525.18
7.32
476.22
+11
Եղանակը Երևանում
Հայ

Փաշինյանը խոսել է Հայաստանի գինեգործության ոլորտի խնդիրների մասին և ուրվագծել դրանց լուծման ուղիները

21:04
06 Փետրվարի 2019

ԵՐԵՎԱՆ, 6 փետրվարի./Նովոստի–Արմենիա/. Վարչապետ Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն՝ գինեգործությամբ զբաղվող ընկերությունների ներկայացուցիչների մասնակցությամբ, հայտնում է կառավարության մամուլի ծառայությունը։

Խորհրդակցության ընթացքում քննարկվել են ոլորտի զարգացման հնարավորություններին և հեռանկարներին վերաբերող մի շարք հարցեր:

«Այսօր հավաքվել ենք ոլորտի հետ կապված խնդիրները քննարկելու և արձանագրելու, թե ինչպես կարող է զարգանալ կառավարության համագործակցությունը գինեգործության ոլորտի հետ: Այսօր մեր երկրում գինեգործությունն ամենաակտիվ զարգացող ճյուղերից մեկն է և այն, որ այսպիսի պատկառելի ներկայություն է ապահովվել, արդեն իսկ խոսուն փաստ է: Սակայն, ընդհանուր առմամբ, կարծում եմ, որ շուկաներում ներկայացվածության խնդիրներ ունենք և դրանք թերևս կապված են ոչ միայն հասանելիության, այլև արտադրական ծավալները մեծացնելու անհրաժեշտության հետ»,– ասել է վարչապետ Փաշինյանը։

Փաշինյանը նշել է, որ շատ դեպքերում հայկական արտադրության գինին մրցունակ է որակի, գնային առումով, սակայն որոշ դեպքերում մրցունակությունը տուժում է ծավալների սահմանափակության պատճառով, որովհետև երբեմն խոշոր խմբաքանակներն ավելի գրավիչ են դառնում պոտենցիալ գնորդների համար, քան փոքր խմբաքանակները, մանավանդ դրանց պարբերականության հետ կապված խնդիրներ ծագելու պարագայում:

«Ամեն դեպքում դուք ավելի լավ գիտեք ոլորտի խնդիրները և հույս ունեմ, որ այսօր կկարողանանք բոլոր մանրամասներով դրանք քննարկել»,- նշել է Փաշինյանը:

Загружается новость ... "Право"

Զեկուցվել է, որ վերջին շրջանում գինեգործության ոլորտում տեղի են ունենում դրական զարգացումներ, որոնք նպաստել են նաև արտահանման ծավալների ավելացմանը: Մասնավորապես, 2017 թվականին 2016-ի 7 մլն լիտրի փոխարեն հանրապետությունում գինու արտադրանքի ծավալը կազմել է 9 մլն 700 հազար լիտր: Միաժամանակ, արտահանման ծավալները կազմել են 2,7 մլն լիտր, ինչը 2016-ի համեմատ աճել է մոտ մեկ մլն լիտրով:

Այնուհետև ընկերությունների ներկայացուցիչները կառավարության ղեկավարին են ներկայացրել իրենց խնդիրները, առաջարկություններն ու դիտարկումները: Մասնավորապես, քննարկվել են ոլորտում նոր ներդրումների ներգրավման հնարավորություններին, տնտեսվարողներին տրամադրվող սուբսիդավորվող վարկերի հետվերադարձելիության ժամկետներին, արտահանման, հարկային վարչարարության, օրենսդրական դաշտի բարելավման, խաղողի այգիներում առաջացող հիվանդությունների կանխարգելման, կաթիլային ոռոգման համակարգի ներդրման պետական ծրագրին, ինչպես նաև Հայաստանի խաղողագործության և գինեգործության հիմնադրամի գործունեությանն ու արդյունավետությանը վերաբերող հարցեր:

Ամփոփելով՝ վարչապետ Փաշինյանը նշել է, որ կառավարությունը մեծապես կարևորում է գինեգործության շարունական զարգացումը և այդ նպատակով պատրաստ է պարբերական դարձնել նմանատիպ հանդիպումները՝ առկա խնդիրները վեր հանելու և դրանց լուծումները գտնելու նպատակով: Ոլորտի զարգացման, այդ թվում՝ հիվանդությունների կանխարգելման առումով վարչապետը կարևորել է նաև Հայաստանի ազգային ագրարային համալսարանի գիտական ներուժի կիրառումն ու իրացումը: Նիկոլ Փաշինյանը կոչ է արել ոլորտի ներկայացուցիչներին առաջիկայում նոր գաղափարներ գեներացնել և դրանք ներկայացնել կառավարությանը՝ դրանք համատեղ կյանքի կոչելու նպատակով:

Անդրադառնալով հիմնադրամի հետագա գործունեության մասին հարցին՝ կառավարության ղեկավարն առաջարկել է մասնավոր հատվածի ներկայացուցիչներին առաջիկայում քննարկում կազմակերպել իր մոտ՝ հասկանալու կառույցի գործունեության արդյունավետությունը:

Վարչապետը հավելել է, որ արդյունքում կկայացվի համապատասխան որոշում՝ հաշվի առնելով բոլոր շահագրգիռ կողմերի դիրքորոշումները: -0-

Թեմատիկ նյութեր
Բաժնի այլ նյութեր
20:45
12 Սեպտեմբերի 2019
Փաշինյանը մասնակցել է «Արմենիա էքսպո-2019» ցուցահանդեսի բացմանը (ՖՈՏՈ)
Այս տարի 2018-ի համեմատ ցուցահանդեսին մասնակցում է 40-ով ավելի ընկերություն:
18:40
12 Սեպտեմբերի 2019
Քոչարյանին կալանքից ազատելու մասին որոշումը կհրապարակվի սեպտեմբերի 17–ին
Դատախազ Գևորգ Բաղդասարյանը կոչ է արել մերժել պաշտպանության պահանջն առանց խափանման որևէ միջոցի Քոչարյանին ազատելու վերաբերյալ։
18:25
12 Սեպտեմբերի 2019
Դատախազը կոչ է արել մերժել Քոչարյանին ազատելու պահանջը
Ավելի վաղ նույն օրը Քոչարյանի փաստաբան Արամ Օրբելյանը պահանջել է ազատել նախկին նախագահին։
17:37
12 Սեպտեմբերի 2019
Հայաստանը ՀԱՊԿ–ը դիտարկում է անվտանգության առանցքային գործիք. փոխվարչապետ
Նա հատուկ կարևորեց միջազգային և տարածաշրջանային անվտանգության հարցերով կանոնավոր քաղաքական խորհրդակցությունները
15:47
12 Սեպտեմբերի 2019
Երևանի կենտրոնի փողոցներից մեկում երթևեկը կդառնա միակողմանի (ՍԽԵՄԱ)
Երևանի կենտրոնի փողոցներից մեկում երթևեկը կդառնա միակողմանի:
15:38
12 Սեպտեմբերի 2019
Քոչարյանի փաստաբանը պահանջել է անհապաղ ազատ արձակել նրան
Քոչարյանի փաստաբանը պահանջել է անհապաղ ազատ արձակել նրան:
13:12
12 Սեպտեմբերի 2019
Հայտնի ռեստորատոր Դավիթ Երեմյանը ռեստորան կբացի Մարզահամերգային համալիրում
«Հայր և որդի Երեմյաններ» ՍՊԸ–ն, որին պատկանում են «Պանդոկ Երևան», «Լավաշ», «Շերեփ» ռեստորանները, ռեստորան կբացի Մարզահամերգային համալիրում։



12:19
12 Սեպտեմբերի 2019
Դադարեցվել են «Իմ քայլը» խմբակցության պատգամավորներից մեկի լիազորությունները
Դադարեցվել են «Իմ քայլը» խմբակցության պատգամավորներից մեկի լիազորությունները։
11:12
12 Սեպտեմբերի 2019
Հրազդան գետի վրա 252 մետրանոց կամուրջ կկառուցվի. մեկնարկել է Արգավանդ-Շիրակ նոր ճանապարհի շինարարությունը (ՖՈՏՈ)
Արգավանդ-Շիրակ ճանապարհը Երևանի արևմտյան օղակաձև ճանապարհի մի հատվածն է, որը նաև կապում է Մալաթիա-Սեբաստիա և Շենգավիթ վարչական շրջանները:
10:42
12 Սեպտեմբերի 2019
Ամառը, կարծես, վերադառնում է. Երևանում սպասվում է +30 աստիճան
Ամառը, կարծես, վերադառնում է. Երևանում սպասվում է +30 աստիճան։
08:00
12 Սեպտեմբերի 2019
Չորեքշաբթի` սեպտեմբերի 11–ի առավել կարևոր նորությունները
«Նովոստի–Արմենիա» գործակալությունը ներկայացնում է չորեքշաբթի` սեպտեմբերի 11–ի առավել կարևոր նորությունների իր տարբերակը
20:56
11 Սեպտեմբերի 2019
Սեպտեմբերի 20–ը` բնապահպանական մոբիլիզացման օր. երթի մասնակիցները հանդես եկան կոչով
Ամուլսարի շահագործման դեմ երթ է Երևանում ավարտվեց։