478.38
-0.01
573.43
+2.18
8.23
-0.08
+21
Եղանակը Երևանում
Հայ
Ղարաբաղյան հակամարտության խաղաղ կարգավորումն այլընտրանք չունի. Ղազախստանի արտգործնախարար
12:12
02 Հուլիսի 2010

Ղարաբաղյան հակամարտության խաղաղ կարգավորումն այլընտրանք չունի, կարծում է ԵԱՀԿ գործող նախագահ, Ղազախստանի պետական քարտուղար-արտգործնախարար Կանատ Սաուդաբաևը:

«Ամուր խաղաղության կարելի է հասնել միայն փոխզիջման հիման վրա: Մենք աջակցում ենք ԵԱՀԿ Մինսկի խմբի համանախագահների խաղաղարար ջանքերը, նրանք կարևոր աշխատանք են իրականացնում բանակցային գործընթացի դինամիկայի պահպանման համար անհրաժեշտ պայմանների ստեղծելու ուղղությամբ», - ասաց Սաուդաբաևը` «ԵԱՀԿ գործող նախագահ, Ղազախստանի պետական քարտուղար-արտգործնախարար Կ. Բ. Սաուդաբաևի հետ մեծ զրույց» նախագծի շրջանակներում պատասխանելով «Նովոստի-Արմենիա» գործակալության հարցին: Նախագիծը նվիրված է ԵԱՀԿ-ում Ղազախստանի նախագահության առաջին կեսի ավարտին:

Նրա խոսքերով` շատ կարևոր է, որ բոլոր երեք միջնորդ –պետությունները (Ֆրանսիա, Ռուսաստան, ԱՄՆ) անկեղծ շահագրգռվածություն են ցուցաբերում հակամարտության շուտափույթ լուծման կապակցությամբ, որի հերթական վկայությունը այս տարի հունիսին Կանադայում անցկացվող «մեծ քսանյակի» գագաթնաժողովում երեք երկրների նախագահների հայտարարությունն էր:

ՌԴ-ի, ԱՄՆ-ի և Ֆրանսիայի նախագահների հայտարարության մեջ նշվում է, որ Մինսկի խմբի համանախագահ-պետությունների ղեկավարները «քայլ առաջ են համարում երկու կողմերի կողմից այն փաստի ընդունումը, որ ամուր կարգավորումը պետք է հիմնվի մի շարք սկզբունքների հիման վրա, որոնց թվում են, մասնավորապես, Լեռնային Ղարաբաղի շրջակա տարածքների վերադարձը, Լեռնային Ղարաբաղի միջանկյալ կարգավիճակը, որն անվտանգության և ինքնավարության երաշխիքներ է ապահովում, Հայաստանին և Լեռնային Ղարաբաղին կապող միջանցքը»: Այս սկզբունքների թվում նշված են նաև Լեռնային Ղարաբաղի ապագա վերջնական իրավական կարգավիճակի սահմանումը «նրա բնակչության կամարտահայտության միջոցով, որը պարտադիր իրավական ուժ ունի»:

Սաուդաբաևը հիշեցրեց, որ այժմ ԵԱՀԿ ՄԽ համանախագահների միջնորդությամբ աշխատանք է իրականացվում Ալմաթայում հուլիսի 16-17-ը նախատեսված ԵԱՀԿ ոչ պաշտոնական նախարարական հանդիպման շրջանակներում Ադրբեջանի և Հայաստանի ԱԳ նախարարների հանդիպման նախապատրաստման ուղղությամբ, հանդիպմանը կմասնակցի նաև ԵԱՀԿ գործող նախագահը, այն նվիրված կլինի ղարաբաղյան հակամարտության կարգավորմանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան:

ԵԱՀԿ գործող նախագահ, Ղազախստանի պետական քարտուղար-արտգործնախարար Կ. Բ. Սաուդաբաևի հետ մեծ զրույց» նախագիծն իրականացնում է «Ղազախստան-Մեդիա» լրատվական կենտրոնը` ԵԱՀԿ գործող նախագահի աշխատակազմի հետ փոխգործակցությամբ և «Նովոստի-Կազախստան» լրատվական գործակալության տեղեկատվական աջակցությամբ` նպատակ ունենալով ուղիղ երկխոսություն ապահովել ԵԱՀԿ գործող նախագահի և ԱՊՀ երկրների ԶԼՄ-ների միջև: Նախագիծը նվիրված է ԵԱՀԿ-ում Ղազախստանի նախագահության առաջին կեսի ավարտին:-0-

Loading...
Թեմատիկ նյութեր
Բաժնի այլ նյութեր
19:41
19 Սեպտեմբերի 2017
Կարո Փայլան. երազում եմ, որպեսզի թուրքերը, քրդերն ու հայերը ապրեն հաշտ ու խաղաղ (ՖՈՏՈ)
Թուրքիայում բնակվող հայազգի պատգամավոր, Ժողովրդադեմոկրատական կուսակցության ներկայացուցիչ Կարո Փայլանը երեքշաբթի հանդիպել է ԵՊՀ–ի ուսանողների հետ։
16:43
19 Սեպտեմբերի 2017
Հանրապետության հրապարակում տեղադրված պայթուցիկի մասին ահազանգը կեղծ էր
Հանրապետության հրապարակում տեղադրված պայթուցիկ սարքի մասին ահազանգը կեղծ էր։
16:27
19 Սեպտեմբերի 2017
Սփուռքահայերը Հայոց ցեղասպանության թանգարան–ինստիտուտին են նվիրաբերել նախկինում չհրապարակված փաստաթղթեր
Հայոց ցեղասպանության թանգարան–ինստիտուտ այցելության ժամանակ սփյուռքահայերը  թանգարանին են նվիրել նախկինում չհրապարակված փաստաթղթեր Վատիկանի գաղտնի արխիվներից։
14:15
19 Սեպտեմբերի 2017
Կարեն Կարապետյանը ցանկանում է պահպանել իր պաշտոնը
Հայաստանի վարչապետ Կարեն Կարապետյանը Հայաստան–Սփյուռք վեցերորդ համաժողովի ընթացքում հաստատել է զբաղեցրած պաշտոնում մնալու իր ցանկությունը։

13:35
19 Սեպտեմբերի 2017
Հայաստան–Սփյուռք համաժողովի մասնակիցներմ այցելեցին Ծիծեռնակաբերդ
Հայաստան–Սփյուռք վեցերորդ համաժողովի մասնակիցները երեքշաբթի` սեպտեմբերի 19–ին, այցելել են Հայոց ցեղասպանության Ծիծեռնակաբերդ հուշահամալիր։

11:01
19 Սեպտեմբերի 2017
Աշնանային շոգը վերադառնում է
Որոշ ժամանակով մի փոքր նահանջած շոգը վերադառնում է։
23:58
18 Սեպտեմբերի 2017
Սփյուռքի հետ կապերի համահայկական խորհրդի ստեղծումն են քննարկել Հայաստանի նախագահի մոտ
Համահայկական խորհրդի ստեղծումն է քննարկվել Հայաստանի նախագահ Սերժ Սարգսյանի մոտ տեղի ունեցած աշխատանքային խորհրդակցության ընթացքում:
15:29
18 Սեպտեմբերի 2017
Նախագահ. սփյուռքի ներդրումային ուժը պետք է ուղղել դեպի Հայաստան
Սփյուռքի ներդրումային ուժն անհրաժեշտ է ուղղել դեպի Հայաստան:
12:59
18 Սեպտեմբերի 2017
ՀՀ ՔԱԳՎ–ն ու «Լյուֆթանզա Տեխնիքս» ընկերությունը քննարկել են համագործակցության հարցերը
ՀՀ ՔԱԳՎ–ն «Լյուֆթանզա Տեխնիքս» ընկերության հետ քննարկել է երկկողմ համագործակցության հարցերը:
12:34
18 Սեպտեմբերի 2017
Համաժողովի օրակարգում ընդգրկված խնդիրներն ունեն ռազմավարական նշանակություն. Բակո Սահակյան
Արցախի նախագահ Բակո Սահակյանը Երևանում մասնակցում է «Փոխադարձ վստահություն, միասնականություն և պատասխանատվություն» խորագրով Հայաստան-Սփյուռք 6-րդ համաժողովին։
12:17
18 Սեպտեմբերի 2017
Հայաստանի նախագահն ուրվագծեց մինչև 2040թ. Հայաստանի բնակչությունը 4 մլն–ի հասցնելու ռազմավարությունը
Հայաստանի բնակչությունը մինչև 2040 թվականը պետք է ավելանա մինչև 4 մլն:
11:55
18 Սեպտեմբերի 2017
Գարո Փայլանը Գարեգին Բ Կաթողիկոսին ներկայացրեց Թուրքիայի հայ համայնքի խնդիրները (ՖՈՏՈ)
Երկուշաբթի Ամենայն Հայոց Գարեգին Բ Կաթողիկոսը ընդունեց Թուրքիայի խորհրդարանի պատգամավոր Գարո Փայլանին։