անվանակարգերին կավելանա ևս մեկը՝ «Լավագույն հայտնի ֆիլմ» անվանակարգը, գրում է РБК-ն:

«Ղեկավարների խորհրդը, աշխատողները, ակադեմիայի ներկայացուցիչները և տարբեր աշխատանքային խմբերը վերջին մի քանի ամիսների ընթացքում աննդատ քննարկում էին շոուի բարելավման ածխատանքները», – նշվում է տարածած հաղորդագրությունում։ Նշվում է նաև, որ նոր անվանակարգի համար չափորոշիչները կսահմանվեն մոտ ժամանակներում:

Վերջին անգամ նոր անվանակարգի մասին հայտարարվել էր 2001 թ.–ին։ Վերջին 17 տարվա ընթացքում սա անվանակարգերում արված առաջին փոփոխությունն է:–0–