ԵՐԵՎԱՆ, 16 օգոստոսի. /Նովոստի-Արմենիա/. Հայաստանի դատարանը սահմանել է «Security Dream» ընկերության երկու հաշվապահների նկատմամբ խափանման միջոցները փաստաթղթերի կեղծման և խարդախության քրեական գործի շրջանակում, հայտնում է Հայաստանի քննչական կոմիտեի մամուլի ծառայությունը։
Նախօրեին Քննչական կոմիտեի մամուլի խոսնակ Նաիրա Հարությունյանը Facebook–ի իր էջում գրել է, որ դատարանը բավարարել է «Սեքյուրիթի Դրիմ» ՍՊ ընկերության հիմնադիրին կալանավորելու միջնորդությունը։
Загружается новость ... "Лево"
«Դատարանը բավարարել է ընկերությունների հաշվապահների նկատմամբ որպես խափանման միջոց կալանավորում կիրառելու վերաբերյալ քննիչի միջնորդությունը, սակայն միևնույն ժամանակ թույլատրելի համարել նրանց նկատմամբ այլընտրանքային խափանման միջոց գրավի կիրառումը»,– ասվում է հաղորդման մեջ։
Իրավապահները չորեքշաբթի ձերբակալել են «Security Dream» ՍՊԸ–ի գլխավոր հաշվապահ Արմեն Խանամիրյանին։ Օրեր առաջ ձերբակալվել էին «Security Dream» ՍՊԸ–ի սեփականատերերից մեկն` Ալիկ Զաքարյանն և Еllips GA ընկերության հաշվապահ Սահականույշ Սահակյանը։ Նրանց մեղադրանք է առաջադրվել է ՀՀ ՔՕ 178–րդ հոդվածի 3–րդ մասի 1–ին կետի (Խարդախությունը) և 325–րդ հոդվածի 2–րդ մասի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը) հատկանիշներով:
Նախաքննությունը շարունակվում է: -0-