487.29
-0.01
568.08
+2.76
8.23
+0.01
+6
Եղանակը Երևանում
Հայ
Լեգենդար հետախույզներ Վարդանյան ամուսինները կպատմեն Թեհրանում կատարած աշխատանքի անհայտ փաստերի մասին
11:12
24 Հունվարի 2011

ԵՐԵՎԱՆ, 24 հունվարի. /Նովոստի-Արմենիա/. Ռուսաստանցի հեռուստադիտողը երկուշաբթի կարող է դիտել լեգենդար հետախույզներ Գևորգ և Գոհար Վարդանյանների մասին պատմող գեղարվեստական-վավերագրական ֆիլմը, որում ներկայացվում է Խորհրդային արտաքին հետախուզության դերը Թեհրանում 1943 թ.-ին հակահիտլերյան կոալիցիայի առաջնորդների հանդիպման ժամանակ առաջնորդներին սպանելու՝ ֆաշիստական Գերմանիայի ծրագրերը ձախողելու գործում, «ՌԻԱ Նովոստիին» տեղեկացրել է Արտաքին հետախուզության ծառայության (ԱՀԾ) մամուլի բյուրոյի ղեկավար Սերգեյ Իվանովը:

Ֆիլմը նվիրված է Մեծ հաղթանակի 65-ամյակին և ռուսական հետախուզության 90-ամյա հոբելյանին նվիրված մասշտաբային նախագծի մի մասն է: Ֆիլմը ստեղծվել է ՌԴ ԱՀԾ-ի մամուլի բյուրոյի ակտիվ աջակցությամբ:

«Ռուսաստանի առաջին ալիքով «Ճշմարիտ պատմություն. Թեհրան 43»  ֆիլմի ցուցադրությունը նվիրված է հետախույզ Գոհար Վարդանյանի հոբելյանին, հունվարի 25-ին նա կնշի իր 85-ամյակը: Ֆիլմը ստեղծվել է Ռուսաստանի ԱՀԾ-ի մամուլի բյուրոյի ակտիվ աջակցությամբ», - նշել է Իվանովը:

«Ճշմարիտ պատմություն. Թեհրան 43»  ֆիլմի գլխավոր հերոսները ամուսիններ, ոչ լեգալ հետախույզներ Գևորգ և Գոհար Վարդանյաններն են: Ֆիլմում 1943 թ.-ի թեհրանյան դեպքերի մասին պատմում են հետախույզ ամուսինները:

«Ընտանեկան զույգն առաջին անգամ կպատմի մասնագիտական և անձնական կյանքի բազմաթիվ դրվագների մասին», - նշել է Իվանովը:

Իրանում աշխատելու տարիներին  Վարդանյանին ու նրա խմբին հաջողվեց մերկացնել ավելի քան 400 գերմանական գործակալների։Վարդանյանը մասնակցել է 1943թ.-ին Թեհրանի վեհաժողովի անվտանգության ապահովման գործողություններին։Նա իր յոթ հոգուց բաղկացած խմբի հետ միասին կարողացավ կանխել ֆաշիստական Գերմանիայի հետախույզների կողմից ծրագրված Ստալինի, Ռուզվելտի և Չերչիլի դեմ մահափորձը։

Նա նաև տեղեկացրել է, որ ֆիլմի նկարահանումներն անցկացվել են Ռուսաստանում, Սիրիայում և Չեխիայում: Անցյալ տարվա մայիսի 5-ին  «Ռոսիյսկայա գազետայի» խմբագրությունում ֆիլմը ցուցադրվել է մամուլի ներկայացուցիչների համար, ցուցադրությանը ներկա են եղել Վարդանյան ամուսինները, ֆիլմի ստեղծողներն ու գլխավոր դերակատարները:

Սա Արտաքին հետախուզության ծառայության աշխատակիցների՝ Համաշխարհային երկրորդ պատերազմի առանցքային իրադարձությունների մասնակիցների մասին պատմող «Մենամարտեր» վավերագրական-գեղարվեստական ֆիլմաշարի ֆիլմերից մեկն է:

«Իրանում իրականացրած ծառայությունը, որը տևել է մինչև 1951 թ.-ը, Գևորգ և Գոհար Վարդանյանների համար դարձել է կյանքի կարևորագույն փուլը: Սա նրանց գործակալական գործունեության միակ «էջն է», որի մասին կարելի է հրապարակավ խոսել», - նշել է Իվանովը:

Գոհարն Վարդանյանը ծնվել է 1926 թ.-ի հունվարի 25-ին Գյումրիում: 1930-ականների սկզբին նրա ընտանիքը բնակություն հաստատելու նպատակով տեղափոխվել է Իրան:

16 տարեկանում Գոհարն ընդգրկվել է իր ապագա ամուսնու ու զինակցի՝ Գևորգ Վարդանյանի հակաֆաշիստական խմբի մեջ: Գևորգ Վարդանյանի հետ Գոհարը բարդ պայմաններում ակտիվ հետախուզական աշխատանք է կատարել: 1943 թ.-ին այդ խմբի կազմում նա մասնակցել է Թեհրանի կոնֆերանսի անվտանգության ապահովմանն ուղղված օպերացիային: 1951 թ.-ին Վարդանյան ամուսինները մեկնել են ԽՍՀՄ, 1956 թ.-ին  հաջողությամբ ավարտել են Երևանի օտար լեզուների ինստիտուտը: Այնուհետև Վարդանյան ամուսինները երկար տարիներ էքստրեմալ պայմաններում աշխատել են աշխարհի տարբեր երկրներում՝ որպես անօրինական-հետախույզներ:

1986 թ.-ին 30 տարի արդյունավետ աշխատանքից հետո Գոհար և Գևորգ Վարդանյանները վերադարձել են հայրենիք:

Գոհար Վարդանյանը հայրենիքի հանդեպ ունեցած վաստակի համար արժանացել է Հայրենական պատերազմի երկրորդ աստիճանի, Կարմիր դրոշի շքանշանների և բազմաթիվ մեդալների: 1986 թ.-ի դեկտեմբերին նա անցել է թոշակի՝ ունենալով ավելի քան 30 տարվա օպերատիվ աշխատանքային ստաժ և ավելի քան 47 տարվա ընդհանուր աշխատանքային ստաժ: Լինելով թոշակառու՝ Գոհար Վարդանյանը շարունակում է կրթել երիտասարդ աշխատակիցների՝ փոխանցելով նրանց իր հարուստ կենսափորձը:-0-

Loading...
Թեմատիկ նյութեր
Բաժնի այլ նյութեր
20:31
10 Նոյեմբերի 2017
Երևանի կենտրոնում 10 ժամը ջուր չի լինի
10–ժամյա ջրանջատում է նախատեսված Երևանի Կենտրոն վարչական շրջանում։
19:50
10 Նոյեմբերի 2017
Ուսանողները ԱԺ–ի մոտ էին. քննարկումը հետաձգվեց քվորում չապահովելու պատճառով
Ուսանողները շարունակելու են իրենց բողոքի ակցիան երկուշաբթի ԱԺ–ի շենքի դիմաց:
18:24
10 Նոյեմբերի 2017
Փոխվել է «Զվարթնոց» օդանավակայան-Երևան երթուղու վերջնակետը
Փոխվել է օդանավակայանից դեպի Երևան և հակառակ ուղղությամբ երթևեկող ավտոբուսների վերջնակետը։
16:53
10 Նոյեմբերի 2017
Հայաստանում կգործեն դեղատոմսերով դեղ գնելու նոր կանոններ
Դեղատոմսերի շրջանառությունը կարգավորող նոր կարգը ուժի մեջ կմտնի պաշտոնական հրապարակումից հետո երեք ամիս անց։
14:54
10 Նոյեմբերի 2017
Ուսանողական բողոքի 4–րդ օր. նրանք կուղղվեն դեպի Ազգային ժողով
Ուսանողները Երևանում բողոքի ակցիա են անցկացնում բանակից տարկետման իրավունքի չեղարկման դեմ։
14:16
10 Նոյեմբերի 2017
Կայացել է Հայաստանի և Արցախի միջխորհրդարանական հանձնաժողովի անդրանիկ նիստը սահմանադրական բարեփոխումներից հետո
Երևանում մեկնարկել է սահմանադրական բարեփոխումներից հետո Հայաստանի և Արցախի առաջին միջխորհրդանական հանձնաժողովի անդրանիկ նիստը։
10:33
10 Նոյեմբերի 2017
Հայաստանում ձյուն կտեղա
Հայաստանի որոշ մարզերում անձրևախառն ձյուն կտեղա։
08:00
10 Նոյեմբերի 2017
Հինգշաբթի` նոյեմբերի 9–ի առավել ուշագրավ նորությունները
«Նովոստի–Արմենիա» գործակալությունը ներկայացնում է հինգշաբթի` նոյեմբերի 9–ի առավել ուշագրավ նորությունների սեփական տարբերակը։
21:06
09 Նոյեմբերի 2017
ԵՊՀ–ն ուղերձ է հղել բողոքող ուսանողներին
Նոյեմբերի 7-ին ԵՊՀ մի քանի հարյուր ուսանողներ դասադուլ են հայտարարել տարկետման վերացման դեմ օրինագծի կապակցությամբ։
20:35
09 Նոյեմբերի 2017
Կարեն Կարապետյանն ու բողոքող ուսանողները համաձայնության չեկան
Հայաստանի վարչապետ Կարեն Կարապետյանը և բողոքող ուսանողները համաձայնության չեկան բանակից տարկետման հարցով։
17:14
09 Նոյեմբերի 2017
Վարչապետը կհանդիպի տարկետման սահմանափակման դեմ բողոքող ուսանողների հետ (ՖՈՏՈ)
ՀՀ վարչապետ Կարեն Կարապետյանը կհանդիպի տարկետման սահմանափակման դեմ բողոքող ուսանողների հետ։
13:48
09 Նոյեմբերի 2017
Դանիան դյուրացնում է վիզային ռեժիմը ՀՀ քաղաքացիների համար
Դանիան դյուրացնում է վիզային ռեժիմը Հայաստանի քաղաքացիների համար։