ԵՐԵՎԱՆ, 28 հունիսի./Նովոստի-Արմենիա/. «Սասնա ծռերի» գործով դատական նիստը հետաձգվել է վեճի պատճառով։
Ավան և Նոր Նորք վարչական շրջանների ընդհանուր իրավասության առաջին ատյանի դատարանում «Սասնա ծռերի» 14-ի գործով անցկացվող նիստը խոչընդոտվել է դատական կարգադրիչների` փաստաբաններին կրկին խուզարկելու պատճառով։ Ըստ հայկական լրատվամիջոցների հաղորդման, պաշտպանները դեմ են արտահայտվել խուզարկությանը։
Բախում է տեսի ունեցել նաև նիստերի դահլիճում: Հայկական լրատվամիջոցների հաղորդմամբ`«Սասնա Ծռեր» խմբի անդամներ Սմբատ Բարսեղյանի, Արեգ Կյուրեղյանի, Սեդրակ Նազարյանի և նրանց ուղեցկող ոստիկանների միջև վեճ է բռնկվել:
Загружается новость ...
"Право"
Ամբաստանյալներ Սմբատ Բարսեղյանին, այնուհետ՝ Արեգ Կյուրեղյանին, Սեդրակ Նազարյանին գրկած հեռացրել են նիստերի դահլիճից։ Ամբաստանյալների հարազատները ապակիներից այս կողմ իրենց բողոքն են հայտնել, ինչից հետո նրանք նույնպես հեռացվել են դահլիճից։
tert.am-ի հաղորդմամբ, միջադեպի վերաբերյալ Արայիկ Խանդոյանի պաշտպան Արա Ղարագյոզյանն ասել է, որ Սմբատ Բարսեղյանի հետ կապված միջադեպը չի ֆիքսել, սակայն Արեգ Կյուրեղյանի հետ միջադեպը սկսվել է նրանից, որ Արեգ Կյուրեղյանը փորձել է գրությամբ կապվել պաշտպանի հետ, ինչն ուղեկցող գումարտակը խլել է ձեռքից։
«Բացի այդ, ֆիքսենք, որ ամբաստանյալների նկատմամբ բռնություն է կիրառվում, ծեծի ձայներ են գալիս, ամբաստանյալներն այս պահին խոշտանգվում են»,- ասել է նա։
«Հայկական ժամանակ»-ը հայտնում է, որ իրավիճակը լարված է նաև դատարանի բակում, որտեղ հավաքված են «Սասնա ծռերի» համախոհները։ Փաստաբաններ Լուսինե Սահակյանը և Արա Զաքարյանը ականատես են եղել, թե ինչպես են տասնյակից ավելի «կարմիր բերետավորներ», քաշելով, ըստ փաստաբան Ինեսսա Պետրոսյանի` նաև ծեծելով, բերման ենթարկում քաղաքացիներից մեկին:
Փաստաբաններ Լուսինե Սահակյանն ու Արա Զաքարյանը փորձել են պաշտպանություն իրականացնել և նրա հետ գնալ ոստիկանական բաժին, սակայն «կարմիր բերետավորները» նրանց նույնպես քաշել են և հրելով դեպի մայթ`թույլ չեն տվել ուղեկցել բերման ենթարկվածին:
Աղբյուրի համաձայն `բերման ենթարկված քաղաքացին «Սասնա ծռեր» խմբի անդամ Գագիկ Եղիազարյանի եղբայրն է:
Արտագնա նիստը պետք է մեկնարկեր ժամը 11:00-ին, սակայն դատավոր Արտուշ Գաբրիելյանը նիստերի դահլիճ է եկել մեկ ժամ անց և հայտարարել, որ ոչ բոլոր ամբաստանյալներն ու փաստաբաններն են ներկա, այդ իսկ պատճառով նիստը հետաձգվում է: Հաջորդ դատական նիստը տեղի կունենա հուլիսի 12-ին:-0-
