Ստավրոպոլը Երևանի հետ կանոնավոր ավիահաղորդակցություն կհաստատի

ԵՐԵՎԱՆ, 21 փետրվարի. /Նովոստի–Արմենիա/. «Ստավրոպոլ» միջազգային օդանավակայանը ծրագրում է ավիահաղորդակցություն հաստատել Հայաստանի մայրաքաղաքի հետ։

Ինչպես հայտնել է օդանավակայանի գլխավոր տնօրեն Նիկոլայ Ապալկովը լրագրողներին, ենթադրվում է ընդլայնել թռիչքների աշխարհագրությունը չորս ուղղություններով։

«Ծրագրվում է երթուղային ցանցերի զարգացումը Ստավրոպոլի օդանավակայանից` կանոնավոր չվերթեր դեպի Երևան (Հայաստան) և Սանկտ Պետերբուրգ, ինչպես նաև չվերթեր ամռանը Սիմֆերոպոլ և Սալոնիկ»,– Ապալկովի խոսքն է մեջբերում «Ինտերֆաքսը»։ Նա պարզաբանել է, որ նոր չվերթերը կսկսեն իրականացվել 2017 թվականի մայիս–հունիսին։ -0-