485.74
+0.58
561.81
-1.12
8.27
+0.04
+11
Եղանակը Երևանում
Հայ
Մեդվեդև. Արդիականացումը պետք է առաջնահերթություն դառնա ԱՊՀ բոլոր երկրների համար
16:21
14 Հոկտեմբերի 2010

ՌԴ նախագահ Դմիտրի Մեդվեդևը կարծում է, որ զարգացող տնտեսություն ունեցող ԱՊՀ բոլոր երկրների համար առաջնահերթություն պետք է դառնա արդիականացումը։

«Ես կարծում եմ, որ տնտեսության արդիականացումը, նույնիսկ եթե այդ թեզիսը չկա, ըստ էության, առաջնահերթություն է Համագործակցության բոլոր երկրների համար»,- հինգշաբթի ասել է Մեդվեդևն ԱՊՀ անդամ պետությունների Ստեղծագործ և գիտական մտավորականության համաժողովում, հաղորդում է «ՌԻԱ Նովոստին»։ 

Նա նշել է, որ Համագործակցության բոլոր երկրները բավականին երկարատև բարդ ժամանակահատված են ունեցել, երբ նրանցից յուրաքանչյուրը կառուցել է իր պետականությունն ու վերականգնել տնտեսությունը։

Տնտեսական զարգացման դժվարություններ, նախագահի կարծիքով, կան և այսօր։ Բացի այդ, գոյություն ունեն միջպետական խնդիրներ և մոլորակի մասշտաբի խնդիրներ, ինչպիսիք են համաշխարհային ֆինանսատնտեսական ճգնաժամը։

«Այն (ճգնաժամը) հարվածեց և ամենազարգացած, և զարգացող տնտեսություններին, իսկ Համագործակցությունում միավորված բոլոր պետություններն, ամեն դեպքում,   զարգացող տնտեսություններ են՝ անկախ այդ տնտեսությունների ծավալներից»,- նշել է Մեդվեդևը։

Այս իրավիճակից դուրս գալու համար անհրաժեշտ է «վերափոխել մեր տնտեսությունները»։ «Եթե նախորդ տասնամյակում մենք զբաղվում էինք շուկայական տնտեսության հիմքերի ստեղծմամբ, և, ընդհանուր առմամբ, դա արվեց, ապա այս տասնամյակում միանգամայն ակնհայտ է, որ անհրաժեշտ է նոր տնտեսություն ստեղծել։ Անհրաժեշտ է դիվերսիֆիկացնել տնտեսությունները, փոխել դրանց կառուցվածքը։ Մենք սա հստակ գիտակցում ենք Ռուսաստանի Դաշնության օրինակով»,- ասել է նախագահը։

Նրա կարծիքով՝ ԱՊՀ երկրներին անհրաժեշտ է նոր ուղիներ փնտրել կտրված արտադրողական շղթաների վերականգնման համար և համագործակցության նոր ուղղություններ գտնել։

«Ակնհայտ է, որ պետք է ստեղծել արտադրական, տնտեսական նոր կառույցներ, համատեղ նոր նախագծեր։ Այդ նախագծերն, անշուշտ, պետք է հիմնվեն նոր տեխնոլոգիաների վրա»,- ասաց Մեդվեդևը՝ հավելելով, որ այս ամենով, նախևառաջ, պետք է զբաղվի երիտասարդությունը, առանց որի արդիականացման գործընթացում «մենք ոչինչ անել չենք կարող»։

«Լուսավոր գլուխներ» կան բոլոր երկրներում, բայց ԱՊՀ պետությունների համար ընդհանուր լուրջ խնդիր է գիտական մշակումների ներդրումը, նշել է նախագահը։ «Մենք դեռևս չենք սովորել, թե ինչ է նշանակում գիտական նվաճումների առևատրայնացում։ Սա պետք է սովորել այսօր, և այդ առումով պետք չէ ամաչել, պետք չէ ասել, որ մենք ինքներս կարող ենք, մենք պետք է փոխառենք տնտեսական զարգացած կառույցների պրակտիկայի լավագույն նմուշները այն երկրներից, որոնք արդեն տեխնոլոգիական հեղափոխություն են ապրել»,- համոզված է Մեդվեդևը։

Նա ընդգծել է, որ ԱՊՀ երկրների շուկաները սերտորեն կապված են։ «Մենք միշտ հարևաններ կմնանք, մենք միշտ բնական գործընկերներ կլինենք։ Այս մասին պետք է պարտադիր հիշել՝ կառուցելով և կրթական, և տնտեսական գործընկերությունը»,- ասել է Մեդվեդևը՝ ընդգծելով կրթությանը հատուկ ուշադրություն դարձնելու կարևորությունը։ «Սա մեր մրցակցային առավելությունն է՝ մեր կրթական արմատներն առայժմ շատ մոտ են։ Սա չի կարելի կորցնել, այլ պետք է պահպանել»,- հավելել է նախագահը։ -0-

Loading...
Թեմատիկ նյութեր
Բաժնի այլ նյութեր
21:25
07 Նոյեմբերի 2017
ՀՀ ԱԳ նախարարն Իսրայելում այցելել է Հոլոքոստի զոհերի հուշահամալիր (ՖՈՏՈ, ՎԻԴԵՈ)
Էդվարդ Նալբանդյանն այցելել է Յադ Վաշեմ և ծաղկեպսակ զետեղել Հոլոքոստի զոհերի հուշահամալիրում:
21:05
07 Նոյեմբերի 2017
Ռուբեն Վարդանյանը Երևանում պատմել է «տալանտիզմի» դարաշրջանի առանձնահատկության մասին
Ռուբեն Վարդանյանի խոսքով, «տալանտիզմի» դարաշրջանում ինտելեկտը գաղթում է այն շրջաններ, որտեղ ստեղծված են պայմաններ ինտելեկտի պահպանման և զարգացման համար։
19:04
07 Նոյեմբերի 2017
Հայաստանում գործարկվել է ամենամեծ արևային կայանը
Հայաստանում գործարկվել է ամենամեծ` 1ՄՎտ հզորությամբ արևային կայանը։
18:35
07 Նոյեմբերի 2017
Հրապարակվել են Վանաձորում 32–ամյա ծննդկանի ողբերգական մահվան մանրամասները
Կինը ծննդաբերել է արական սեռի երեխա, որից հետո նրա ինքնազգացողությունը վատացել է։
17:32
07 Նոյեմբերի 2017
Երևանի կենտրոնում 12 ժամ ջուր չի լինի
12–ժամյա ջրանջատում է նախատեսված Երևանի Կենտրոն վարչական շրջանում։
17:17
07 Նոյեմբերի 2017
Հովհաննես Այվազովսկու 200-ամյակին նվիրված հինգ նամականիշով նոր գեղաթերթիկ է մարվել Երևանում
Երեքշաբթի Երևանում տեղի է ունեցել Հովհաննես Այվազովսկու 200-ամյակին նվիրված հինգ նամականիշով նոր գեղաթերթիկի հանդիսավոր մարման արարողությունը։
15:21
07 Նոյեմբերի 2017
«Հայկական շեշտադրումով». ռուսական ռեպորտաժ Հայաստանի մասին (ՎԻԴԵՈ)
Հեռուստաալիքի նկարահանող խումբը ներկայացրել է նաև հայկական գորգագործության և հանրապետությունում ՏՏ ոլորտի զարգացման պատմությունը։
14:50
07 Նոյեմբերի 2017
Արարատի մարզում վրաերթի ենթարկված 17-ամյա աղջիկը հիվանդանոցում մահացել է (ՎԻԴԵՈ)
Նոյեմբերի 6-ին, հիվանդանոցում մահացել է Արարատի մարզի Արարատ քաղաքի բնակիչ՝ 17-ամյա Լիաննա Նալբանդյանը:
14:00
07 Նոյեմբերի 2017
Պարզվել են Հրազդանի երկու բնակիչների սահմռկեցուցիչ սպանության մանրամասները
Հրազդանի երկու բնակիչների սպանության համար մեղադրանք է առաջադրվել նույն քաղաքի 32-ամյա բնակչի:
12:04
07 Նոյեմբերի 2017
Երևանում ՃՏՊ–ի հետևանքով ավտոմեքենա է այրվել
Դեպքը տեղի է ունեցել Երևան քաղաքի Ավան վարչական շրջանի «Հարսնաքար» ռեստորանային համալիրի խաչմերուկում։
11:25
07 Նոյեմբերի 2017
Հայաստանի բնակչությունը կհանգստանա անձրևներից
Երևանում ցերեկային ժամերին ջերմաստիճանը կբարձրանա մինչև +13...+15 աստիճան։
10:54
07 Նոյեմբերի 2017
Ի՞նչ գիտեք Հայաստանում պարենային զամբյուղի մասին
Հայաստանում պարենային զամբյուղի նվազագույն արժեքն ամսական կտրվածքով կազմում է 31,4 հազար դրամ, տարեկան կտրվածքով` 376,8 հազար դրամ։