Գագիկ Ծառուկյանն ասաց, թե ինչու է ուզում պատգամավոր դառնալ

ԵՐԵՎԱՆ, 9 դեկտեմբերի. /Նովոստի–Արմենիա/. «Բարգավաճ Հայաստան» կուսակցության առաջնորդ Գագիկ Ծառուկյանը նշեց այն պատճառը, թե ինչու է ցանկանում պատգամավոր դառնալ։

«Կայացած մարդիկ ուզում են իրենց հնարավորություններն օգտագործել երկրի հզորացման և զարգացման համար, որ երիտասարդ ընտանիքները լավ ապրեն, որ երեխաները լավ ապագա ունենան»,– ասաց նա քվեարկությունից հետո։

Ծառուկյանը նաև հայտնեց, որ այսօր առավել հաջողված քաղաքական գործիչները խոշոր սեփականատերերն են։ «Նրանք կարիք չունեն պաշտոնի, փողի և հարգանքի։ Սիրելով Հայրենիքը` նրանք ինչ–որ բան են ուզում անել սեփական ժողովրդի համար»,– ասաց Ծառուկյանը։


Նա ավելացրեց, որ իր կուսակցությունը երբեք չի զբաղվել ընտրողներին կաշառք տալով։

Դեկտեմբերի 9-ին ժամը 8:00-ին, ՀՀ-ում բացվել են բոլոր 2010 ընտրատեղամասերը, և մեկնարկել խորհրդարանական արտահերթ ընտրությունները:

ԿԸՀ–ի տեղեկացմամբ, Հայաստանի ընտրողների ռեգիստրում ներառված է 2 մլն 592 հազար 486 մարդ, ձևավորվել է 2010 ընտրատեղամաս։
Արտահերթ ընտրություններին մասնակցում է 9 կուսակցության և 2 կուսակցական դաշինք, իսկ ընտրացուցակներում, ընդհանուր առմամբ, ընգրկված է 1444 թեկնածու։ -0-