ԵՐԵՎԱՆ, 4 հուլիսի. /Նովոստի-Արմենիա/. Հայաստանի վարչապետ Նիկոլ Փաշինյանը մեկնաբանել է «Հայաստան» համահայկական հիմնադրամի տնօրենի հետ կապված բացահայտումները։
Հայաստանի Հանրապետության ազգային անվտանգության ծառայությունում ստացված օպերատիվ տվյալների հիման վրա հուլիսի 2-ին յուրացումներ կատարելու, ինչպես նաև հասարակական կազմակերպության ծառայողի կողմից լիազորությունները չարաշահելու կասկածանքով բերման է ենթարկվել «Հայաստան» համահայկական հիմնադրամի տնօրեն Արա Վարդանյանը։
Загружается новость ...
"Право"
Փաստական հանգամանքների ճնշման ներքո Վարդանյանը խոստովանել է, որ տնօրինելով հիմնադրամին տրամադրված 25 միլիոն դրամի վարկային գծով բանկային քարտը, դրա միջոցներն օգտագործել է անձնական նպատակներով, այդ թվում դրանք ուղղելով տարբեր առցանց խաղատներում խաղադրույքներ կատարելուն:
«Հայաստան» համահայկական հիմնադրամի շուրջ տեղի ունեցող իրադարձությունները ոչ թե նվազեցնելու այլ ավելացնելու են սփյուռքի վստահությունը Հայաստանի հանդեպ»,– գրել է Փաշինյանը Facebook–ի իր էջում։
Ավելի վաղ ԱԱԾ ղեկավար Արթուր Վանեցյանը չորեքշաբթի կառավարության նիստից առաջ նույնպես մեկնաբանել է հիմնադրամի շուրջ ստեղծված իրավիճակը։ Նրա խոսքով, Վարդանյանի այն հայտարարությունը, որ 25 մլն դրամի գումարը հիմնադրամին տրամադրած բանկային քարտով ծախսվել է անձնական նպատակներով, բայց վերադարձվել, պետք է ստուգվի։
Հայաստանի փաստաբանների պալատի անդամ Եևվանդ Վարոսյանն իր հերթին Facebook–ի իր էջում գրել է, որ «Հայաստան» համակահայկական հիմնադրամի ղեկավարի գործունեության մասին հայտարարությունը, նուրբ ասած, չի համապատասխանում իրականությանը։
«Պարզվեց` Արա Վարդանյանը հիմնադրամի որևէ միջոց չի վատնել, չի յուրացրել, հիմնադրամի անվամբ բացված վարկային գծի բանկային քարտից կատարել են վճարումներ, այդ թվում Ա.Վարդանյանի անձնական կարիքների համար, որոնք սահմանված ժամկետում (օրերի ընթացքում) իր իսկ միջոցներից վերադարձվել են հիմնադրամի բանկային հաշվին, ու ոչ հիմա, այլ հենց ընթացքում»,– գրել է Վարոսյանը։
Նրա խոսքով, ստացվում է, որ «Հայաստան» համահայկական հիմնադրամին, կամ այն բանկին, որի միջոցներն են օգտագործվել, պատճառվել է 0 դրամի նյութական վնաս։ Վարոսյանը միաժամանակ ավելացրել է, թե յուրաքանչյուրն ինքը կարող է դատել, թե որքան վնաս պատճառվեց նախօրեի հաղորդագրությունները «Հայաստան» համահայկական հիմնադրամին։
«Հայաստան» համահայկական հիմնադրամը հիմնադրվել է 1992 թ.–ին։ Հիմնադրամի հիմնական խնդիրն է կյանքի կոչել համազգային նախագծեր։ Հոգաբարձուների խորհրդի կազմում են ներառված հայկական սփյուռքի հեղինակավոր ներկայացուցիչներ։–0–
