Ժամկետային զինծառայողի սպանության դեպքի առթիվ հարուցվել է քրեական գործ

ԵՐԵՎԱՆ, 28 ապրիլի. /Նովոստի-Արմենիա/. Քրեական գործ է հարուցվել հակառակորդի կողմից պարտադիր ժամկետային զինծառայող Մհեր Արզումանյանի սպանության դեպքի առթիվ, հաղորդում է ՀՀ քննչական կոմիտեի մամուլի ծառայությունը։

Ինչպես ավելի վաղ հայտնի էր դարձել, ուրբաթ առավոտյան N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով կրծքավանդակի շրջանում մահացու վիրավորում է ստացել պարտադիր ժամկետային զինծառայող, շարքային Մհեր Արզումանյանը:

Հակառակորդի արձակած կրակից 19–ամյա զինծառայող է մահացել>>

Ինչպես հայտնում են գերատեսչությունից, երկրորդ կայազորային քննչական բաժնում հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով սպանություն կատարելու դեպքի առթիվ, կատարվում է նախաքննություն: -0-