Ռումբի առկայության մասին ահազանգը կեղծ էր

ԵՐԵՎԱՆ, 1 սեպտեմբերի. /Նովոստի–Արմենիա/. Հայաստանի տրանսպորտի, կապի և տեղեկատվական տեխնոլոգիաների նախարարության շենքում տեղադրված ռումբի վերաբերյալ ահազանգը կեղծ էր, հայտնեց ԱԻՆ Երևանի վարչության պետի տեղակալ, գնդապետ Արմեն Բադալյանը։

Ռումբի առկայության մասին ահազանգը ստացվել է ուրբաթ ժամը 10։25–ին։ Տեղում աշխատել են կինոլոգների և փրկարարների խմբեր։


«Ամբողջ շենքը ստուգվել է, կասկածելի ոչինչ չի հայտնաբերվել, աշխատողները վերադառնում են իրենց աշխատանքային տեղերը»,– ասաց Բադալյանը լրագրողներին։

Թե ումից է ստացվել զանգը, առայժմ պարզ չէ։

«Նովոստի–Արմենիա» գործակալության թղթակցի հաղորդմամբ, աշխատողները վերադառնում են բնականոն աշխատանքի։

Շտապօգնության և հրշեջ մեքենաները հեռացել են, շղթայումը հանվել է։ -0-