484.96
+0.3
573.47
-1.05
8.22
-0.04
+2
Եղանակը Երևանում
Հայ
ԱՄՆ-ն Ղրղզստանում ռազմական գործողություն չի ծրագրում և չի հավատում, որ ՌԴ-ն ցանկանում է փակել «Մանաս» բազան. Պետդեպարտամենտ
10:49
17 Հունիսի 2010

ԱՄՆ-ն Ղրղզստանում ռազմական գործողություն չի ծրագրում, ինչպես նաև ոչինչ չգիտի Մոսկվայի՝ «Մանաս» տարանցիկ կենտրոնը փակելու ցանկության կամ փորձերի վերաբերյալ, հայտարարել է ԱՄՆ պետքարտուղարի՝ Եվրոպայի և Եվրասիայի հարցերով օգնական Ֆիլիպ Գորդոնը:

Ղրղզստանի հարավային մայրաքաղաք Օշում և մարզկենտրոն Ջալալ-Աբադում արդեն մի քանի օր միջէթնիկական բախումներ են տեղի ունենում ղրղզների և ուզբեկների միջև: Մի քանի շրջաններում արտակարգ դրություն է հայտարարվել: Հակամարտության գոտիները լքել են մինչև 200 հազար փախստականներ: Պաշտոնական վերջին տվյալներով, հարավում տեղի ունեցած իրադարձությունների արդյունքում զոհվել է 179 մարդ: Ղրղզստանի իշխանությունները ՌԴ-ին են դիմել խաղաղապահների միջամտության խնդրանքով: ՀԱՊԿ-ն հանրապետությանը ռազմական և օդային տեխնիկա, ինչպես նաև հատուկ միջոցներ տրամադրելու որոշում է ընդունել:

Մի շարք ԶԼՄ-ներ հայտարարեցին, որ ԱՄՆ-ն, հնարավոր է, Ղրղզստանում ռուս զինծառայողների հետ մասնակցի խաղաղարար գործողություններին:

«Չեմ կարծում, որ կարող է համատեղ գործողություն սկսվել Ղրղզստանում: Իհարկե ՌԴ-ն և ԱՄՆ-ն հանրապետությունում փոխադարձ շահ ունեն», - ասել է Գորդոնը՝ չորեքշաբթի ելույթ ունենալով German Marshall Fund-ի վաշինգտոնյան ներկայացուցչությունում՝ ներկայացնելով  ռուս-ամերիկյան հարաբերությունների վիճակի մասին զեկույցը: Գորդոնի ելույթը եղել է ՌԴ նախագահ Դմիտրի Մեդվեդևի՝ ԱՄՆ նախատեսված այցից մի քանի օր առաջ, հաղորդում է ՌԻԱ Նովոստին:

Պատասխանելով ամերիկացի փորձագետներից մեկի խնդրանքին, որ մեկնաբանի Ռուսաստանի ցանկությունն ու ճնշումը, ինչը նա իբր գործադրում է Ղրղզստանի կառավարության վրա «Մանաս» միջազգային տարանցիկ կենտրոնը փակելու նպատակով՝ Գորդոնն ասել է. «Մենք որևէ ահազանգ չենք ստացել այն մասին, որ Ռուսաստանը ցանկանում կամ փորձում է փակել այդ բազան»:

Նախօրեին պետքարտուղարի օգնական Ֆիլիպ Քրոուլին հայտարարել է, որ ԱՄՆ-ն խորհրդակցություններ է անցկացնում Ռուսաստանի հետ Ղրղզստանի իրավիճակի շուրջ և պատրաստ է հանրապետությանը մարդասիրական օգնություն ցուցաբերել: Նրա խոսքերով՝ ԱՄՆ-ն ծրագրում է մասնակցել Ղրղզստանի իրավիճակի կարգավորմանը միայն միջազգային կազմակերպությունների շրջանակներում և խորհուրդ է տալիս ժամանակավոր կառավարությանն ավելի սերտ համագործակցել ՄԱԿ-ի և ԵԱՀԿ-ի հետ:

Քրոուլին նշել է, որ ԱՄՆ-ն շուրջ մեկ միլիոն դոլար օգնություն է հատկացրել Ղրղզստանին դեղորայքի, բուժսարքավորումների և հագուստի տեսքով: Խոսելով «Մանաս» տարանցիկ կենտրոնի մասին, որը Աֆղանստանում ռազմական գործողություններ է ապահովում, Քրոուլին նշել է, որ բազան աշխատում է սովորական ռեժիմով:

Նախորդ շաբաթ ռուս-ամերիկյան հարաբերությունների վերաբերյալ ելույթի ժամանակ ԱՄՆ Ազգային անվտանգության խորհրդի Ռուսաստանի և Եվրասիայի տարածքի հարցերով տնօրեն Մայքլ Մաքֆոլը հայտարարել է, որ ԱՄՆ-ն ՌԴ-ին հետխորհրդային տարածքում, մասնավորապես, Ղրղզստանում լիիրավ գործընկերոջ կարգավիճակում է տեսնում:

«Ես մի քանի շաբաթ առաջ Ղրղզստանում էի և համոզվեցի, որ «Մանաս» տարանցիկ կենտրոնն աշխատում է և կարևոր աջակցություն է ցուցաբերում Աֆղանստանում գործող մեր առաքելությանը», - ասել է Մաքֆոլը:

Նրա խոսքերով՝ ԱՄՆ-ի վարչակազմը շահագրգռված է կենտրոնի աշխատանքի շարունակությամբ, պատրաստ է այս հարցում համագործակցել Ղրղզստանի և Ռուսաստանի հետ և կոչ է անում կողմերին որքան հնարավոր է շուտ լուծել տարանցիկ կենտրոնի աշխատանքի վերսկսմանը խոչընդոտող բոլոր հարցերը:

«Մենք Ղրղզստանի անցումային կառավարության հետ գտնվում ենք բավականին հետաքրքիր և միաժամանակ բարդ բանակցությունների փուլում: Ռուսաստանը ևս հաստատել է համագործակցելուն հետամուտ լինելը: Մենք համոզված ենք, որ դա («Մանաս» տարանցիկ կենտրոնի գործարկումը) ելնում է և ԱՄՆ-ի, և Ռուսաստանի, և Ղրղզստանի շահերից: Մենք զգուշավոր լավատեսությամբ ենք նայում տարածաշրջանում Ռուսաստանի և Ղրղզստանի նոր կառավարության հետագա համագործակցությանը: Դա բոլորին օգտակար կլինի: Կարծում եմ, որ Ղրղզստանը աշխարհի միակ վայրն է, որտեղ գործում են և ռուսական ռազմաբազան, և ամերիկյան տարանցիկ կենտրոնը», - հայտարարել է Մաքֆոլը:

Տարածաշրջանում տիրող իրավիճակի հետ ծանոթանալու նպատակով ԱՄՆ պետքարտուղարի տեղակալ Ռոբերտ Բլեյքը ուրբաթ և շաբաթ կայցելի Բիշքեկ, որտեղ կհանդիպի երկրի ղեկավարությանը: Երեքշաբթի Բլեյքը, ով գտնվում էր Թուրքմենստանում, երկրի ժամանակավոր նախագահ Ռոզա Օթունբաևայի հետ հեռախոսով քննարկել է Ղրղզստանի հարավում տիրող իրավիճակը:

Չորեքշաբթի Բլեյքը Տաշքենդում էր, հինգշաբթի, ինչպես ակնկալվում է, կայցելի Ֆերգանայի հովիտ և կծանոթանա ուզբեկաղրղզական սահմանում տիրող իրավիճակին:-0-

Loading...
Թեմատիկ նյութեր
Բաժնի այլ նյութեր
14:39
07 Դեկտեմբերի 2017
Հայաստանի բնակիչները նշել են, թե որքա՞ն գումար է հարկավոր լավ կյանքի համար (ԻՆՖՈԳՐԱՖԻԿԱ)
Հարցման մասնակիցները պատասխանել են այն հարցին, թե ամսական մեկ շնչի հաշվով որքա՞ն գումար է անհրաժեշտ լավ և շատ լավ ապրելու կամ գոյատևելու համար։
13:40
07 Դեկտեմբերի 2017
Երևանի բնակարաններից մեկում հայտնաբերվել է ԱՄՆ–ի 63–ամյա քաղաքացու դի
Դավթաշենի բնակարաններից մեկում ԱՄՆ–ի 63–ամյա քաղաքացու դի է հայտնաբերվել։
12:43
07 Դեկտեմբերի 2017
Ucom–ի բաժանորդները մասամբ մնացել են առանց կապ տեխնիկական խնդիրների պատճառով
Ucom հեռահաղորդակցական ընկերության ցանցում առկա են տեխնիկական խնդիրներ։
12:29
07 Դեկտեմբերի 2017
Հայաստանում կան դժվարանցանելի ճանապարհներ. Լարսն էլ փակ է բեռնատարների համար
Դեկտեմբերի 7-ին՝ կեսօրից հետո, ցիկլոնը կկորցնի իր ուժը, տեղումներն աստիճանաբար կդադարեն:
11:03
07 Դեկտեմբերի 2017
Ողբերգությունից 29 տարի անց. Հայաստանը սգում է Սպիտակի երկրաշարժի զոհերի հիշատակը
Սպիտակն ավերվեց 30 վայրկյանում։ Երկրաշարժն ընդհանուր առմամբ ընդգրկեց երկրի տարածքի շուրջ 40 տոկոսը։
10:32
07 Դեկտեմբերի 2017
Սամվել Կարապետյանն ու Սամվել Ալեքսանյանը նախատեսում են Երևանում բիզնես նախագիծ իրականացնել
Սամվել Կարապետյանն ու Սամվել Ալեքսանյանը որոշել են բիզնես նախագիծ իրականացնել Երևանում։
08:00
07 Դեկտեմբերի 2017
Չորեքշաբթի` դեկտեմբերի 6–ի առավել ուշագրավ նորությունները
«Նովոստի–Արմենիա» գործակալությունը ներկայացնում է չորեքշաբթի` դեկտեմբերի 6–ի առավել ուշագրավ նորությունների սեփական տարբերակը։
16:59
06 Դեկտեմբերի 2017
Այսօր գիշերը Երևանում սպանված 38–ամյա տղամարդու ուղղությամբ արձակվել են բազմաթիվ կրակոցներ. ՄԱՆՐԱՄԱՍՆԵՐ
Հարուցվել է քրեական գործ 38-ամյա Արշակ Գալստյանի սպանության դեպքի առթիվ։
14:36
06 Դեկտեմբերի 2017
Հայաստանում կօրինականացվեն դայակները. պատգամավորները «կանաչ լույս» վառեցին երիտասարդ մայրերին օժանդակող օրենքին
Պետությունը պատրաստ է վճարել դայակի աշխատավարձի 50%–ը, սակայն այդ գումարը չպետք է գերազանցի նվազագույն աշխատավարձը:
12:35
06 Դեկտեմբերի 2017
ԱԺ–ն հավանություն տվեց ռուսական պաշտպանական վարկի ներգրավմանը
ՀՀ ԱԺ պատգամավորները միաձայն վավերացրեցին Հայաստանին ռուսական 100 մլն դոլարի չափով պաշտպանական վարկի տրամադրման համաձայնագիրը։
12:17
06 Դեկտեմբերի 2017
Երևանի խանութներում ադրբեջանական կոնֆետներ են վաճառվում
Երևանի խանութներից մեկում ադրբեջանական կոնֆետներ են վաճառվում:
11:40
06 Դեկտեմբերի 2017
Նախօրեին Երևանում վրաերթի ենթարկված 9 տարեկան տղան ծայրահեղ ծանր վիճակում է
Նախօրեին Երևանի Արամ Խաչատրյան փողոցում վրաերթի ենթարկված 9 տարեկան տղան ծայրահեղ ծանր վիճակում է։