ԵՐԵՎԱՆ, 24 հոկտեմբերի. /Նովոստի–Արմենիա/. Երևանում միասեռականների համաժողովի անցկացումը հայկական պետականությանը և ազգային շահերի լրջագույն սպառնալիք է, չորեքշաբթի խորհրդարանում հայտնեց «Ծառուկյան» խմբակցության պատգամավոր Գևորգ Պետրոսյանը:
Նոյեմբերի 15-18-ը Երևանում կկայանա Արևելյան Եվրոպայի և Կենտրոնական Ասիայի ԼԳԲՏ-քրիստոնյաների 11-րդ համաժողովը:
«Լուրեր են արծարծվում, որ նոյեմբերի 15-18–ը Երևանում կայանալու է միասեռականների, նրանց համախոհների և կողմնակիցների համաժողով, որի շրջանակում քայլերթ է լինելու։ Միանշանակ, մեր պետականության և ազգային անվտանգության համար սպառնալիք են քաղաքական և տնտեսական մենաշնորհը, սահմաններում տիրող իրավիճակը։ Սակայն իմ խորին համոզմամբ, առավել մեծ սպառնալիք է մեր ավանդական ընտանիքի ինստիտուտի խաթարումը»,– ասաց Պետրոսյանը։
Պատգամավորը կոչ արեց խորհրդարանականներին և կառավարության անդամներին պաշտպանել հայկական ավանդական ընտանիքի իրավունքները և ազգային արժեքները։
«Հեղափոխությունը ողջունելի է նորը մտցնելու համար։ Բայց կա մի հեղափոխություն, որը ես չեմ ուզում տեսնել Հայաստանում` ավանդական ընտանեկան արժեքների փոփոխություն»,– ասաց Պետրոսյանը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում