484.04
+0.53
521.46
-0.05
8.41
+0.05
+2
Եղանակը Երևանում
Հայ
Ռուսաստանն իր գխավոր տոնն է նշում
11:51
12 Հունիսի 2009

Ռուսաստանն ուրբաթ նշում է իր կարևոր պետական տոներից մեկը՝ Ռուսաստանի օրը։ Հունիսի 12-ին տեղի է ունեցել միանգամից երկու նշանակալի իրադարձություն Ռուսաստանի նորագույն պատմության մեջ, հաղորդում է «ՌԻԱ Նովոստին»։

Այդ օրը 1990թ.-ին դեռևս ԽՍՀՄ-ի ժամանակ Ռուսաստանի խորհրդային դաշնային սոցիալիստական հանրապետության (ՌԽԴՍՀ) ժողովրդական պատգամավորների առաջին համագումարը ընդունեց Ռուսաստանի պետական ինքնիշխանության մասին հռչակագիրը, որի հիմնական գաղափարը կայանում էր նրանում, որ պետական և հասարակական կյանքին վերաբերող հարցեր լուծելիս՝ ՌԽԴՍՀ-ն կարող է կիրառել ողջ իշխանությունը։ Հռչակվեց Ռուսաստանի Սահմանադրության և նրա օրենքների գերակայությունը։

Հռչակագրում նաև հաստատվում էին հավասար իրավական հնարավորություններ բոլոր քաղաքացիների, քաղաքական կուսակցությունների և հասարակական կազմակերպությունների համար, օրենսդիր, գործադիր և դատական իշխանությունների բաշխման սկզբունքը, ինքնավար հանրապետությունների, ՌԽԴՍՀ-ի շրջանների, օկրուգների  իրավունքների զգալի ընդլայնման անհրաժեշտությունը։

Մեկ տարի անց, 1991թ.-ի հունիսի 12-ին, տեղի ունեցան Ռուսաստանի պատմության մեջ առաջին համազգային բաց նախագահական ընտրությունները, որոնց արդյունքում հաղթանակ տարավ Բորիս Ելցինը, ով հավաքել էր ընտրողների ձայների ավելի քան 57 տոկոսը։

ՌՈՒՍԱՍՏԱՆՆ ԻՆՔՆԻՇԽԱՆ ԴԱՐՁԱՎ, ԵՎ ԴԱ ԲԱՐՕՐՈՒԹՅԱՆ ՀԱՆԳԵՑՐԵՑ

Շատ ռուսաստանցիներ կարծում են, որ Ռուսաստանին հաջողվեց հասնել ինքնիշխանության ԽՍՀՄ-ի փլուզումից հետո։ Հասարակական կարծիքի ուսումնասիրման համառուսական կենտրոնի (ՀԿՈՒՀԿ) կողմից նախաձեռնած համառուսական հարցման համաձայն, որն անցկացվել է հունիսի 6-7-ը և որի ընթացքում հարցվել է 1600 մարդ 140 բնակավայրից, հարցվածների հարաբերական մեծամասնությունը (45 տոկոս) վստահ է, որ Ռուսաստանը դարձել է ամբողջովին անկախ պետություն։

Այն մարդկանց թիվը, ովքեր կարծում են, որ երկրին այդպես էլ չի հաջողվել դառնալ ինքնիշխան պետություն կամ այն կորցրել է ինքնիշխանությունը, որն ուներ ԽՍՀՄ-ի օրոք, 2005թ.-ի համեմատ մեկ երրորդով նվազել է՝ 18 և 20 տոկոս՝ համապատասխանաբար մեկ տարի առաջվա 31 և 33 տոկոսի դիմաց։

Մի քանի տարվա ընթացքում ռուսաստանցիների վստահությունը, որ Ռուսաստանում ինքնիշխանությունը բարօրության է հանգեցրել, աճել է՝ 2002 թ.-ի 36 տոկոսից այս տարի հասնելով 56 տոկոսի։

Ավելի պակասում են այն ռուսաստանցիների թիվը, ովքեր կարծում են, որ անկախության ընդունումը բացասաբար է անդրադարձել Ռուսաստանի վրա (2002թ.-ին 25 տոկոս և 2009թ.-ին 16 տոկոս)։

44 տարեկանից ցածր ռուսաստանցիները, որպես օրենք, դրական են գնահատում ինքնիշխանության մասին հռչակագրի ընդունման հետևանքները (59-60 տոկոս)։ Մինչև 60 և բարձր տարիքի յուրաքանչյուր հինգերորդ հարցված կարծում է, որ անկախությունը երկրին օգուտ չի բերել (19 տոկոս)։

ՆՈՐԱՑՎԱԾ ՍԱՀՄԱՆԱԴՐՈՒԹՅՈՒՆ, դրոշ մեքենայի վրա

Ռուսական պետականության ամրապնդման գործում կարևոր դեր կատարեցին պետության նոր անվանման՝ Ռուսաստանի Դաշնություն (Ռուսաստան), ՌԴ նոր Սահմանադրության, օրհներգի, զինանշանի, ինչպես նաև պետական դրոշի ընդունումը։

Այս տարի Ռուսաստանը տոնում է տոնը նորացված Սահմանադրությամբ։ 1993թ.-ին Մայր օրենքի ընդունումից հետո առաջին անգամ նախորդ տարվա դեկտեմբերին օրենքում կատարվեցին փոփոխություններ։ Սահմանադրության մեջ փոփոխություններ կատարելու առաջարկությունը, որոնք ավելացնում են նախագահի և խորհրդարանի լիազորությունների ժամկետը, Մեդվեդևը հնչեցրել է Դաշնային Խորհրդին ուղղված իր առաջին ուղերձում։ Սահմանադրական օրինագծերին աջակցեցին նաև Պետական դուման և Դաշնային խորհուրդը։ Դեկտեմբերի 18-ին Ռուսաստանի բոլոր 83 սուբյեկտների ժողովները հավանության արժանացրեցին Սահմանադրության մեջ կատարված փոփոխությունները։ Այնուհետև դրանք ստորագրվեցին նախագահի կողմից և ուժի մեջ մտան։

ՌՈՒՍԱՍՏԱՆԻ ՕՐԸ ՄՈՍԿՎԱՅՈՒՄ

Մոսկվան Ռուսաստանի օրը կնշի համերգով և մանկական փառատոնի անցկացմամբ։ Կարմիր Հրապարակում տեղի կունենա համերգ, որը կունկնդրի ավելի քան 25 հազար երիտասարդ։

Ինչպես «ՌԻԱ Նովոստիին» է տեղեկացրել Մոսկվայի քաղաքապետարանի աղբյուրը, Ռուսաստանի օրվա կապակցությամբ Մոսկվայում գլխավոր միջոցառումներից մեկը կլինի նաև «Համբերատարության թիմ» փառատոնը, որի նպատակն է համբերատարության սերմանումը երիտասարդ սերնդի շրջանում, գեղագիտական սկզբունքների ցուցադրումը, որոնք միավորում են մարդկանց՝ անկախ ազգությունից և հավատից։

«ԱՌԱՋԻՆ ԱԼԻՔԸ» 12-ԻՆ ԿՑՈՒՑԱԴՐԻ «12»-Ը

Հեռուստաալիքները որոշեցին նշել Ռուսաստանի օրը տոնական համերգներով և հայրենական ֆիլմերով։

«Առաջին ալիքը» հունիսի 12-ին կցուցադրի «Բարձրունք», «Անապատի սպիտակ արևը», «12» ֆիլմերը, «Ազատագրում. Հրե աղեղ» մարտաֆիլմը, «Իշխան Վլադիմիր» անիմացիոն ֆիլմը, ինչպես նաև Լյուդմիլա Զիկինայի հոբելյանական երեկոն։

«Ռոսիա» հեռուստաալիքն այդ օրը շեշտը դրել է երաժշտական համերգների վրա։ Կեսօրին ալիքը կցուցադրի «Տարվա երգը», իսկ երեկոյան ուղիղ եթերով կցուցադրի Կարմիր հրապարակում անցկացվող «Երիտասարդ Ռուսաստան» տոնական համերգը։

12 ԻՆՔՆԱԹԻՌ ԼԱՎ ԵՂԱՆԱԿԻ ՀԱՄԱՐ

Ռուսաստանի ռազմաօդային ուժերը (ՌԴ ՌՕՈՒ) պատրաստ են հունիսի 12-ին Մոսկվայում եղանակի վատթարացման դեպքում ապահովել բարենպաստ եղանակային պայմաններ, հինգշաբթի «ՌԻԱ Նովոստիին» է տեղեկացրել ՌԴ ՌՕՈՒ գլխավոր հրամանատարի օգնական, փոխգնդապետ Վլադիմիր Դրիկը։

Դրիկի խոսքերով, կհատկացվի ՌՕՈւ շուրջ 12 ինքնաթիռ, որոնց անձնակամզը պատրաստվում է թռիչքներ կազմակերպել Մոսկվայում եղանակային պայմանների բարելավման համար։ Այդ աշխատանքների ընդհանուր ղեկավարումը վստահված է Վ.Պ. Չկալովի անվան փորձաթռիչքային պետական կենտրոնի պետի ժամանակավոր պաշտոնակատար, ՌԴ հերոս, առաջին կարգի փորձարկող-օդաչու, գնդապետ Սերգեյ Մասլովին։

«Ինքնաթիռների անձնակազմները հունիսի 12-ին արդեն առավոտյան պատրաստ կլինեն կատարել իրենց առջև դրված խնդիրները։ Եղանակային պայմանների վատթարացման դեպքում օդաչուները կսկսեն իրականացնել ծրագրված միջոցառումները՝ Մոսկվայի բնակիչներին և մայրաքաղաքի հյուրերին լավ եղանակ և տոնական տրամադրությու ապահովելու համար», - ասել է գլխավոր հրամանատարի օգնականը։-0-

Loading...
Թեմատիկ նյութեր

Բաժնի այլ նյութեր
22:41
23 Մարտի 2017
Սամվել Բաբայանի ձերբակալությունը կապված է նրա՝ ՕՐՕ դաշինքին սատարելու հետ
Արցախի պաշտպանության նախկին նախարար Սամվել Բաբայանի ձերբակալությունը կապված է նրա՝ «Օհանյան-Րաֆֆի-Օսկանյան» դաշինքին սատարելու հետ:
21:17
23 Մարտի 2017
Սահմանվել է առաջիկա ընտրությունների էլեկտրոնային քվեարկության մեկնարկը
ՀՀ կենտրոնական ընտրական հանձնաժողովը հինգշաբթի արտահերթ նիստ է գումարել։
17:46
23 Մարտի 2017
ԱԱԾ-ն «Իգլայի» գործով տարաբնույթ քննչական գործողություններ է կատարում
Հայաստանի Ազգային անվտանգության ծառայությունը կասկածյալների մասնակցությամբ կատարում է տարաբնույթ քննչական գործողություններ:
17:20
23 Մարտի 2017
Հայաստանն իր ներդրումային միջավայրը կներկայացնի միջազգային հարթակներում KPMG-ի օգնությամբ
ՀՀ տնտեսական զարգացման և ներդրումների նախարարության ու «KPMG» բաժնետիրական ընկերության միջև Պայմանավորվածությունների մասին հուշագիր է ստորագրվել։

16:36
23 Մարտի 2017
Սամվել Բաբայանի դուստրը թատերական ներկայացում է անվանել հոր ձերբակալությունը
Սամվել Բաբայանի դուստրը՝ Աննա Բաբայանը, Facebook-ի իր էջում հոր ձերբակալության վերաբերյալ գրառում է կատարել։
14:15
23 Մարտի 2017
Սամվել Բաբայանը չի ընդունում իր մեղքը. փաստաբան
Բաբայանը ձերբակալվել է մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստի առթիվ հարուցված քրեական գործի շրջանակում:
13:35
23 Մարտի 2017
Քննիչը կեղծել է սպանության փորձի վերաբերյալ քրեական գործի ապացույցը
Ըստ տուժողի, արձանագրության երկրորդ և երրորդ էջերում առկա ստորագրություններն իր կողմից չեն կատարվել։
13:07
23 Մարտի 2017
Ռուս սահմանապահները Իրանից Հայաստան թմրանյութերի ներկրման փորձ են կանխել
ՀՀ–ում ՌԴ ԱԴԾ Սահմանային վարչության Մեղրիի սահմանային ջոկատի զինծառայողները «Մեղրի» մաքսակետի աշխատակիցների հետ համատեղ ձերբակալել են Իրանի քաղաքացու:
11:52
23 Մարտի 2017
ՌԴ–ում ՀՀ նախկին դեսպանը նշանակվել է Բելառուսում ՀՀ դեսպան
ՌԴ–ում ՀՀ նախկին դեսպան Օլեգ Եսայանը նշանակվել է Բելառուսում ՀՀ արտակարգ և լիազոր դեսպան։
11:40
23 Մարտի 2017
Կարեն Կարապետյանը շատ կոշտ հայհոյել է Ծառուկյանին ու Աբրահամյանին
Նախօրեին վարչապետ Կարեն Կարապետյանի՝ Արտաշատում կազմակերպված ընդունելությունը նման չէր մյուս մարզերում կազմակերպված ընդունելություններին։
10:41
23 Մարտի 2017
Սեյրան Օհանյանին նույնպես կարող են ձերբակալել
Սամվել Բաբայանի ձերբակալությունից հետո քաղաքական կուլիսներում կարծիքներ են հնչում, թե շուտով ՕՐՕ դաշինքից այլ հնչեղ ձերբակալություններ էլ կլինեն։
20:26
22 Մարտի 2017
ՕՐՕ–ի հայտարարությունը` Սամվել Բաբայանի գործով. Բաբայանի հետ կապված գործն ակնհայտ քաղաքական ենթատեքստ ունի
ՕՐՕ դաշինքը հայտարարություն է տարածել ԼՂՀ պաշտպանության նախկին նախարար Սամվել Բաբայանի ձերբակալման կապակցությամբ։