Երեք հայ հավակնում է «ՏԷՖԻ 2017» մրցանակին

ԵՐԵՎԱՆ, 3 հոկտեմբերի. /Նովոստի–Արմենիա/. Հեռուստատեսության ոլորտում աշխատող երեք հայեր հավակնում են «ՏԷՖԻ 2017» հեղինակավոր հեռուստատեսային մրցանակին։


«Եթերաշրջանի հեռուստատեսային պրոդյուսեր» անվանակարգում առաջադրվել է Ալեքսանդր Հակոբովը («Եկատերինա. թռիչք»)։ Փրայմ–թայմի հասարակական–քաղաքական talk-show–ի լավագույն հաղորդավարի կոչման համար կպայքարի Ռոման Բաբայանը («Ձայնի իրավունք»), հեռուստատեսային ֆիլմի/սերիալի լավագույն ռեժիսորի կոչման համար կպայքարի Կարեն Շահնազարովը («Աննա Կարենինա»)։

«ՏԷՖԻ»–ի հանդիսավոր մրցանակաբաշխությունը տեղի կունենա 2017 թ.–ի հոկտեմբերի 3–ին։

«ՏԷՖԻ»–ն ինդուստրիալ հեռուստատեսային մրցանակ է, որը հանձնվում է հեռուստատեսային արվեստի ոլորտում գրանցած բարձրագույն ձեռքբերումների համար։ Մրցանակը հիմնադրվել է «Ռուսական հեռուստատեսության ակադեմիա» հիմնադրամի կողմից 1994 թ.–ի դեկտեմբերի 21–ին։–0–