478.3
+0.07
574.1
-0.3
8.31
+0.05
+24
Եղանակը Երևանում
Հայ
Պուտինը հավաքել էր Լուժնիկի մարզադաշտը
11:37
22 Նոյեմբերի 2007

Լուժնիկի մարզադաշտում «Լյուբե» խմբի երաժշտության, «Պուտին, Ռուսաստան» կարգախոսների և 30-ական, 70-ական և 2000-ական թթ.-ի երգերի ներքո տեղի է ունեցել մի միջոցառում, որը նմանվել է ԱՄՆ-ի նախընտրական համագումարներին. դա Ռուսաստանի նախագահի կողմնակիցների ֆորումն էր, որին մասնակցել է շուրջ հինգ հազար մարդ։

Միջոցառման անցկացման մասին որոշումը ընդունվել էր նոյեմբերի 15-ին Տվերում տեղի ունեցած Հասարակական կազմակերպությունների համառուսական միավորող համագումարի ժամանակ, որտեղ ստեղծվել է «Պուտինին կողմ» շարժումը։

 ՑՈՒՑՈՒՄ

Լրագրողներին հավաքել են Զուբովսկի այգու մոտ գտնվող ՌԴ ԱԳՆ-ի մամուլի կենտրոնում, միջոցառումից մի քանի ժամ առաջ, Մոսկվայի ժամանակով ժամը 12։00-ին։ Այստեղից լրագրողները սովորաբար մեկնում են մայիսի 9-ի շքերթին, իսկ 2004 թ.-ի նախագահական նախընտրական արշավի ժամանակ նրանք շարժվել են դեպի Մոսկվայի պետական համալսարան՝ Պուտինի վստահված անձանց  հետ հանդիպման։

Ինչպես և երեք տարի առաջ, բոլոր լրագրողներին տեղավորելու համար անհրաժեշտ է եղել  շուրջ տասը ավտոբուս։ Տեխնիկական ստուգումից հետո նրանք մեկնել են Լուժնիկի։

ՆԱԽԱՎԱՐԺԱՆՔ

Վլադիմիր Պուտինը ժամանել է  Լուժնիկի Մոսկվայի ժամանակով ժամը 14։30-ին՝ միջոցառման սկզբից գրեթե մեկ ժամ հետո։ Նա հագել էր մուգ կոստյում և սև բլուզ։

Միջոցառման թեժ պահին ելույթ  են ունեցել  արտիստներ, քաղաքական գործիչներ և մարզիկներ։

Ֆորումը բացել է  «Երիտասարդ գվարդիա»-ի առաջնորդներից մեկը՝ Իվան Դեմիդովը, որը իր կարիերան սկսել էր որպես «Մուզոբոզ» ծրագրի հաղորդավար։

Պուտինի կողմնակիցների առջև ելույթ է  ունեցել Ռուսաստանի հերոս, փորձարկող օդաչու Անատոլի Կվոչուրը, որը նշել է դահլիճում երիտասարդների մեծ քանակությունը և ասել, որ այժմ գալիս է նրանց ժամանակը։

Պետդումայի խոսնակ Բորիս Գրիզլովը հայտարարել է, որ դեկտեմբերի 2-ի ընտրությունները կդառնան Պուտինի վստահութան հանրաքվեն։

ԽԱՂ

Վլադիմիր Պուտինը մտել է դահլիճ ֆորումի մասնակիցներից կազմված «կենդանի միջանցքով»։ Սեղմելով մասնակիցների ձեռքերը և նրանց խնդրանքով ստորագրելով վերնաշապիկների վրա՝ Պուտինը անցել է դահլիճի միջով, բարձրացել բեմ և ելույթ է ունեցել շուրջ 20 րոպեանոց ճառով, որը բազմաթիվ անգամ ընդհատվել  է  «Պուտին, Ռուսաստան» կոչերով և ծափահարություններով։

Հանդիսատեսի ամենամեծ արձագանքը ստացել են ժողովրդագրության և օլիգարխիկ համակարգի վերականգնման սպառնալիքի մասին նախագահի խոսքերը։

Պետության նախագահը, տեղեկացնելով, որ վերջին տարիների ընթացքում առաջին անգամ է նկատվում ծնելիության աճ, ասել. «Ես այստեղ շատ եմ հույսս կապում  նման լսարանի հետ», ինչը դրական արձագանք  է ստացել  դահլիճում։

Խոսելով այն մասին որ Պետդումայի պատգամավորների, «Յեդինայա Ռոսսիա»-ի ընդդիմախոսների շուրջ կան մարդիկ, որոնք ցանկանում են վեկանգնել օլիգարխիկ համակարգը՝ Պուտինը հայտարարել է. «Եվ հիմա նրանք փողոց դուրս կգան։ Սովորել են արևմտյան մասնագետներից, մարզվել են հարևան պետություններում, և հիմա ուզում են մեզ մոտ փորձել»։

Դահլիճից բղավել են. «Թույլ չենք տա»։

«Այ դա ճիշտ է», - նշել է պետության նախագահը և դահլիճից հնչել են ծափահարություններ։

Ճառի ավարտին Պուտինը կոչ է  արել իր կողմնակիցներին՝ Պետդումայի ընտրություններին քվեարկել «Յեդինայա Ռոսսիա»-ի օգտին։

«Դեկտեմբերի 2-ին մեծ մասով որոշվում է երկրի ճակատագիրը։ Անպայման մասնակցեք ընտրություններին և ձայն տվեք «Յեդինայա Ռոսսիա»-ի օգտին», - հայտարարել է նա։

Այն բանից հետո, երբ պետության նախագահը հեռացել է դահլիճից, բեմում շարունակում էր ելույթ ունենալ «Լյուբե» խումբը՝ շատ քիչ երաժշտական խմբերից մեկը, որի համերգներին ներկա է եղել Պուտինը։-0-

Loading...
Թեմատիկ նյութեր
Բաժնի այլ նյութեր
10:30
23 Սեպտեմբերի 2017
Նախորդ շաբաթվա առավել ուշագրավ նորությունների հնգյակը
«Նովոստի-Արմենիա» գործակալությունը ներկայացնում է նախորդ շաբաթվա առավել ուշագրավ նորությունների իր տարբերակը:
19:57
22 Սեպտեմբերի 2017
Գարո Փայլանը ՀՀ նախագահին է ներկայացրել Թուրքիայի հայ համայնքի վիճակը
ՀՀ նախագահն այսօր ընդունել է Թուրքիայի խորհրդարանի պատգամավոր Գարո Փայլանին։
19:04
22 Սեպտեմբերի 2017
Մեր պետական լեզուն հայերենն է, իսկ մնացած բոլորն օտար լեզուներ են, այդ թվում` ռուսերենը. Լևոն Մկրտչյան
Հայերենը եղել և մնում է միակ պետական լեզուն Հայաստանում, հայտարարեց ՀՀ ԿԳ նախարար Լևոն Մկրտչյանը։
17:15
22 Սեպտեմբերի 2017
ՎՏԲ-Հայաստան Բանկը գործարկել է նոր Բջջային բանկ և նորացված Ինտերնետ բանկ
ՎՏԲ-Հայաստան Բանկը, ընդլայնելով հեռահար բանկային ծառայությունների շրջանակը, գործարկել է բանկային սպասարկման Բջջային բանկ և նորացված Ինտերնետ բանկ համակարգերը։
15:07
22 Սեպտեմբերի 2017
Հայ փրկարարները պետության հաշվին արտասահմանում բուժման հնարավորություն կստանան
Հայ փրկարարները պետության հաշվին արտասահմանում բուժվելու հնարավորություն կստանան:
16:25
21 Սեպտեմբերի 2017
Կարեն Կարապետյան. ռուսաց լեզվի վերաբերյալ հանձնարարական չի եղել
Վարչապետ Կարեն Կարապետյանը հայտնել է, որ ռուսաց լեզվի հայեցակարգ մշակելու վերաբերյալ հանձնարարական չի տվել:
14:20
21 Սեպտեմբերի 2017
Սերժ Սարգսյանը հարգանքի տուրք է մատուցել կյանքը հանուն Հայրենիքի անկախության տված հերոսների հիշատակին (ՖՈՏՈ)
Հայաստանի Հանրապետության անկախության 26-րդ տարեդարձի առթիվ նախագահ Սերժ Սարգսյանն այսօր այցելել է «Եռաբլուր» զինվորական պանթեոն:
13:20
21 Սեպտեմբերի 2017
Քրեական գործ է հարուցվել մոր կողմից նորածին երեխայի վաճառքի դեպքի առթիվ
Երեխայի կենսաբանական մայրը երեխայի համար պահանջել և ստացել է 200.000 ՀՀ դրամ:
09:00
21 Սեպտեմբերի 2017
Հայաստանը տոնում է անկախության 26–ամյակը
Հայաստանն այսօր` սեպտեմբերի 21–ին, տոնում է անկախության 26–ամյակը։
08:00
21 Սեպտեմբերի 2017
Չորեքշաբթի` սեպտեմբերի 20–ի առավել ուշագրավ նորությունները
«Նովոստի–Արմենիա» գործակալությունը ներկայացնում է չորեքշաբթի` սեպտեմբերի 20–ի առավել ուշագրավ նորությունների սեփական տարբերակը։
20:57
20 Սեպտեմբերի 2017
Գյումրին Մոսկվայից օտարերկրյա ամենաբյուջետային ուղղությունների եռյակում է
Հայտնի են հոկտոմբերին ամենաէժան ավիաուղղությունները։