ԵՐԵՎԱՆ, 15 մարտի. /Նովոստի–Արմենիա/. ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը նշել է վերջին տարիներին Երևանում անոմալ շոգի պատճառը։
«Պարոն Մարության, վերակնագնեք Երևան քաղաքի անխնա ոչնչացված կանաչապատ տարածքները, վստահ կարող եմ ասել, որ վերջին տասնամյակում Երևանում դիտվող անոմալ շոգերը և օդի բարձր աղտոտվածության մակարդակը նաև կանաչապատ տարածքների ոչնչացման հետևանք է»,– գրել է Սուրենյանը Facebook–ի իր էջում` դիմելով Երևանի քաղաքապետ Հայկ Մարությանին։
Загружается новость ... "Лево"
Ավելի վաղ քաղաքապետարանը հայտարարել է Սպենդիարյանի անվան Օպերայի և բալետի ազգային ակադեմիական թատրոնի անմիջական հարևանությամբ գտնվող բոլոր սրճարաններն ու ռեստորանները վերացնելու մտադրության մասին։ Նպատակը «կանաչ գոտու» վերականգնումն է։
Մոտ մեկ ամիս առաջ Երևանի քաղաքապետարանը հայտնել էր Օպերայի ազգային ակադեմիական թատրոնին հարող սրճարանները և ռեստորանները վերացնելու և այդ տարածքում կանաչ գոտին վերականգնելու մասին։
Մասնավորապես, Օպերային թատրոնի հարևանությամբ Ազատության հրապարակին հարող հողատարածքներ վարձակալած տնտեսվարող սուբյեկտներն իրազեկում են ստացել քաղաքապետարանի համապատասխան դեպարտամենտից։–0–