ԵՐԵՎԱՆ, 13 փետրվարի./Նովոստի–Արմենիա/. Վարչապետը սուպերմեն չէ, չորեքշաբթի խորհրդարանում ասաց Հայաստանի վարչապետ Նիկոլ Փաշինանը` ներկայացնելով նախագահական և խորհրդարանական իշխանավարման առավելությունների վերաբերյալ ունեցած իր դիրքորոշումը:
Վարչապետի կարծիքով, խորհրդարանական կառավարման կարգը դեռևս պետք է աշխատի` իր առավելությունները ցույց տալու համար:
Բայց, Փաշինյանի խոսքով, դրական է արդեն այն, որ ինքը, որպես վարչապետը ներկայացնում է կառավարության ծրագիրը, որի շուրջ ակտիվ քննարկումներ են ընթանում, կներկայացվի նաև դրա կատարողականի հաշվետվությունը, պետբյուջեի նախագիծը և դրա կատարողականը:
«Իմ ներքին զգացումներով, եթե ես այս առիթները չունենայի և նախագահ լինեի, ապա չէի դիմանա այս իրավիճակին, քանի որ ինձ` որպես հրապարակային քաղաքական գործչի, չափազանց անհրաժեշտ է լինել այդ հարթակներում, լսել հարցեր, ստանալ պատասխաններ և ունենալ հասարակայնության հետ գաղափարներով կիսվելու հնարավորություն»,- ասաց Փաշինյանը:
Նա նշեց, որ նախագահը սահմանափակ չէ այս հարցում, բայց նմանատիպ նախադեպերի համար ավելի պակաս հնարավորություններ ունի, բացի այդ, պատգամավորների մոտ նախագահին այսքան հարցեր չեն առաջանում:
Գործադիրի ղեկավարը կարծում է, որ նմանատիպ քննարկումները շատ կարևոր են, հատկապես հաշվի առնելով, որ եթե երկիրն ընտրել զարգազման ժողովրդավարական ուղին, ապա խորհրդարանական վերահսկողության համակարգերը պետք է միանշանակ աճեն և ավելի արդյունավետ դառնան:
Загружается новость ... "Лево"
«Նույնիսկ եթե վարչապետը սուպերմեն լինի, ապա չի կարողանա վերահսկել կառավարման բոլոր խնդիրները, կոռուպցիոն ռիսկերը: Եվ այս հարցում խորհրդարանի դերը շատ կարևոր է, որ խորհրդարանը վերահսկողություն սահմանի, և այդ հարցում ամենաշահագրգիռ անձը պետք է լինի վարչապետը: Եթե վարչապետը կոռումպացված չէ, ապա անձամբ շահագրգռված է խորհրդարանական վերահսկողության ցանկացած դրսևորմամբ, որ կառավարության աշխատանքն առավել արդյունավետ լինի»,- ասաց Փաշինյանը:
Նա նաև գոհունակություն հայտնեց, որ կառավարության անդամները պետք է փակ նիստերում պատասխանեն պատգամավորների, այդ թվում` ընդդիմադիր պատգամավորների բոլոր հարցերին, ընդ որում` կոշտ և տհաճ հարցերին: «Կառավարությունն իրեն միշտ պետք է վերահսկողության ներքո զգա»,- ասաց Փաշինյանը:
2015 թվականի դեկտեմբերին Հայաստանում անցկացված հանրաքվեի արդյունքներով, երկրում ընդունվեց նոր Սահմանադրություն, ըստ որի Հայաստանն անցավ նախագահական իշխանավարումից պետության ղեկավարի ավելի սահմանափակ լիազորություններով խորհրդարանականի կառավարման կարգի: -0-