Թորոսյանը հայտնեց, որ ՍՇՎ–ն Վրաստանում անկման միտում ունի, բայց կոչ արեց զգոն լինել Հայաստանում (ՖՈՏՈ)

ԵՐԵՎԱՆ, 9 հունվարի./Նովոստի–Արմենիա/. Կայացել է Հայաստանի առողջապահության նախարարի պաշտոնակատար Արսեն Թորոսյանի հեռախոսազրույցն իր վրացի գործընկեր Դավիթ Սերգեենկոյի հետ՝ կապված իրենց երկրում սուր շնչական վարակներով հիվանդացության հետ։ Այս մասին Թորոսյանը չորեքշաբթի հայտնել է Facebook–ի իր էջում։

«Նա ինձ տեղեկացրեց, որ իրավիճակը գտնվում է վերահսկողության տակ և համապատասխանում է սեզոնին։ Նաև տեղեկացրեց, որ արդեն կա հիվանդացության անկման միտում։ Մեր համապատասխան ստորաբաժանումները մշտական կապի մեջ են իրար հետ և անհրաժեշտության դեպքում ձեռնարկում են համապատասխան հակահամաճարակային միջոցառումներ»,– գրել է նա։



Ավելի վաղ հաղորդվել էր, որ Վրաստանում «խոզի» գրիպի (H1N1) զոհ է դարձել 12 մարդ։
Առողջապահության նախարարի պաշտոնակատարը կոչ է արել հիվանդանալու դեպքում դիմել տեղամասային պոլիկլինիկա, ինչպես նաև հիվանդ երեխաներին չուղարկել մանկապարտեզ կամ դպրոց, որպեսզի նրանք կարողանան առողջանալ և չվարակել մյուսներին։

«Դրանով մենք կկանխենք սուր շնչական վարակների հետագա տարածումը»,– գրել է նա։ -0-