480.22
-0.22
536.12
+0.67
8.04
-0.02
+16
Եղանակը Երևանում
Հայ
Մեդվեդևը, ԱՊՀ առաջնորդները, Հարավային Օսեթիայի և Աբխազիայի ղեկավարները կայցելեն ՌԴ նախագահի մրցանակի ձիարշավին
11:50
18 Հուլիսի 2009

ՌԴ նախագահ Դմիտրի Մեդվեդևը, ԱՊՀ մի շարք առաջնորդները, ինչպես նաև Հարավային Օսեթիայի և Աբխազիայի ղեկավարները կդառնան ՌԴ նախագահի մրցանակի ձիարշավի պատվավոր հյուրերը, որը կանցկացվի շաբաթ օրը Մոսկվայի Կենտրոնական ձիարշավարանում, հաղորդում է «ՌԻԱ Նովոստին»:

ՌԴ նախագահի մրցանակի խաղարկությանը, որը 2004թ.-ին հիմնադրվել է ՌԴ գյուղատնտեսության նախարարության նախաձեռնությամբ և ՌԴ կառավարության աջակցությամբ, կմասնակցի չորս տարեկան հեծյալ և զտարյուն բարձր ցեղատեսակի 12 ձի: Բացի Ռուսաստանից ձիարշավին մասնակցելու հայտ են ներկայացրել Ղազախստանը, Ադրբեջանը, Հայաստանն ու Մոլդովան:

Ավանդական ձիարշավին հրավիրվել են ԱՊՀ մասնակից-երկրների բոլոր ղեկավարները: «Մենք անձնապես հրավիրել ենք բոլոր նախագահներին, ինչպես ավանդաբար է արվում, բոլոր նախագահներին հրավերք ենք ուղարկել, բացի Վրաստանից», - ավելի վաղ տեղեկացրել էր ՌԴ նախագահի օգնական Սերգեյ Պրիխոդկոն:

Միջոցառմանը կմասնակցեն Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը, ովքեր ուրբաթ Մոսկվայում Լեռնային Ղարաբաղին նվիրված երկկողմ հանդիպում են ունեցել: Մոսկվա կժամանեն Ղազախստանի և Տաջիկստանի նախագահներ Նուրսուլթան Նազարբաևն ու Էմոմալի Ռահմոնը, ովքեր ևս, ինչպես ակնկալվում է, հանդիպում կունենան Մեդվեդևի հետ: Մոսկվայում մի շարք հարցեր է մտադիր քննարկել նաև Մոլդովայի նախագահ Վլադիմիր Վորոնինը:

Ուզբեկստանի նախագահ Իսլամ Քարիմովը շնորհակալություն է հայտնել Մոսկվային՝ հրավերքի համար, սակայն նրա ժամանակացույցը թույլ չի տալիս ներկա գտնվել ձիարշավին:

Ունեցած տեղեկատվության համաձայն՝ Բելառուսի նախագահ Ալեքսանդր Լուկաշենկոն չի պատրաստվում Մոսկվա այցելել: Հանդիսատեսը նաև չի տեսնի Ուկրաինայի նախագահ Վիկտոր Յուշչենկոյին: Սակայն Մոսկվայում որոշ առաջնորդների բացակայությունը ողբերգություն չեն սարքում:

Միջոցառմանը սպասվում է նաև Հարավային Օսեթիայի և Աբխազիայի նախագահներ Էդուարդ Կոկոյտի և Սերգեյ Բագապշի մասնակցությունը:

Ձիարշավի կազմակերպիչն է ՌԴ գյուղատնտեսության նախարարությունը: Ինչպես տեղեկացրել են գերատեսչության մամուլի ծառայությունից, այս տարի առաջին անգամ ձիարշավն ինտեգրվել է զտարյուն հեծյալ ձիերին փորձության ենթարկելու միջազգային համակարգի մեջ: Վազքի հեռավորությունը 2 հազար մետրից հասցվել է 2,4 հազար մետրի: Ընդհանուր մրցանակային ֆոնդը կազմում է 7 միլիոն ռուբլի:

Շաբաթ օրը ՌԴ նախագահի մրցանակից բացի Մոսկվայի կենտրոնական ձիարշավարանում կխաղարկվի ևս հինգ մրցանակ՝ Մեծ ինտերնացիոնալ մրցանակը, «Կրիտերիում» մրցանակը, ԱՊՀ Գավաթը, Ձիաբուծության ազգային միության մրցանակն ու «Ռաուտա» մրցանակը:

Մեծ Ինտերնացիոնալ մրցանակը 1,6 հազար մետր հեռավորությամբ ձիարշավ է երեք տարեկան և բարձր զտարյուն արաբական ցեղի հովատակների, կրտած ձիերի և զամբիկների համար: «Կրիտերիումը» հազար մետր հեռավորությամբ ձիարշավ է երկու և ավելի տարեկան բարձր ցեղատեսակի հովատակների, կրտած ձիերի և զամբիկների համար: «ԱՊՀ Գավաթ» մրցանակը 2 հազար մետր հեռավորությամբ ձիարշավ է երեք տարեկան հավատակների, կրտած ձիերի և զամբիկների համար: Ձիաբուծության ազգային միության մրցանակը 2 հազար մետր հեռավորությամբ ձիարշավ է երեք և ավելի տարեկան հովատակների, կրտած ձիերի և զամբիկների համար: «Ռաուտա» մրցանակը 1,4 հազար մետր հեռավորությամբ ձիարշավ է երկու տարեկան հովատակների, կրտած ձիերի և զամբիկների համար:

Առաջին անգամ Նախագահի մրցանակի ձիարշավը տեղի է ունեցել 2004թ.-ի հունիսի 3-ին Մոսկվայի կենտրոնական ձիարշավարանում: Հաղթող է դարձել չորսամյա շիկակարմիր Ակբաշ ձին, որը ծնվել է Կրասնոդարի երկրամասի ձիաբուծարանում:

2005թ.-ին ձիարշավն անցկացվել էր Կազանում: Հաղթել էր չորս տարեկան հովատակ Լամբորնը, որը պատկանում է Թաթարստանի ձիաբուծարանին:

2006 թ.-ին Մոսկվայի կենտրոնական ձիարշավարանում միաժամանակ եզրագծին էին հասել պոդմոսկովյան հովատակ Սաթելիտն ու ադրբեջանական Էշկիյան:

2007 թ.-ին Ռոստովում կազմակերպված ձիարշավում հաղթել էր հովատակ Տվերցը ձին (Տվերի մարզ): 2008թ.-ին Պյատիգորսկի ձիարշավարանում հաղթել էր երեք տարեկան Պալանդեր ձին (Վոլգոգրադի շրջան):-0-

Loading...
Թեմատիկ նյութեր
Բաժնի այլ նյութեր
08:00
23 Հունիսի 2017
Հինգշաբթի` հունիսի 22–ի առավել ուշագրավ նորությունները
«Նովոստի–Արմենիա» գործակալությունը ներկայացնում է հինգշաբթի` հունիսի 22–ի առավել ուշագրավ նորությունների սեփական տարբերակը։
21:10
22 Հունիսի 2017
Ադրբեջանում գերեվարվածը քաղաքացիական անձ է և զինված ուժերի հետ կապ չունի. ՀՀ ԱԳՆ
Հայաստանի արտաքին գործերի նախարարության մամուլի խոսնակ Տիգրան Բալայանն «Ազատություն» ռադիոկայանի հայկական ծառայությանը պարզաբանում է տվել։
20:22
22 Հունիսի 2017
Հայաստանի բնակիչները երկարակեցության ռեկորդակիր են լինելու ԱՊՀ–ում
ՄԱԿ–ի զեկույցի համաձայն, մինչև 2100 թվականը հայերն ԱՊՀ մյուս երկրների բնակիչներից ավելի երկար են ապրելու։
16:42
22 Հունիսի 2017
Ճարտարագիտական համաժողով–ցուցահանդես կանցկացվի Հայաստանում
Ճարտարագիտական առաջին մասնագիտացված համաժողով–ցուցահանդեսը կանցկացվի հունիսի 24–ին Հայաստանում:
16:13
22 Հունիսի 2017
Անհետ կորած 14-ամյա աղջիկն առաջին անգամը չէ, որ փախչում է տանից
Նախօրեին Ոստիկանության Շենգավիթի բաժինը հայտարարություն էր տարածել, որ 14–ամյա աղջիկը որոնվում է որպես անհետ կորած։
15:25
22 Հունիսի 2017
Ադրբեջանում գերեվարված «ՀՀ քաղաքացու» տվյալները համընկնում են Վանաձորում հաշվառված անձի տվյալների հետ. ՄԱՆՐԱՄԱՍՆԵՐ
Ադրբեջանական զանգվածային լրատվության միջոցներով տեղեկություն էր տարածվել հայազգի Զավեն Կարապետյան անուն-ազգանունով անձի գերեվարվելու մասին։
15:00
22 Հունիսի 2017
Վարժանք` Երևանի մետրոպոլիտենում. հնարավոր է փրկարարական ուժերի կուտակում
Երևանի մետրոպոլիտենում վարժանքի փորձ է իրականացվելու:
14:30
22 Հունիսի 2017
ՃՈ–ն նորամուծություն է գործարկել հայ վարորդների համար
Խախտումների մասին SMS ստանալու համար կարելի է գրանցվել police.am կայքում։
11:45
22 Հունիսի 2017
ԱԺ–ն ընդունեց կառավարության 2017–2022 թթ.–ի ծրագիրը
Քիչ առաջ ՀՀ ԱԺ–ն ընդունեց կառավարության 2017–2022 թթ.–ի ծրագիրը։
11:24
22 Հունիսի 2017
Հայաստանում տաքսու վարորդների կուսակցություն է ստեղծվել
Հայաստանում տաքսու վարորդների կուսակցություն է ստեղծվել` ոլորտում բիզնես–ցեղասպանության դեմ պայքարելու համար։
08:00
22 Հունիսի 2017
Չորեքշաբթի` հունիսի 21–ի առավել ուշագրավ նորությունները
«Նովոստի–Արմենիա» գործակալությունը ներկայացնում է չորեքշաբթի` հունիսի 21–ի առավել ուշագրավ նորությունների սեփական տարբերակը։
18:57
21 Հունիսի 2017
Նշանակվել են Երևանի վարչական շրջանների ղեկավարները (ՑԱՆԿ)
Քաղաքապետ Տարոն Մարգարյանը նշանակել է մայրաքաղաքի վարչական շրջանների ղեկավարներին։