ԵՐԵՎԱՆ, 4 ապրիլի./Նովոստի–Արմենիա/. ՀՀ պաշտպանության նախարար Դավիթ Տոնոյանի և ԶՈՒ ԳՇ պետ Արտակ Դավթյանի միջև տարաձայնություններ են սկսվել, բանը հասել է նույնիսկ տհաճ խոսակցությունների, գրում է «Ժողովուրդ» օրաթերթը։
Загружается новость ... "Лево"
Թերթի հաղորդմամբ, դեռ նախորդ տարի ՊՆ հրամանով ժամկետային զինծառայողներին թույլատրվել է բջջային հեռախոսներից օգտվել, միաժամանակ սահմավնել է այդ հեռախոսներից օգտվելու կարգը։
Թերթի աղբյուրների պնդմամբ, ԳՇ պետն էլ իր հերթին որոշում է կայացրել, ըստ որի` սպաները զորամասում կարող են հեռախոս ունենալ, բայց ոչ սմարթֆոն։ Տոնոյանն ասել է, թե սա մարդու իրավունքների խախտում է, անձնական կյանքին միջամտելու փորձ։
«Տեսակետ կա, որ նախարարին զայրացրել է այն հանգամանքը, որ ԳՇ պետն այդ որոշումը կայացրել է առանց իր հետ քննարկելու և առանց տեղյակ պահելու։ Մեկնաբանությունների համար թերթի դիկել է և′ ՊՆ, և′ ԳՇ, որտեղից, սակայն, հերքել են լուրերը», – գրում է թերթը։–0–