481.77
-0.24
540.26
-0.7
8.5
-0.06
+14
Եղանակը Երևանում
Հայ
ՌԴ ՆԳ նախարարն ու ՀՀ ոստիկանապետը Գելենջիկում կքննարկեն հանցագործների հետախուզմանն ու թմրամոլությանը վերաբերող հարցեր
10:47
23 Հուլիսի 2009

ԵՐԵՎԱՆ, 23ն հուլիսի. /Նովոստի-Արմենիա/. Միջտարածաշրջանային հանցավորությանը դիմակայելու հարցերը կքննարկեն ՌԴ ՆԳ նախարար, ՌԴ բանակի գեներալ Ռաշիդ Նուրգալիևն ու ՀՀ ոստիկանապետ, գեներալ-մայոր Ալիկ Սարգսյանը երկու երկրների ՆԳՆ միավորված կոլեգիայի նիստի ընթացքում, որը տեղի կունենա հինգշաբթի Գելենջիկում, հաղորդում է «ՌԻԱ Նովոստիի» թղթակիցը:

Կոլեգիայի նիստին քննարկվող հիմնական հարցերից մեկը փախուստի դիմած հանցագործների հետախուզումն ու ձերբակալումն է, «ՌԻԱ Նովոստիին» է տեղեկացրել Ռուսաստանի պատվիրակության ներկայացուցիչը:

«Կոլեգիայի ընթացքում կքննարկվի, մասնավորապես, ամեն տարի անցկացվող «Հետախուզում» լայնամասշտաբ, համալիր, օպերատիվ-կանխարգելիչ օպերացիայի իրագործումը», - ասել է գործակալության զրուցակիցը:

Բացի այդ, կոլեգիայի ընթացքում ծրագրվում է քննարկել թմրամիջոցների անօրինական շրջանառության դեմ պայքարի ուղղությամբ երկու գերատեսչությունների փոխգործակցությանն առնչվող հարցերը, նշել է նա:

«Ինչպես Ռուսաստանի, այնպես էլ Հայաստանի տարածքում անօրինական թմրաբիզնեսի հետ կապված իրավիճակը շարունակում է բացասաբար ազդել երկու պետության քրեական ընդհանուր իրավիճակի վրա», - ասել է ՆԳՆ ներկայացուցիչը:

Ծրագրվում է, որ կոլեգիայի նիստի ընթացքում կքննարկվեն նաև տնտեսական և հարկային հանցագործությունների, անօրինական ֆինանսական գործողությունների և տնտեսական ուղղվածություն ունեցող այլ իրավախախտումների դեմ պայքարի խնդիրները:

ՆՈՒՐԳԱԼԻԵՎԸ ՀՅՈՒՍԻՍԱՅԻՆ ԿՈՎԿԱՍՈՒՄ. ԱՅՑԵԼՈՒԹՅՈՒՆ ՑԽԻՆՎԱԼԻ ԵՎ ԲԵՍԼԱՆ

ՌԴ ՆԳ նախարարն այժմ աշխատանքային այցով գտնվում է Հյուսիսային Կովկասում: Երեքշաբթի Նուրգալիևն այցելել է Հարավային Օսեթիա, որտեղ ծանոթացել է հանրապետական ՆԳՆ-ի օբյեկտների վերականգնողական աշխատանքների և կառուցման ընթացքի հետ: Հարավային Օսեթիայի ՆԳՆ-ի և Ոստիկանության հատուկ նշանակության ջոկատի շենքը վերականգնում են և կառուցում են ռուսական փողերով՝ ՌԴ ՆԳՆ-ի ակտիվ մասնակցությամբ: Նախարարը բացեց Հարավային Օսեթիայի Ձացսկու շրջանի Ներքին գործերի վարչության նոր շենքն ու այցելեց Ցխինվալիում գտնվող հանրապետության ՆԳՆ շենքի շինհրապարակ:


Հարավային Օսեթիայից ՌԴ ՆԳ նախարարն ուղևորվեց Հյուսիսային Օսեթիա: ՌԴ Գլխավոր դատախազությանն առընթեր Քննչական կոմիտեի ղեկավար Ալեքսանդր Բաստրիկինի, ՌԴ գլխավոր դատախազ Յուրի Չայկայի և ՌԴ ԱԻՆ ղեկավար Սերգեյ Շոյգուի հետ նախարարն այցելեց Բեսլանում գտնվող հուշահամալիր, որտեղ ամփոփված են 2004թ.-ի սեպտեմբերի 1-ին դպրոցներից մեկում տեղի ունեցած ահաբեկչության զոհերի մարմինները: Այդ ժամանակ ավելի քան 330 մարդ էր զոհվել, այդ թվում նաև՝ 172 երեխա, ինչպես նաև ՌԴ Անվտանգության դաշնային ծառայության Հատուկ նշանակության կենտրոնի տասը աշխատակից և ոստիկանության 15 աշխատակից: Ռուսական ուժային գերատեսչությունների ղեկավարների պատվիրակությունը ծաղիկներ դրեց ահաբեկչության զոհերի հուշահամալիրին:

НУРГАЛИЕВ О ВЗАИМОДЕЙСТВИИ МВД С ГИБДД И МЧС

ՆՈՒՐԳԱԼԻԵՎԸ ՃԱՆԱՊԱՐՀԱՅԻՆ ԵՐԹԵՎԵԿՈՒԹՅԱՆ ԱՆՎՏԱՆԳՈՒԹՅԱՆ ՊԵՏԱԿԱՆ ՏԵՍՉՈՒԹՅԱՆ ԵՎ ԱԻՆ-Ի ՀԵՏ ՆԳՆ-Ի ՓՈԽԳՈՐԾԱԿՑՈՒԹՅԱՆ ՄԱՍԻՆ

Չորեքշաբթի Նուրգալիևը մասնակցել է Կրասնոդարի երկրամասի Ներքին գործերի գլխավոր վարչության Ճանապարհային երթևեկության անվտանգության պետական տեսչության վարչության Ճանապարհային երթևեկության դիտարկման և օպերատիվ վերահսկման կենտրոնի բացմանը: Այդ միջոցառման ընթացքում նա առաջարկել է բնակչությանը ճանապարհների իրավիճակի մասին ավելի օպերատիվ իրազեկման նպատակով օգտագործել տեղեկատվական էկրաններ: Նրա կարծիքով, նման տեղեկատվական էկրանների օգտագործումը թույլ կտա իրական ժամանակի ռեժիմում տեղեկացնել քաղաքացիներին ճանապարհների իրավիճակի մասին և ժամանակին ընտրել երթևեկության շրջանցիկ ճանապարհները:

ՌԴ ՆԳ նախարարը նշել է, որ Ճանապարհային երթևեկության անվտանգության պետական տեսչության ստորաբաժանումները պետք է ավելի հստակ փոխգործակցեն ՌԴ ԱԻՆ-ի ծառայությունների, Բժշկության, աղետների և բուժծառայությունների կենտրոնի հետ:

«Երկրի ճանապարհների վրա տեղի ունեցած աղետներին ավելի օպերատիվ արձագանքելու հարցում ներքին գործերի մարմինների և ԱԻՆ-ի աշխատակիցների ավելի հարթ և հստակ փոխգործակցությունը թույլ կտա օպերատիվ կարգով վերացնել ճանապարհատրանսպորտային վթարների հետևանքները, ինչպես նաև փրկել բազմաթիվ կյանքեր», - համոզված է Նուրգալիևը:

ՀԱՅԱՍՏԱՆԻ ՆԳՆ-Ն ՀԵՏԱՔՐՔՐՎՈՒՄ Է ՌՈՒՍ ԳՈՐԾԸՆԿԵՐՆԵՐԻ ՓՈՐՁՈՎ

Մեծ թվով պատվիրակության կազմում չորեքշաբթի Հայաստանից ժամանած ՀՀ ոստիկանապետ Ալիկ Սարգսյանը հետաքրքրվել է Կրասնոդարի երկրամասի Ներքին գործերի գլխավոր վարչության Ճանապարհային երթևեկության անվտանգության պետական տեսչության վարչության Ճանապարհային երթևեկության դիտարկման և օպերատիվ վերահսկման կենտրոնի ստեղծմանը վերաբերող ռուս գործընկերների փորձով, որը Ռուսաստանի ՆԳՆ-ի կողմից ներդրվող «Անվտանգ քաղաք» ապարատածրագրային համալիրի տարրերից մեկն է:

ՀՀ ոստիկանապետին, մասնավորապես, հետաքրքրել է ճանապարհների երթևեկության հոսքի վերահսկման համակարգը: Նրա կարծիքով, այդ համակարգը ճանապարհային երթևեկության անվտանգության ամրապնդման լավ հեռանկարներ ունի: Սարգսյանը չի բացառել, որ ռուս գործընկերների փորձը մոտ ժամանակներում ներդրվի նաև Հայաստանում:-0-

Loading...
Թեմատիկ նյութեր
Բաժնի այլ նյութեր
17:17
26 Մայիսի 2017
«Ռոստելեկոմի» ՏՏ անվտանգության գծով մասնագետը հաղթել է Positive Hack Days 2017 համաժողովի մրցույթներից մեկում
«Ռոստելեկոմի» ՏՏ անվտանգության գծով մասնագետ Արմեն Գնունին հաղթող է ճանաչվել Positive Hack Days 2017 ամենամյա համաժողովի ընթացքում կազմակերպվող մրցույթում:
17:03
26 Մայիսի 2017
Հրապարակվել է Բավրայի մաքսատան պետի ձերբակալման տեսանյութը
Նախօրեին ձերբակալվել են մաքսային բրոքերական ծառայություններ իրականացնող ՍՊԸ-ի տնօրենը և ՀՀ ԿԱ ՊԵԿ «Բավրա» մաքսակետի պետը:
15:27
26 Մայիսի 2017
Երևանում ոստիկանը խոշտանգել է քաղաքացուն
Քրեական գործ է հարուցվել ՀՀ ոստիկանության աշխատակցի կողմից խոշտանգում կատարելու դեպքի առթիվ:
12:50
26 Մայիսի 2017
Հայաստանի խորհրդարանի աշխատակազմին մեծածավալ կրճատումներ են սպառնում
ՀՀ ԱԺ աշխատակազմը նախատեսվում է կրճատել 30-40 տոկոսով:
11:14
26 Մայիսի 2017
Ձերբակալվել են «Բավրա» մաքսակետի պետը և բրոքերական ընկերության տնօրենը
Նախօրեին ձերբակալվել են մաքսային միջնորդական (բրոքերական) ծառայություններ իրականացնող ՍՊԸ-ի տնօրենը և ՀՀ ԿԱ ՊԵԿ «Բավրա» մաքսակետի պետը:
10:45
26 Մայիսի 2017
Ամառն ամրապնդում է դիրքերը Հայաստանում
Օդերևութաբանները կանխատեսում են Հայաստանում օդի ջերմաստիճանի բարձրացում 3-4 աստիճանով։
22:14
25 Մայիսի 2017
Շարմազանովը ներկայացրեց ՀՀ կառավարության ապագա կազմը
ՀՀ նոր կառավարության կազմը հինգշաբթի քննարկվել է ՀՀԿ ԳՄ նիստի ժամանակ:
21:51
25 Մայիսի 2017
Հայաստանի նախագահը մի շարք նշանակումներ է կատարել
Հայաստանի նախագահ Սերժ Սարգսյանը հինգշաբթի նախարարների նշանակումների վերաբերյալ մի շարք հրամանագրեր է ստորագրել։
21:23
25 Մայիսի 2017
Հայաստանի նախագահը նոր փոխվարչապետ է նշանակել
Հայաստանի նախագահը նոր փոխվարչապետի նշանակման վերաբերյալ հրամանագիր է ստորագրել։
21:16
25 Մայիսի 2017
Հայաստանի նախագահը Ռազմական ոստիկանության նոր պետ է նշանակել
Հայաստանի նախագահ Սերժ Սարգսյանը հինգշաբթի հրամանագիր է ստորագրել գեներալ մայոր Սամվել Ղուկասյանին Ռազմական ոստիկանության պետի պաշտոնից ազատելու մասին:
20:29
25 Մայիսի 2017
Կարեն Կարապետյանն «անցել է» շենքերի կտուրներին
Հայաստանի վարչապետ Կարեն Կարապետյանը հինգշաբթի կառավարության նիստում խոսել է երկրի շենքերի կտուրների մասին։
19:00
25 Մայիսի 2017
Միայնակ տարեցները Երևանում անվճար դեղորայք կստանան
Հայաստանի կառավարությունը  հավանություն է տվել տնային պայմաններում սպասարկում ստացող անձանց անվճար դեղորայքի տրամադրման որոշման լրացումներին։