ԵՐԵՎԱՆ, 11 սեպտեմբերի./Նովոստի–Արմենիա/. Հայաստանի առողջապահության նախարար Արսեն Թորոսյանը պատասխանեց այն հարցին, թե արդյո՞ք փաստաթղթերի բացակայությունը կխանգարի երեխային անհետաձգելի բժշկական օգնություն ստանալ։
«Բարգավաճ Հայաստան» խմբակցության պատգամավոր Արման Աբովյանը կառավարության հարցուպատասխանի ժամանակ հարց տվեց, թե որ դեպքերում է ապահովվում մինչև 18 տարեկան անձանց անվճար բուժումը, այդ թվում, վերաբերու՞մ է դա հրատապ իրավիճակների։
Թորոսյանը պատասխանեց, որ կյանքի համար վտանգավոր դեպքում, և դա վերաբերում է ոչ միայն երեխաներին, օգնությունը պայմանավորված չէ պոստֆակտում ներկայացվող փաստաթղթերի առկայությամբ։
«Նույնիսկ եթե վճարում է պետությունը, վճարման հարցերը պարզվում են հետո»,– ասաց Թորոսյանը։
Նա խնդրեց իրեն ներկայացնել տեղեկատվություն այն դեպքերի վերաբերյալ, երբ փաստաթղթերի բացակայության պատճառով բժշկական օգնություն չի ցուցադրվել կյանքի համար սպառնալիքի առկայության դեպքում։ Նա հիշեցրեց, որ դա քրեական հանցագործություն չէ։
«Ինչ վերաբերում է երեխաների համար հուլիսին ներդրված բժշկական օգնության ընդլայնված ծրագրին, կրկնեմ, որ մենք մի շարք ծառայություններ ենք ավելացրել, որոնք մատուցվում են բուժհաստատություններում 7–18 տարեկան անձանց։ Բայց, օրինակ, եթե 10 տարեկան երեխային ուզում են տանել նյարդաբանի մոտ ոչ այն բուժհաստատությունում, որին նա կցված է, ապա ծառայությունը շարունակում է մնալ վճարովի»,– ասաց նախարարը։
Նրա խոսքով, ամբուլատոր բուժման դեպքում չեն վճարում։
Загружается новость ... "Лево"
«Ամենօրյա իրավիճակի դեպքում, երբ կյանքի համար սպառնալիք չկա, եթե դիմելու պահին ուղեգիր չկա, ապա երեխայի ծնողին խնդրում են բերել այն, որ երեխային ստացիոնար բուժում տրամադրեն։ Անհրաժեշտության դեպքում դա կարելի է անել նաև պոստֆակտում»,– ասաց Թորոսյանը։
Նա հայտնեց, որ հետագայում վիճակագրությանը ծանոթանալուց հետո, ծրագրվում է միավորել 0-18 տարեկանների բուժսպասարկումը մեկ փաթեթում։ Այդ համատեքստում նա կարևորեց բուժապահովագրությունը, երբ Հայաստանի ողջ բնակչության համար կգործի մեկ փաթեթ։
Ընթացիկ փոփոխությունները չեն տարածվում ատամնաբուժական ծառայությունների, խորհրդատվությունների, ինչպես նաև ախտորոշման հստակեցման լաբորատոր–սարքավորումային հետազոտութւյունների վրա։ -0-