ԵՐԵՎԱՆ, 9 ապրիլի. /Նովոստի–Արմենիա/. Հայաստանի ԱԺ–ում տրանսգենդերի ելույթի շուրջ աղմուկը քաղաքական սադրանք է, կարծում է Հայաստանի վարչապետ Նիկոլ Փաշինյանը։
«Այդ ամենը քաղաքական սադրանք է։ Ողջ հարցն այն է, որ սադրանք կազմակերպվի և ուղղվի այն «Իմ քայլը» խմբակցության դեմ»,– երեքշաբթի լրագրողներին ասաց Փաշինյանը։
Ապրիլի 5–ին Հայաստանի խորհրդարանի ամբիոնից պատմության մեջ առաջին անգամ ելույթ է ունեցել տրանսգենդեր Լիլիթ Մարտիրոսյանը, որը ներկայացնում է «Իևավունքի կողմը» իրավապաշտպան կազմակերպությունը։ Իր ելույթում տրանսգենդերն ասել է, որ ներկայացնում է հետապնդումների ենթարկված տրանսգենդերների հավաքական կերպարը։
Տրանսգենդերի ելույթն առաջացրել է որոշ պատգամավորների վրդովմունքը, մասնավորապես, ԱԺ–ի մարդու իրավունքների և հասարակական հարցերի հանձնաժողովի ղեկավար, «Բարգավաճ Հայաստան» խմբակցության անդամ Նաիրա Զոհրաբյանը հիշեցրեց, որ քննարկումների թեման դատաիրավական ոլորտի բարեփոխումներն են, հաշմանդամություն ունեցող մարդկանց և երեխաների իրավունքները։ Զոհրաբյանը Մարտիրոսյանի ելույթի թեման համարել է անարգանք անձամբ իր և խորհրդարանի նկատմամբ։
Загружается новость ...
"Право"
Փաշինյանը միաժամանակ անհիմն համարեց Զոհրաբյանի այն հայտարարությունը, թե նա նախապես տեղեկացված չի եղել Լիլիթ Մարտիրոսյանի անձի մասին, և նրա ելույթը կայացել է առանց Զոհրաբյանի իրազեկվածության։
«Այդ փաստաթղթերի կրկնօրինակներն իմ ձեռքի տակ են` Նաիրա Զոհրաբյանը ստորագրել է այդ մարդկանց անուններով ցուցակը։ Երբ լսեցի կատարվածի մասին, հասկացա, որ դա լավ կազմակերպված սադրանք է հեղափոխության և կառավարության դեմ»,– նշեց կառավարության ղեկավարը։
Նա տարակուսանք է արտահայտել տրանսգենդերի ելույթի նկատմամբ հասարակության, մասնավորապես, Հայաստանի հանրապետական կուսակցության և «Բարգավաճ Հայաստան» կուսակցության կողմնակիցների կտրուկ արձագանքի վերաբերյալ։
«Դա նույն մարդու իրավունքների հանձնաժողովի նիստ էր, և նա մասնակցում էր լսումների։ Հիմա ձեզ հարց եմ տալիս` նույն Հայաստանի հանրապետական կուսակցության կառավարման օրոք Լիլիթ Մարտիրոսյան անունով Հայաստանի Հանրապետության անձնագիր ստացած անձը մա՞րդ է, թե՞ ոչ։ Թող այդ հարցին պատսախանեն և հոգևորական անձինք, և «Բարգավաճ Հայաստան» կուսակցության անդամները, և պահպանողականները։ Եկեք սկսենք այդ եզրույթից»,– առաջարկեց նա։
Ինչպես նշեց Փաշինյանը, Զոհրաբյանի վարքագիծը տրանսգենդերի ելույթից հետո առիթ է տալիս կասկածելու Ազգային ժողովի պրոֆիլային հանձնաժողովի ղեկավարի նրա գործունեության նպատակահարմարության և, ընդհանուր առմամբ, Հայաստանում մարդու իրավունքների հետ կապված իրավիճակի կապակցությամբ։ -0-