ԵՐԵՎԱՆ, 1 ապրիլի./Նովոստի–Արմենիա/. Վարչապետ Նիկոլ Փաշինյանը Facebook–ի իր էջում գրել է, որ 2019 թվականի պետական բյուջեի եկամտային մասը առաջին եռամսյակում գերակատարվել է շուրջ 11.4 միլիարդ դրամով, շնորհակալություն հայտնելով բնակչությանն ամենուրեք ՀԴՄ կտրոններ պահանջելու համար։
«Շնորհակալ եմ, որ վճարում եք հարկերը, սիրելի հայրենակիցներ»,– գրել է նա։
Վարչապետն ընդգծել է, որ այդ հարկերը հայրենակիցները ոչ թե կառավարությանն են վճարում, այլ հայրենիքին և իրենց երեխաներին, որոնց ապագան կառուցվում է այսօր:
Загружается новость ...
"Право"
Վարչապետը միաժամակ մարտի 27–ին խորհրդարանում ասել էր, որ գործադիր մարմինը կգերակատարի 2019 թվականի բյուջեի եկամտային մասը 40 մլրդ դրամով։
Պետբյուջեի համաձայն, բյուջեի եկամտային մասը կազմում է 1.5 տրլն դրամ, ծախսայինը` 1.6 տրլն դրամ, պակասուրդը` մոտ 150 մլրդ դրամ։ Կապիտալ ծախսերը 2018 թվականին սպասված ՀՆԱ–ի 2.3 տոկոսից 2019 թվականին կաճեն մինչև 3 տոկոս։ -0-