484.78
-2
571.8
-2.21
8.19
+0.02
+4
Եղանակը Երևանում
Հայ
VivaCell MTS ընկերությունը գործարկել է արևային էներգիայով սնվող կայաններ
11:06
25 Դեկտեմբերի 2015
ԵՐԵՎԱՆ, 25 դեկտեմբերի. /Նովոստի–Արմենիա/. Ամանորի նախօրեին VivaCell MTS ընկերությունը գործարկել է արևային էներգիայով սնվող կայաններ, հայտնում է ընկերության մամուլի ծառայությունը, տեղեկացնում է «ԱՌԿԱ» գործակալությունը։ 

Արևային մարտկոցներից էլեկտրասնուցում ստացող բջջային կապի հիմնական երկու կայան է գործարկվել Երևան-Գյումրի ռազմավարական ավտոճանապարհի 12 կմ–ում` Մաստարա-Մարալիկ հատվածում:

Ըստ հաղորդագրության, նոսր բնակեցված այս տեղանքում տարիներ ի վեր բջջային հուսալի հեռախոսակապի բացակայությունը պայմանավորված է եղել էլեկտրասնուցման բացակայությամբ:

Ինչպես նշում են ընկերությունից, արևային էներգիայից սնուցում ստացող հիմնական կայանները հնարավորություն են ընձեռում շեշտակիորեն նվազեցնել էլեկտրաապահովման բաշխիչ ցանցից ստացվող էներգիայի սպառումը՝ միևնույն ժամանակ թույլ տալով նվազեցնել ընկերության՝ ենթակառուցվածքի պահպանմանն ուղղված ծախսերը:

Նոսր բնակեցված տարածքներն ու ռազմավարական ճանապարհները հուսալի 2G/3G ծածկույթով ապահովելու՝ ՎիվաՍել-ՄՏՍ-ի ռազմավարությունը պայմանավորված չէ ընկերության ծախսերի նվազեցմամբ եւ ներդրումների վերադարձելիությունն ապահովելու բիզնես-սկզբունքով:

Ընկերության գործունեությունն ուղղված է քաղաքների և գյուղական համայնքների միջև տեխնոլոգիական անջրպետի վերացմանը: ՎիվաՍել-ՄՏՍ-ի կողմից այլընտրանքային էներգիայի օգտագործումը բնական ռեսուրսների կառավարման ոլորտում ընկերության պատասխանատու մոտեցման ցայտուն օրինակ է:

2015 թ-ի ընթացքում ՎիվաՍել-ՄՏՍ-ը շարունակել է բջջային ցանցի ընդլայնման աշխատանքները: Ընդհանուր առմամբ, այս տարվա ընթացքում ընկերությունը կառուցել է 80 նոր 2G/3G բջջային հիմնական կայան: Նոր կայանների գործարկումը թույլ է տալիս ավելացնել ցանցի թողունակությունը, բարելավել ինտերնետ հասանելիության ծառայությունների որակն ու արագությունը, ինպես նաև բարձրացնել ձայնային ծառայությունների որակը:

Ընդհանուր առմամբ՝ բջջային ծածկույթի անգերազանցելի առաջատար ՎիվաՍել-ՄՏՍ-ի 2370 բջջային հիմնական կայանները (2G-1185, 3G-1185,) ապահովում են 2G և 3G ցանցերի հասանելիություն Հայաստանի Հանրապետության, համապատասխանաբար. 99.8% և 98.8 % բնակչության համար:

Ինչպես նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, «Որպես կոմերցիոն ձեռնարկություն՝ մենք ձգտում ենք խթանել վերականգնվող էներգիայի օգտագործումը արտադրության շղթայում: Իրականացվող միջոցառումներն ունեն երկակի արդյունք. նպաստում են գործառնական ծախսերի նվազմանը՝ միաժամանակ ապահովելով էլեկտրաէներգիայի զգալի խնայողություն: Այլընտրանքային էներգիայի օգտագործումը ոչ միայն ստեղծում է մրցակցային առավելություն, այլև հնարավորություն ընձեռում նպաստել արդի բնապահպանական խնդիրների լուծմանը»։

2015 թ-ին, 4-րդ սերնդի LTE տեխնոլոգիան հասանելի է դարձել նաև հանգստավայր Ջերմուկում, որտեղ վերջերս, տարեմուտին անդառաջ, տեղադրվել է LTE բջջային հիմնական կայաններ: Վահարշապատ և Արմավիր քաղաքներում արդեն իսկ գործող 4-րդ սերնդի LTE ցանցը համալրվել է մեկական LTE բջջային հիմնական կայաններով: Ներկա դրությամբ, Հայաստանում գործող միակ LTE ցանցը ներառում է Երևանը, Գյումրին, Վանաձորը, Դիլիջանը, Ծաղկաձորը, Արմավիրը, Վաղարշապատն ու Ջերմուկը: Հիմնական բջջայի կայանների թիվը կազմում է 255՝ ապահովելով ցանցի հասանելիություն Հայաստանի հանրապետության 46.6% բնակչության համար:

VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին։ -0-
Loading...
Թեմատիկ նյութեր
Բաժնի այլ նյութեր
20:34
20 Նոյեմբերի 2017
Դենդրոպարկ կստեղծվի Բյուրականի աստղադիտարանի տարածքում
Բյուրականի աստղադիտարանին պատկանող տարածքներում կստեղծվի դենդրոպարկ։
18:32
20 Նոյեմբերի 2017
Վահրամ Բաղդասարյանը մեկնաբանել է գործող վարչապետի հրաժարականի հավանականությունը
ՀՀԿ խմբակցության ղեկավարը մեկնաբանել է Կարեն Կարապետյանի հրաժարականի հավանականությունը։
17:18
20 Նոյեմբերի 2017
Երևանի խաչմերուկներից մեկում կգործարկվի լրացուցիչ տեսախցիկ
Լրացուցիչ տեսախցիկ կգործարկվի Երևանի խաչմերուկներից մեկում։
16:19
20 Նոյեմբերի 2017
Սահմանապահ զորքերի ծառայողների նկատմամբ բռնություն գործադրելու դեպքի առթիվ հարուցվել է քրեական գործ. մեկ անձ ձերբակալվել է
Նշանակվել են դատաբժշկական փորձաքննություններ,կատարվել զննություններ, առգրավումներ:
14:35
20 Նոյեմբերի 2017
Հայաստանում օդի ջերմաստիճանը կտրուկ կնվազի. սպասվում է ձյուն
Հայաստանում օդի ջերմաստիճանը կտրուկ կնվազի:
10:46
20 Նոյեմբերի 2017
Կարեն Կարապետյանը երկվորյակների պապիկ է դարձել
Հայաստանի էներգետիկայի փոխանարար Հայկ Հարությունյանը կրկին հայրիկ է դարձել։
16:14
19 Նոյեմբերի 2017
Ոստիկանությունն ու ԱԻՆ-ը պարզաբանում են ներկայացրել մետրոյում զինված անձի և պայթյունի վերաբերյալ
Կիրակի Երևանի մետրոպոլիտենում իսկական իրարանցում էր:
15:16
19 Նոյեմբերի 2017
Հայաստանին ձնե ցիկլոն է մոտենում
Հայաստանին ձյան ցիկլոն է մոտենում։
12:38
19 Նոյեմբերի 2017
Երթևեկի փոփոխություն Երևանի կենտրոնական փողոցներում (ՍԽԵՄԱ)
Երթևեկի փոփոխություն է նախատեսված Երևանի կենտրոնական փողոցներում։
10:30
18 Նոյեմբերի 2017
Նախորդ շաբաթվա կարևոր նորությունների հնգյակը
«Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։
20:03
17 Նոյեմբերի 2017
Երևանում բռնություն է գործադրվել ոստիկանի նկատմամբ. մեկ անձ ձերբակալվել է
Երևանում բռնություն է գործադրվել ոստիկանի նկատմամբ:
17:35
17 Նոյեմբերի 2017
Աշխատանքի տոնավաճառ` բոլորի համար
Այսօր ԱՄՆ դեսպանատան օժանդակությամբ Ձեռներեցության համաշխարհային շաբաթվա 2017թ. միջոցառումների շրջանակում կայացավ Կարիերայի և ձեռնարկատիրության տոնավաճառ: