ԵՐԵՎԱՆ, 3 ապրիլի. /Նովոստի–Արմենիա/. Հայաստանի վարչապետ Նիկոլ Փաշինյանը չորեքշաբթի վկայի կարգավիճակով ցուցմունք է տվել Երևանի Շենգավիթ վարչական շրջանի ընդհանուր իրավասության դատարանում 2017 թվականի խորհրդարանական ընտրությունների քարոզարշավի ընթացքում տեղի ունեցած միջադեպի գործով։
2017 թվականի մարտի 31–ին 22։40–ի սահմաններում Անդրանիկի 53 տան բակում «Ելք» նախընտրական դաշինքի ընտրական շտաբի ակտիվիստների վրա «Մոնախ» մականունով Արթուր Այվազյանը։
Ավելի վաղ նա դատապարտվել է 15 տարվա ազատազրկման 1999 թվականին խորհրդարանում կատարած սպանությունների գործով կարևոր վկա Սամվել Առաքելյանի պատվիրված սպանության համար։ Հարձակումից հետո Նիկոլ Փաշինյանը ցանցում տեսնյութ է հրապարակել, որտեղ ցուցադրել է դաշինքի ներկայացուցիչների կողմից նրա մոտից առգրավված ինքնաշեն ատրճանակը։ Այնուհետև նա զենքը փոխանցել է ոստիկաններին։ Ոստիկանները «տաք հետքերով» ձերբակալել են կասկածյալին։
«Ալեն Սիմոնյանից եմ իմացել կատարվածի մասին և միանգամից ուղղվել եմ միջադեպի վայր, որտեղ տեսել եմ հարձակման ենթարկված Հայկ Սարգսյանին։ Միջադեպի պատճառը, որքան հիշում եմ, մեր ակտիվիստից վերցված դրոշն էր։ Ես բարձրացրել եմ Այվազյանի թողած զենքը և միանգամից ուղիղ եթեր մտել։ Զենքը հանձնվել է ոստիկանության բաժին մի քանի օրից»,– պատմել է Փաշինյանը։
Загружается новость ...
"Право"
Նա միաժամանակ ընդգծեց, որ արդեն մանրամասն չի հիշում բոլոր դետալները վաղեմության պատճառով, և խնդրեց հաշվի առնել միջադեպից անմիջապես հետո տրված ցուցմունքները։
Դատարանում ելույթից հետո Փաշինյանն ասաց լրագրողներին, որ կատարեց իր քաղաքացիական պարտքը։
«Կարծում եմ, որ Հայաստանի ցանկացած քաղաքացի քննիչից ծանուցում ստանալու դեպքում պարտավոր է գալ»,– ասաց Փաշինյանը։ -0-