ԵՐԵՎԱՆ, 15 ապրիլի./Նովոստի–Արմենիա/. #SutNikol ակցիա է անցել Հայաստանի յոթ խոշոր քաղաքներում և կշարունակվի ամբողջ հանրապետությունում, երկուշաբթի մամուլի ասուլիսում ասաց նախաձեռնության համակարգողներից մեկը` բլոգեր Արթուր Դանիելյանը։
Երկուշաբթի վաղ առավոտյան Երևանում անցկացվել է #SutNikol ակցիան: Նախաձեռնության մասնակիցները քաղաքի փողոցներում #sutNikol գրությամբ գրաֆիտիներ են արել: Նրանք, մասնավորապես, եղել են Հյուսիսային պողոտայում, Աբովյան և Ամիրյան փողոցներում, ինչպես նաև Հանրապետության Հրապարակում: Այդ կապակցությամբ «Վարչական իրավախախտումների վերաբերյալ» ՀՀ օրենսգրքի 172.2 հոդվածի հիվան վրա (Հասարակական վայրերն օգտագործելու կանոնները խախտելը) բերման են ենթարկվել նախաձեռնության համակարգողներ Կոնստանտին Տեր-Նակալյանը, Նարեկ Սամսոնյանը, ինչպես նաև ակցիայի մյուս մասնակիցները` Արթուր Դանիելյանը, Վրեժ Սարգսյանը, Իշխան Խոսրովյանը, ինչպես նաև ուղիղ եթերն ապահովող օպերատորը: Ավելի ուշ բոլոր բերման ենթարկվածները ազատ են արձակվել:
Загружается новость ...
"Право"
«Այդ ակցիան նվիրված է Հայաստանում իշխանափոխության մեկ տարվան և անցկացվել է, ցույց տալու համար, որ պետականության ոգին չի կոտրվել։ Մեր ակցիային միացել են մեծ թվով քաղաքացիներ յոթ քաղաքներում։ Մենք ցանկանում ենք հայտարարել, որ դա առաջին նմանատիպ ակցիան է և, միանշանակ, ոչ վերջինը»,– ասաց Դանիելյանը։
Նա հայտնեց, որ ակցիային մասնակցել է մոտ երեք տասնյակ մարդ, իսկ դրա անցկացմանը ծախսվել է ընդամենը 108 դոլար, որոնք հավաքել են հենց մասնակիցները։
Նրա խոսքով, նախաձեռնող խումբը մտադիր է բողոքարկել 60 հազար դրամի վարչական տուգանքի որոշումը, քանի որ դրա մասնակիցները միայն իրականացրել են ազատ կամարտահայտման և խոսքի ազատության իրենց իրավունքը։
«Քաղաքացիական գիտակցություն» հասարակական կազմակերպության ղեկավար Նարեկ Սամսոնյանը նշեց, որ ակցիան ուղղված է իշխանությունների կողմից բոլոր չկատարած խոստումների բացահայտմանը։
«Այդ խորհրդանշական ակցիան սկսվել է ապրիլի 1–ից սոցցանցերում։ Այսօր անցել է ակցիայի երկրորդ փուլը, որը բացառապես խաղաղ բնույթ էր կրում»,– ասաց նա, անարդար համարելով ակցիայի անցկացումը որպես վարչական խախտում որակելը։
Նրա խոսքով, նախաձեռնող խումբը սկսում է դրամահավաք, որ ֆինանսավորի այն նկարիչներին, ովքեր իրենց ծաղրանկարներում անկողմնակալ քննադատելու են գործող իշխանությունները և նշելու են նրանց թերացումները։ -0-
