Ուշադրություն. Հայաստանի որոշ ավտոճանապարհներին տեղ - տեղ մերկասառույց է

ԵՐԵՎԱՆ, 13 դեկտեմբերի. /Նովոստի–Արմենիա/. Չորեքշաբթի ժամը 20:00-ի դրությամբ Հայաստանի որոշ ավտոճանապարհներին առկա է մերկասառույց։

Ինչպես հայտնում ՀՀ տրանսպորտի, կապի և տեղեկատվական տեխնոլոգիաների նախարարությունը, մերկասառույց է մասնավորապես Արթիկի և Սիսիանի տարածաշրջանների ավտոճանապարհներին։

Անվտանգ երթևեկությունն ապահովելու նպատակով ճանապարհաշինարարներն
ավտոճանապարհներին կատարում են աղով, ավազով մշակման աշխատանքներ:


«Վթարներից, պատահարներից, խցանումներից և արտակարգ իրավիճակներից
խուսափելու նպատակով նախարարությունը վարորդներին հորդորում է երթևեկել
բացառապես ձմեռային անվադողերով»,– ասվում է հաղորդման մեջ։

Միաժամանակ, ինչպես նշվում է հաղորդագրությունում, ՀՀ միջպետական և հանրապետական նշանակության բոլոր ավտոճանապարհները բաց են: -0-