ԵՐԵՎԱՆ, 3 ապրիլի. /Նովոստի Արմենիա/. Հայաստանի ներկայացուցիչ Սևակ Խանաղյանը հանդես կգա 16-րդ համարի ներքո «Եվրատեսիլ 2018» միջազգային երգի մրցույթում:
Եվրոպական հեռարձակողների միությունն իր պաշտոնական էջում հրապարակել է 37 երկրների մասնակիցների ելույթների հերթականությունը:
Загружается новость ... "Лево"
«Եվրատեսիլ 2018» երգի միջազգային 63-րդ մրցույթը կանցկացվի Պորտուգալիայի մայրաքաղաք Լիսաբոնում:
Սևակ Խանաղյանն իր «Քամի» երգով հանդես կգա առաջին կիսաեզրափակչում մայիսի 8-ին ու Ադրբեջանի, Իսլանդիայի, Ալբանիայի, Բելգիայի, Չեխիայի, Լիտվայի, Իսրայելի, Բելառուսի, Էստոնիայի, Բուլղարիայի, Մակեդոնիայի, Խորվաթիայի, Ավրստրիայի, Հունաստանի, Ֆինլյանդիայի, Շվեյցարիայի, Իռլանդիայի, Կիպրոսի մասնակիցների հետ միասին կմրցի եզրափակչում հանդես գալու համար:
Մրցույթի երկրորդ կիսաեզրափակիչը կկայանա մայիսի 10-ին, հանդես կգան Նորվեգիայի, Ռումինիայի, Սերբիայի, Սան Մարինոյի, Դանիայի, Ռուսաստանի, Մոլդովայի, Նիդերլանդների, Ավստրալիայի, Վրաստանի, Լեհաստանի, Մալթայի, Հունգարիայի, Լատվիայի, Շվեդիայի, Չեռնոգորիայի, Սլովենիայի և Ուկրաինայի մասնակիցները:
«Եվրատեսիլ 2018» եզրափակիչը կկայանա մայիսի 12-ին: Մրցույթին կմասնակցեն 43 երկրների ներկայացուցիչներ:-0-