«Ավատար 2»-ը մեծ էկրաններ կբարձրանա 2018 թ.-ից հետո

ԵՐԵՎԱՆ, 12 մարտի. /Նովոստի-Արմենիա/. Աշխարհի բոլոր բնակիչները ստիպված են սպասել՝ աշխարհահռչակ «Ավատար» (2009 թ.) ֆանտաստիկ ֆիլմի շարունակությունը տեսնելու համար, ասել է լրագրողներին ֆիլմի ռեժիսոր Ջեյմս Քեմերոնը:

«Դե ինչ, 2018-ին դա տեղի չի ունենա: Մենք չենք հայտարարել ֆիլմի ցուցադրման ամսաթիվ», - ասել է ռեժիսորը, հաղորդում է ՏԱՍՍ-ը՝ հղում անելով The Hollywood Reporter-ին:

«Հարկավոր է հասկանալ, որ խոսքը գնում է մեծ էկրաններին ֆիլմերի՝ հաջորդական կարգով դուրս գալու մասին: Մենք չենք նկարահանում «Ավատար 2», այլ՝ «Ավատար 2», երեք, չորս և հինգ, սա բազմասերիանոց նախաձեռնություն է», - պարզաբանել է նա:

Ավելի վաղ Քեմերոնը հայտարարել էր ֆիլմի 4 սիքվելների նկարահանման մասին: Ակնկալվում էր, որ այն վարձույթում կհայտնվի 2018 թ.-ի դեկտեմբերին:

Ֆիլմը մեծ էկրաններ է բարձրացել 2009 թ.-ին: Այն առաջադրվել էր Օսկարի 9 անվանակարգերում, և հաղթել դրանցից երեքում: