ԵՐԵՎԱՆ, 3 դեկտեմբերի. /Նովոստի–Արմենիա/. Հայաստանի Վերաքննիչ դատարանում դեկտեմբերի 4–ին կշարունակվի նախկին նախագահ Ռոբերտ Քոչարյանի գործով դատական նիստը, ինչպես նաև պաշտպանության երկու միջնորդությունների դիտարկումը, երկուշաբթի լրագրողներին ասաց Քոչարյանի փաստաբան Արամ Օրբելյանը։
Նոյեմբերի 27–ին Վերաքննիչ դատարանի նիստը, որում պետք է քննարկվեր Քոչարյանին կալանքից ազատելու` Վճռաբեկ դատարանի որոշումը չեղարկելու վերաբերյալ Գլխավոր դատախազության միջնորդությունը, տեղափոխվեց փաստաբանների` դատավոր Ռուբեն Մխիթարյանի ինքնաբացարկի վերաբերյալ միջնորդության պատճառով։ Փաստաբանները հայտարարեցին, որ իրենց տեղեկության համաձայն, դատավորն ընտրվել է վիճակահանությամբ, ինչը հակասում է օրենքին։ Նոյեմբերի 29–ին միջնորդությունը մերժվել է դատարանի կողմից, իսկ նիստը տեղափոխվել դեկտեմբերի 2–ին։
«Դատարանը նաև պետք է քննարկեր պաշտպանության` գործընթացին վերաբերող երկու միջնորդություններ, մասնավորապես, նախագահի որոշումների սահմանադրականության մասին»,– ասաց Օրբելյանը։
Նրա խոսքով, մեղադրող կողմը պնդում է, որ ազատության մեջ գտնվող Քոչարյանը կարող է ազդեցություն ունենալ դատական ընթացքի վրա։
Загружается новость ...
"Право"
Նախկին նախագահի մյուս փաստաբան Հայկ Ալումյանն իր հերթին հայտնեց, որ Հյաաստանի գլխավոր դատախազ Արտակ Դավթյանը մոտ 40 րոպե Վերաքննիչ դատարանին էր ներկայացնում նախկին նախագահի կալանավորման միջնորդության վերաբերյալ փաստարկներ, որոնք, սակայն, համոզիչ չէին։
«Առանցքային փաստարկն այն է, որ նախկին նախագահի անձեռնմխելիությունը չի կարող է համադրվել օրենքի խախտման հետ։ Այսինքն, եթե ինչ–որ մեկին, այս դեպքում` նախագահին, մեղադրում են օրենքը խախտելու մեջ, և այդ խախտումը չի բխել նրա ֆունկցիոնալ պարտականություններից, ապա տվյալ անձը զրկվում է անձեռնմխելիությունից»,– ասաց Ալումյանը։
Նա նաև հայտնեց, որ դատարանում ելույթ ունեցավ նաև Քոչարյանը, ներկայացնելով մարտի 1–ին տեղոի ունեցածը և հանրապետությունում արտակարգ դրություն հայտարարելու պատճառները։
Հայաստանի երկրորդ նախագահ Ռոբերտ Քոչարյանը մեղադրվում է այլ անձանց հետո նախնական պայմանավորվածությամբ սահմանադրական կարգը տապալելու համար։ -0-