ԵՐԵՎԱՆ, 14 մայիսի. /Նովոստի–Արմենիա/. Հայաստանի սփյուռքի նորանշանակ նախարար Մխիթար Հայրապետյանը հայտարարել է, որ նախարարությունն այլևս նույնը չի լինելու։
«Այլևս երբեք ՀՀ սփյուռքի նախարարության աշխատակիցները ոտքի չեն կանգնելու, երբ նախարարը դուրս գա իր աշխատասենյակից, այլևս երբեք խորհրդակցությունների սրահում միայն նախարարի առջև ջուր դրված չի լինելու, այլևս երբեք Սփյուռքի նախարարությունը նախկինը չի լինի: Սա հեղափոխություն է, սիրելիներս, և սա նաև արժեքների, մշակույթների հեղափոխություն է»,– գրել է նա Facebook-ի իր էջում։
Загружается новость ... "Лево"
Նա նաև ավելացրել է, որ անելիքները շատ–շատ են, ընդգծելով, որ մի բան արդեն կայացած փաստ է՝ «փոփոխություններն արդեն եկել են: Ի գործ»,– ասված է Հայրապետյանի գրառման մեջ։ -0-