ԵՐԵՎԱՆ, 11 դեկտեմբերի. /Նովոստի–Արմենիա/. Հայաստանը ՀԱՊԿ անդամ է և չի ձգտում անդամակցել ՆԱՏՕ–ին, բայց հարաբերություններ կպահի դաշինքի հետ, նախօրեին ասել է Հայաստանի վարչապետի պաշտոնակատար Նիկոլ Փաշինյանը։
«Մենք հարաբերություններ ունենք ՆԱՏՕ–ի հետ, դրանք կապված են խաղաղապահ առաքելությունների հետ, այդ թվում` Կոսովոյում, Աֆղանստանում, և մենք կշարունակենք այդ գործակցությունը։ Բայց մենք չենք ձգտում ՆԱՏՕ մտնել»,– ասել է նա, հայտնում է
ՏԱՍՍ–ը։
Հայաստանը գործընկերային հարաբերություններ է պահպանում և Ռուսաստանի, և Եվրամիության հետ, բայց ոչ ինչ–որ մեկի ազդեցությամբ, ավելացրել է Փաշինյանը։
«Մենք գործընկերներ ենք և ՌԴ–ի, և ԵՄ–ի հետ և որևէ մեկի ազդեցության ներքո չենք»,– ասել է նա, պատասխանելով երկրի` ԱԺ ընտրություններից հետո արտաքին քաղաքական գերակայությունների մասին։
Ավելի վաղ Հայաստանի վարչապետի պաշտոնակատարը բազմիցս ասել է, որ հանրապետությունը չի ձգտում ապագայում դառնալ ՆԱՏՕ–ի անդամ, հավատարիմ է բոլոր միջազգային պայմանավորվածություններին և կմնա ՀԱՊԿ–ի և Եվրասիական տնտեսական միության անդամ։
Հայաստանի ներկայացուցիչ Տիգրան Սարգսյանը 2016 թվականից ղեկավարում է Եվրասիական տնտեսական հանձնաժողովի կոլեգիան։ -0-