ԵՐԵՎԱՆ, 13 սեպտեմբերի. /Նովոստի–Արմենիա/. Հայաստանի երրորդ նախագահ Սերժ Սարգսյանի եղբայր Լյովա Սարգսյանի նկատմամբ որպես խափանման միջոց է ընտրվել կալանավորումը։ Այս մասին իր Facebook–ում է գրել Հայաստանի քննչական կոմիտեի տեղեկատվության և հասարակայնության հետ կապերի պետ Նաիրա Հարությունյանը։
«Հյուսիս-Հարավ»-ի գործով որպես մեղադրյալ ներգրավված Լյովա Սարգսյանի նկատմամբ դատարանը որպես խափանման միջոց ընտրեց կալանավորումը:
Ավելի վաղ Հայաստանի քննչական կոմիտեն հայտնել է երեք անձանց, այդ թվում` Սարգսյանին, որպես մեղադրյալներ ներգրավել «Հյուսիս-Հարավ ճանապարհային միջանցք» ծրագրի մշակման և իրագործման ընթացքում տեղ գտած ակնհայտ չարաշահումների փաստով հարուցված քրեական գործի քննության շրջանակում։
«ՀՀ քննչական կոմիտեի ՀԿԳ քննության գլխավոր վարչությունում շարունակվում է «Հյուսիս-Հարավ ճանապարհային միջանցք» ծրագրի մշակման և իրագործման գործընթացում թույլ տրված առերևույթ չարաշահումների դեպքերի առթիվ հարուցված քրեական գործի նախաքննությունը»,– գրել է Հարությունյանը։
Ավելի վաղ հաղորդվել է, որ Քննչական կոմիտեի, Գլխավորչ դատախազության և Հայաստանի ԱԱԾ–ի աշխատակիցների կողմից անցկացրած լայնածավալ քննչական և քրեակատարողական գործողությունների արդյունքում տվյալներ են ստացվել, որ ծրագրի իրագործման համար ենթակապալային կազմակերպություն ընտրելու ժամանակ հանցավոր սխեմա է գործարկվել։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
