ԵՐԵՎԱՆ, 19 հուլիսի. /Նովոստի–Արմենիա/. Բուհերի ընդունելության քննությունների արդյունքներն ամփոփված են, ցուցակները` հրապարակված։
Ըստ ցուցակների` պարզ է, որ առկա են բազմաթիվ թափուր տեղեր, իհարկե` վճարովի ուսուցման համակարգում:
Ինչպես հայտնում է
armtimes.com–ը, որոշ մասնագիտությունների դեպքում այդ տեղերը գրեթե այնքան են կամ նույնիսկ ճիշտ այնքան, որքան ի սկզբանե հատկացված է եղել:
Երևանի պետական համալսարանում թափուր տեղերի պատկերը, մասնավորապես, հետևյալն է. ֆիզիկա` 47 տեղ` 50-ից (ուսման վարձը` 430 հազար դրամ), քիմիա` 24 տեղ` 26-ից (ուսման վարձը` 430 հազար դրամ), ֆարմացիա` 33 տեղ` 68-ից (ուսման վարձը` 540 հազար դրամ), կենսաֆիզիկա և կենսաինֆորմատիկա ` 30 տեղ` 33-ից (ուսման վարձը` 430 հազար դրամ), սերվիս` 55 տեղ` 125-ից (ուսման վարձը` 540 հազար դրամ), տնտեսագիտություն` 80` 130-ից (ուսման վարձը` 650 հազար դրամ), հայոց լեզու և գրականություն` 31 տեղ` 120-ից (ուսման վարձը 430 հազար դրամ), միջմշակութային հաղորդակցություն, ռուսաց լեզու` 40 տեղ` 40ից (ուսման վարձը` 430 հազար դրամ), անգլերեն լեզու և գրականություն` 52 տեղ` 135-ից (ուսման վարձը` 600 հազար դրամ), աստվածաբանություն` 38 տեղ` 45-ից (ուսման վարձը` 430 հազար դրամ), եկեղեցաբանություն` 25 տեղ` 25-ից (ուսմնան վարձը` 430 հազար դրամ)։
Իսկ օրինակ ԵՊՀ միջազգային հարաբերություններ եւ իրավագիտություն մասնագիտությունների համար հատկացված բոլոր 142-ական տեղերը, այդ թվում` 2 անվճար, զբաղեցված են: Առաջին դեպքում ուսման վարձը կազմում է տարեկան 650 հազար դրամ, երկրորդ մասնագիտությունը սովորելու համար ուսանողը տարեկան պետք է վճարի 870 հազար դրամ:
Հայաստանի ազգային պոլիտեխնիկական համալսարան (Երեւանի կրթահամալիր)
տնտեսագիտություն` 47 տեղ` 120-ից (ուսման վարձը` 522 հազար դրամ)
շրջակա միջավայրի պաhպանություն` 23 տեղ` 24-ից (ուսման վարձը` 402 հազար դրամ)
էլեկտրատեխնիկա, էլեկտրամեխանիկա եւ էլեկտրատեխնոլոգիաներ` 21 տեղ` 42-ից (ուսման վարձը` 420 հազար դրամ)
Загружается новость ... "Лево"
Հայաստանի պետական տնտեսագիտական համալսարան` տնտեսագիտություն` 127 տեղ` 186-ից (ուսման վարձը` 600 հազար դրամ), հաշվապահական հաշվառում և հարկում (ըստ ոլորտի)` 25 տեղ` 190-ից (ուսման վարձը` 600 հազար դրամ, վիճակագրություն` 17 տեղ` 38-ից (ուսման վարձը` 500 հազար դրամ)։
Խ. Աբովյանի անվան հայկական պետական մանկավարժական համալսարան` պատմություն` 51 տեղ` 85-ից (ուսման վարձը` 315 հազար դրամ), հասարակագիտություն` 44 տեղ` 48-ից (ուսման վարձը` 315 հազար դրամ)։
Երևանի Վ. Բրյուսովի անվան պետական լեզվահասարակագիտական համալսարան`
մասնագիտական մանկավարժություն, անգլերեն լեզու եւ գրականություն` 99 տեղ`153-ից (ուսման վարձը` 400 հազար դրամ), մասնագիտական մանկավարժություն, գերմաներեն լեզու եւ գրականություն` 49 տեղ` 49-ից (ուսման վարձը` 400 հազար դրամ), սերվիս` 103 տեղ` 124-ից (ուսման վարձը`400 հազար դրամ), քաղաքագիտություն` 49 տեղ` 54-ից (ուսման վարձը` 400 հազար դրամ), լրագրություն` 34 տեղ` 34-ից (ուսման վարձը` 400 հազար դրամ)։
Հուլիսի 20-25-ը կանցկացվի թափուր տեղերի մրցույթ, և արդեն հուլիսի 25-ին բուհերում կհրապարակվեն նոր մրցույթի արդյունքները:
Պետական բուհերին հատկացված է եղել 14 տեղ, ընդունվել է 8 հազար 266 դիմորդ, որից 1212-ը` պետպատվեր ուսուցման համակարգ:
Թափուր տեղերի ցանկում նշված են այն թվերը, որոնք ներկայացել են բուհերը` նոր մրցույթի համար: Այսինքն` հնարավոր է, որ չհամալրված տեղերը շատ ավելին են, քան ներկայացված թվերը։ -0-
