485.25
-0.08
569.44
-2.72
8.18
-0.02
+3
Եղանակը Երևանում
Հայ
Դուշանբեում բացվեց ԱՊՀ երկրների գագաթնաժողովը
16:51
05 Հոկտեմբերի 2007

ԵՐԵՎԱՆ, 5 հոկտեմբերի./Նովոստի-Արմենիա/. Դուշանբեում բացվեց ԱՊՀ երկրների գագաթնաժողովը։ Գագաթնաժողովին մասնակցում են Ռուսաստանի, Տաջիկստանի, Բելառուսի, Հայաստանի, Ղրղզստանի, Կիրգիզիայի,  Ուզբեկստանի, Թուրքմենիայի, Վրաստանի, Ադրբեջանի, Մոլդովայի նախագահները և Ուկրաինայի ԱԳ նախարարը։

Հանդիպումը տեղի է ունենում Կառավարական նստավայրի «Սոմոն» պալատի երկրորդ հարկում՝ Հանդիսությունների դահլիճում։ Այս պալատում անցյալ տարվա նոյեմբերին տեղի ունեցավ Էմոմալի Ռահմոնի երդման հանդիսավոր արարողությունը. նա ստանձնեց իր երրորդ նախագահական ժամկետը, հաղորդում է «ՌԻԱ Նովոստին»։

Նիստի նեղ կազմով հանդիպման ժամանակ մասնակիցները միասին լուսանկարվեցին։ Առաջնորդները կանգնեցին «Սոմոն» պալատի սրահում՝ Համագործակցության 12 երկրների պետական դրոշների ֆոնի վրա։ Վլադիմիր Պուտինը իր տեղը զբաղեցրեց կենտրոնում՝ Տաջիկստանի և Մոլդովայի նախագահների կողքին։ Լուսանկարվելուց հետո նախագահներն անցան Հանդիսությունների դահլիճ։

Նեզ կազմով հանդիպումից հետո տեղի կունենա ԱՊՀ երկրների նախագահների ընդլայնված կազմով նիստը, որը կավարտվի համատեղ փաստաթղթերի ստորագրմամբ և մամուլի ասուլիսով։ Այսօրվա ծրագրի վերջին կետը՝ Տաջիկստանի նախագահ Էմոմալի Ռահմոնի անունից կազմակերպված պաշտոնական ճաշկերույթն է՝ գագաթնաժողվի մասնակիցների պատվին։ Ճաշկերույթը տեղի կունենա «Կոխի Իստիկլոլ» պետական համալիրում։

Խորհրդի նիստի օրակարգի հիմնական կետը լինելու է միջպետական աշխատանքային խմբի պատրաստած և համաձայնեցված ԱՊՀ հետագա զարգացման հայեցակարգերի նախագծերի և դրանք իրագործելու հիմնական միջոցառումների պլանի քննարկումը և հաստատումը։

Մասնակիցները նաև կքննարկեն միգրացիոն ոլորտում համագործակցության զարգացման հարցերը, ինչպես նաև կքննարկեն այս ոլորտում ԱՊՀ երկրների կազմակերպչական բաղկացուցիչ մասի ամրացման միջոցները։ Բացի այդ, նրանք նախատեսում են անդրադառնալ ԱՊՀ ողջ տարածքում անվտանգության և կարգուկանոնի ապահովման խնդիրներին, ինչպես նաև քննարկել մի շարք կազմակերպչական հարցեր։

Մասնավորապես՝ նրանք պետք է որոշեն ԱՊՀ երկրների նախագահների խորհրդի հաջորդ նիստի անցկացման տեղն ու ժամկետը, ինչպես նաև սահմանեն, թե ով է նախագահելու Խորհուրդը, ավելի վաղ լրագրողներին հայտնել էր ՌԴ նախագահի օգնական Սերգեյ Պրիխոդկոն։

Իր հերթին, նախագահի վարչության տեղեկատվական աղբյուրը ԱՊՀ երկրների խորհրդի հաջորդ նախագահի հարցն անվանեց «նուրբ»։

«Անկասկած, այս մասին առաջնորդները կխոսեն նեղ կազմով։ Գոյություն ունի հերթագայության սկզբունք, այբբենական հաջորդականություն, քաղաքական նպատակահարմարություն...Դեռ քննարկվելու է, պարզ չէ»,- ասաց աղբյուրը «ՌԻԱ Նովոստիին»։

Գործակալության զրուցակցի խոսքերով, նույն դրությունն է նաև ԱՊՀ երկրների խորհրդի գործադիր քարտուղարի հետ։ Համագործակցության ներկայիս գործադիր քարտուղար Վլադիմիր Ռուշայլոյի լիազորությունները մոտենում են  ավարտին։

«Տրամաբանական է, որ նոր գործադիր քարտուղարի պաշտոնը ծայրահեղ դեպքում գոնե կառաջարկվի այս համաժողովի ժամանակ»,- նշեց աղբյուրը։ Միաժամանակ, նա ընդգծեց, որ Ռուսաստանը չի առաջադրելու ոչ Վլադիմիր Ռուշայլոյի, ոչ էլ Ալեքսանդր Վեշնյակովի թեկնածությունը։ Ավելի վաղ այդ նշանակումների հավանականության մասին լուրերը հայտնվել էին ԶԼՄ-ներում։ --0—

Loading...
Թեմատիկ նյութեր
Բաժնի այլ նյութեր
10:30
09 Դեկտեմբերի 2017
Նախորդ շաբաթվա կարևոր նորությունների հնգյակը
«Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։
21:05
08 Դեկտեմբերի 2017
Քաղաքացու բողոքի հիման վրա Երևանի խանութներից մեկում բրնձի և պամելոյի նմուշառումներ են վերցվել
Երևանի խանութներից մեկում բրնձի և պամելոյի նմուշառումներ են վերցվել:
19:54
08 Դեկտեմբերի 2017
Երևանում 38–ամյա տղամարդու սպանության գործով մեղադրանք է առաջադրվել ևս մեկ անձի
38-ամյա Արշակ Գալստյանի դիակը հայտնաբերվել էր դեկտեմբերի 6-ին իր «Նիսան» մակնիշի ավտոմեքենայի մեջ՝ հրազենային վնասվածքներով։
16:09
08 Դեկտեմբերի 2017
ՀՀ տարածքում կան փակ և դժվարանցանելի ճանապարհներ
ՀՀ տարածքում կան փակ և դժվարանցանելի ճանապարհներ, Լարսը փակ է բեռնատարների համար։
12:57
08 Դեկտեմբերի 2017
Երևանի բանուկ պողոտայում երթևեկի փոփոխություն
Փոփոխությունը կատարվում է խցանումներից և տրանսպորտային միջոցների կուտակումներից խուսափելու նպատակով։
11:20
08 Դեկտեմբերի 2017
ԱԺ-ն ընդունեց 2018թ. բյուջեի նախագիծը
ՀՀ Ազգային ժողովն ընդունեց  «Հայաստանի Հանրապետության 2018 թվականի պետական բյուջեի մասին» օրենքների նախագիծը։
19:56
07 Դեկտեմբերի 2017
Հայաստանի տարածքում 2017թ. սկզբից 193 երկրաշարժ է գրանցվել. ԱԻՆ
Հայաստանի տարածքում 2017 թվականի սկզբից 193 երկրաշարժ է գրանցվել:
17:43
07 Դեկտեմբերի 2017
ՎՏԲ-Հայաստան Բանկը գործարկում է ակցիա՝ «Ձմեռային խնայողություններ»
Ակցիայի շրջանակներում ՀՀ դրամով և ԱՄՆ դոլարով ավանդների համար գործելու են բարձրացրած տոկոսադրույքներ:
14:39
07 Դեկտեմբերի 2017
Հայաստանի բնակիչները նշել են, թե որքա՞ն գումար է հարկավոր լավ կյանքի համար (ԻՆՖՈԳՐԱՖԻԿԱ)
Հարցման մասնակիցները պատասխանել են այն հարցին, թե ամսական մեկ շնչի հաշվով որքա՞ն գումար է անհրաժեշտ լավ և շատ լավ ապրելու կամ գոյատևելու համար։
13:40
07 Դեկտեմբերի 2017
Երևանի բնակարաններից մեկում հայտնաբերվել է ԱՄՆ–ի 63–ամյա քաղաքացու դի
Դավթաշենի բնակարաններից մեկում ԱՄՆ–ի 63–ամյա քաղաքացու դի է հայտնաբերվել։
12:43
07 Դեկտեմբերի 2017
Ucom–ի բաժանորդները մասամբ մնացել են առանց կապ տեխնիկական խնդիրների պատճառով
Ucom հեռահաղորդակցական ընկերության ցանցում առկա են տեխնիկական խնդիրներ։
12:29
07 Դեկտեմբերի 2017
Հայաստանում կան դժվարանցանելի ճանապարհներ. Լարսն էլ փակ է բեռնատարների համար
Դեկտեմբերի 7-ին՝ կեսօրից հետո, ցիկլոնը կկորցնի իր ուժը, տեղումներն աստիճանաբար կդադարեն: