ԵՐԵՎԱՆ, 16 օգոստոսի. /Նովոստի–Արմենիա/. Հայաստանի նախկին նախագահ Սերժ Սարգսյանը հարցաքննվելու է մարտի 1–ի գործով։ Այս մասին հինգշաբթի կառավարության նիստի ավարտից հետո լրագրողներին ասաց ՀՔԾ պետ Սասուն Խաչատրյանը։
«Քննիչն է որոշում` ում, երբ և որ հարցերի շուրջ կարող է կանչել հարցաքննության։ Դա քննչական մարտավարություն է, և պետք է թույլ տալ քննիչին ծրագրել իր գործունեությունը, որ հարցաքննությունն արդյունավետ լինի։ Հարցաքննությունն ինքնանպատակ չէ, նպատակը որոշակի տեղեկություն ստանալն է»,– ասաց նա։
Загружается новость ...
"Право"
Լրագրողների այն հարցին, թե արդյոք մարտի 1–ի գործով կհարցաքննվի նաև Սերժ Սարգսյանը, Խաչատրյանն ասաց.
«Բոլորը, ովքեր առնչություն են ունեցել, բոլորն առանց բացառության, հարցաքննվելու են։ Այո, հարցաքննվելու է նաև Սերժ Սարգսյանը։ Թե երբ, դա որոշում է քննիչը` ելնելով կոնկրետ քննչական գործողությունները կատարելու նպատակահարմարությունից»,– ավելացրեց նա։ -0-