ԵՐԵՎԱՆ, 30 մայիսի. /Նովոստի-Արմենիա/. Ամենահայտնի և ազդեցիկ ջազային երաժիշտներից մեկը` վիրտուոզ-կոնտրաբասահար, կոմպոզիտոր, գործիքավորող, վոկալիստ, ծագումով հրեա Ավիշայ Քոենը Երևանում է, որտեղ հանդես կգա համերգով:
Տրիոյի համերգը, որի կազմում է Քոենը (կոնտրաբաս), Իտամար Դոարին (հարվածային գործիքներ) և Օմրի Մորը (դաշնամուր), տեղի կունենա մայիսի 31-ին «Արամ Խաչատրյան» համերգասրահում:
«Ես առաջին անգամ Հայաստանում եմ եղել 17 տարի առաջ դաշնակահար Չիկ Կորիայի հետ և շատ ուրախ եմ կրկին վերադառնալու համար»,-երեքշաբթի լրագրողներին ասաց Քոենը:
Նա խոստացավ կատարել իր բոլոր` և հին, և նոր սիրված ստեղծագործությունները։
Загружается новость ...
"Право"
«Եվ ինչն է ամենահետաքրքիրը. այդ ամենը ես ներկայացնում եմ նաև միքս ձևաչափով: Շատ անակնկալներ և իմպրովիզներ են լինելու: Նույնիսկ չգիտեմ, թե ինչ եմ կատարելու», - ասաց երաժիշտը:
Քոենը խոստովանեց, որ իր համար մեծ նշանակություն ունեն Իսրայելում ունեցած ելույթները, սակայն հանդիսատեսն ամենուր նույնն է:
«Ես սիրում եմ մարդկանց, բնությունը, երաժշտությունը, արվեստը, քանի որ ինձ համար շատ կարևոր է տեսնել, որ մարդկանց երջանկություն եմ պարգևում: Դրանից ես իսկապես հաճույք եմ ստանում»,- խոստովանեց նա:
Քոենը ծնվել է 1970 թվականին Երուսաղեմում։ Շատ վաղ տարիքից սկսել է դաշնամուր նվագել: Երբ երաժիշտը 14 տարեկան էր, ծնողները տեղափոխվում են Սենտ-Լուիս, որտեղ էլ նա սիրահարվում է ջազին:
Իսրայելական բանակում ծառայելուց հետո Քոենը որոշել է սովորել կոնտրաբաս նվագել սովորել: 1992-ին Ավիշայը տեղափոխվում է Նյու Յորք:
2003 թվականից սկսել է զբաղվել սոլո կարիերայով: «Բեմն այն վայրն է, որտեղ Քոենն իրեն տանն է զգում»,- երաժշտի մասին ասում են քննադատները, ովքեր շատ բարձր են գնահատում Քոենի և նրա տրիոյի ելույթները:
«Նովոստի-Արմենիա» գործակալությունը համերգի ինֆորմացիոն հովանավորն է: -0-
