ԵՐԵՎԱՆ, 12 հոկտեմբերի. /Նովոստի–Արմենիա/. Հայաստանի կառավարությունը շենքերի և շինությունների գունային համապատասխանության պահանջներ է սահմանում։
Ինչպես կառավարության նիստում հինգշաբթի հայտնեց Հայաստանի քաղաքաշինության պետական կոմիտեի նախագահ Նարեկ Սարգսյանը, վարչապետի` տանիքները նույն գուներանգի բերելու հանձանարարականին համապատասխան մշակվել է պայման, որը կամրագրվի ճարտարապետա–նախագծային բոլոր առաջադրանքներում։
«Մենք հարցին ավելի ընդգրկուն ենք մոտեցել` նախատեսելով ոչ միայն գուներանգի, այլ նաև ընդհանուր առմամբ շենքերի ճակատային հատվածների ոճի և հարդարման պահանջը, որ դրանք համահունչ լինեն ընդհանուր մթնոլորտին»,– ասաց Սարգսյանը։
Загружается новость ... "Лево"
Նրա խոսքով, համայնքները պետք է ներկայացնեն իրենց առաջարկությունները և մինչև տարեվերջ բոլոր տարածքներում` քաղաքներում, ճանապարհահատվածներին կից գյուղերում կհաստատվի գունային լուծումների ռեեստր։
Որոշմանը համապատասխան, համայնքները շինարարության ցանկացած նախագծից առաջ պետք է ամրագրեն ինչպես տանիքների գունային երանգները, այնպես էլ շենքերի ճակատային հատվածի ընդհանուր ոճային տեսքը։
«Մենք այս պահին զերծ ենք մնում կոնկրետ գուներանգի հաստատումից, կուսումնասիրենք շուկան, որ չթելադրենք գուներանգն արտադրողներին, սակայն հարցը լուծում կստանա մինչև տարեվերջ»,– ասաց Սարգսյանը։
Հայաստանի վարչապետ Կարեն Կարապետյանն իր հերթին հանձնարարեց հարցն այնպես լուծել և խաղի այնպիսի կանոններ ձևավորել, որ չսահմանափակել արտադրողներին և շինարարներին, ինչպես նաև թույլ չտալ տեղերում լրացուցիչ վարչարարությունից։
«Նոր կարգը չպետք է ազդի շուկայում գների աճի վրա և չպետք է սահմանափակի շինարարներին»,– ասաց Կարապետյանը։
Մայիսին կառավարության նիստերից մեկում Հայաստանի վարչապետ Կարեն Կարապետյանը հանձնարարեց մի շարք գերատեսչություններին երկրի շենքերը և տանիքների նույն գույնի և ոճի բերվեն։ -0-
